#tadbir

Milliy madaniy markazlar faollariga sertifikatlar topshirish marosimi bo‘lib o‘tdi

Davlat tilini rivojlantirishga qaratilgan chora-tadbirlar doirasida milliy madaniy markazlar faollariga sertifikatlar topshirish marosimi bo‘lib o‘tdi. Bu tadbir O‘zbekiston Respublikasi Prezidentining 2025-yil 20-oktyabrdagi “Davlat tilini yanada rivojlantirishga oid qo‘shimcha chora-tadbirlar to‘g‘risida”gi qarori hamda O‘zbekiston Respublikasi Millatlararo munosabatlar va xorijdagi vatandoshlar masalalari bo‘yicha qo‘mitasi hamda Davlat tilida ish yuritish asoslarini o‘qitish va malaka oshirish markazi o‘rtasida imzolangan memorandum asosida tashkil etildi.

Marosimda qo‘mita va markaz rahbarlari, milliy madaniy markazlar faollari hamda ommaviy axborot vositalari vakillari ishtirok etdi. Shuningdek, memorandum doirasida milliy madaniy markazlar faollari uchun mo‘ljallangan yangi o‘zbek tili kursining birinchi mashg‘uloti ham bo‘lib o‘tdi.

Bu kurslar milliy madaniy markazlar faollari uchun o‘zbek tilini chuqur o‘rganishda yangi imkoniyatlar yaratadi va jamiyatda millatlararo totuvlik hamda bag‘rikenglik muhitini yanada mustahkamlashga xizmat qiladi. Kurslar orqali faollar til bilimini amaliyotda qo‘llash, madaniy almashinuvlar va ijtimoiy loyihalarda samarali ishtirok etish imkoniga ega bo‘ladi.

✈️Telegram | ™️Facebook | 📺 Youtube

📚Shirin shahrida “Ommaviy diktant” tanlovining ilk bosqichi oʻtkazildi

Oʻzbekiston Respublikasi Prezidentining oʻzbek tilining davlat tili sifatidagi nufuzi va mavqeyini yanada oshirishga qaratilgan farmon va qarorlari hamda viloyat hokimining joriy yil 30-yanvardagi yigʻilish bayonida belgilangan vazifalar ijrosi yuzasidan viloyatimizda “Ommaviy diktant” tanloviga start berildi.

Mazkur tanlov davlat tiliga hurmatni yanada mustahkamlash, rahbar xodimlar oʻrtasida yozma savodxonlik madaniyatini oshirish, oʻzbek adabiy tili meʼyorlariga qatʼiy rioya etish koʻnikmalarini shakllantirishga qaratilgan muhim maʼrifiy tashabbusdir.

Unda shaharda faoliyat yuritayotgan korxona va tashkilotlarning rahbar xodimlari ishtirok etib, belgilangan matn asosida diktant yozdilar. Jarayon tasdiqlangan Nizom talablari asosida, shaffoflik va xolislik tamoyillariga qatʼiy amal qilgan holda tashkil etildi.

“Ommaviy diktant” tanlovi viloyatimizning barcha tuman va shaharlarida bosqichma-bosqich oʻtkaziladi. Yakuniy natijalar umumlashtirilib, gʻoliblarni taqdirlash Oʻzbek tili bayrami kuni arafasida oʻtkazilishi rejalashtirilgan.

✈️Telegram | ™️Facebook | 📺 Youtube

📌📌📌📌📌📌

✅Toshkent viloyati Oqqo'rg'on tumanida "Ommaviy diktant" tadbiri bo‘lib o‘tdi

🤩Ommaviy diktantda tuman hokimligi jamoasi, barcha tashkilot, korxona, muassasa, idoralar rahbarlari ishtirok etdi. Toshkent viloyati hokimligi yigʻilishi bayoniga muvofiq tashkil etilgan ushbu tadbirlar Davlat tilida ish yuritish asoslarini o‘qitish va malaka oshirish markazi bilan hamkorlikda oʻtkazib kelinmoqda.

🤩"Ommaviy diktant" tadbirida davlat xizmatchilari orasida yozma savodxonlik madaniyati targ‘ib qilinib, davlat tiliga bo‘lgan hurmat va qiziqish yanada oshirildi, shu bilan birga, uning ijtimoiy mavqeyini mustahkamlash to‘g‘risida fikrlar bildirildi, o‘zbek tilining qo‘llanishi va rasmiy ish yuritish hujjatlari tili sifatidagi o‘rnini takomillashtirish, xodimlarning o‘zbek tilida diktant yozish orqali imlo savodxonligi yuzasidan o‘z ko‘nikmasini baholash imkoniyati yaratildi.

🤩Eng muhimi, davlat xizmatchilarining savodxonligini oshirish orqali hujjatlarning xatosiz yuritilishi hamda davlat tili qoida va me’yorlari sifatini oshirish maqsadlari ko‘zda tutilganligi yana bir bor ta'kidlandi.

✈️Telegram | ™️Facebook | 📺 Youtube