#jarayon

✅ Davlat tili va tartib — har birimizning mas’uliyatimiz!

G‘ijduvon tumanida davlat tiliga hurmat, qonunlarga rioya qilish va jamoat tartibini ta’minlash borasida navbatdagi amaliy ishlar olib borildi.

Tuman hokimligi Axborot xizmati rahbari — davlat tili bo‘yicha maslahatchi hamda tuman IIB xodimlari hamkorligida tashkil etilgan o‘rganishlar hudud obodligi va huquqiy madaniyatni yuksaltirishga qaratildi.

➡️ Batafsil

✈️Telegram | ™️Facebook | 📺 Youtube

#bilib_oling

🇺🇿Ramazon lugʻati

Bir yilda bir oy davom etadigan Ramazon va uning roʻzasi, musulmonlar ado qilishi kerak boʻlgan İslom dinining asosiy ibodatlaridan biridir. Tilimizda Ramazonda ishlatiladigan bir qancha soʻz bordir. Ramazon oyidagina ishlatiladigan ayrim soʻzlar:

Ramazon- kelib chiqishi arabchadir, "quruq issiq" maʼnosini anglatuvchi ramad soʻzidan olingan. İslomdan avval Arablarda iyul/avgust oylariga teng kelgan bu oy İslomiy oylarning toʻqqizinchisi sanaladi.

Ro'za - fors-tojikcha kun so'zidan olingan. Ramazonda sahardan og'izochargacha yeb-ichmasdan qilingan ibodatga aytiladi. Turkcha va Ozarchada ro'za so'zi o'rniga oruç so'zi ishlatiladi. Qolgan qardosh xalqlarda, jumladan Qazoqchada - oraza, Qirg'izchada - orozo, Turkmanchada- agız beklemek, Tatarchada- uraza, Uyg'urchada- Ruza tutish kabi atamalar ishlatiladi.

Sahar- Arabcha soʻz. Kun yorishishi, tongning oqarishi, kabi ma'nolarni bildiradi. Saharda yeyiladigan taom, yemek ham deyiladi. Ro'zadorlar ro'zaga sahar vaqti turadilar va ro'zaga niyat qiladilar. Oromi va Suryoni tillarida ham ayni maʼnoda ishlatiladi. Akkad tilida "sheru" deyiladi.

Iftor- Arabchada, nonushta qilish vaqti, roʻza ochish vaqti, ma'nolarida ishlatiladi. O'zbek shevalarimizda bu so'zning muqobili og'izochar'dir.

Nisholda- Ramazonda tayyorlanadigan koʻpiksimon quyuq oq shirinlik. (Xalq ogʻzida nisholla, nishollo shakllari ham bor.) Odatda mahalla markazlarida, bozor rastalarida sotiladi. Eng qizig'i shundaki, bu shirinlikni sevib yeyishimizga qaramay, uni boshqa mavsumlarda topa olmaymiz. Shuning uchun bo'lsa kerak ramazon deganda aqlimizga uning bilan birga tezda nisholda ham keladi.

Bayram- Orta forschada padram, Sogʼdcha patram (huzur, baxt, qut degani) shaklida kelgan. Bu so'z Mahmud Qoshg'ariyning DLT(Devoni Lug'ati't Turk) asarida badram/bayram shaklida keladi. Turkiy xalqlarning barchasida bu soʻz birdek ishlatiladi. Yuqoridagi so'zni Ramazon bayrami, Hayit bayrami, Qurbon bayrami, Navro'z bayrami va boshqa qutlamalarda eshitgansiz. Hozircha shular edi.
👉@shevashunos

✈️Telegram | ™️Facebook | 📺 Youtube

#Ommaviy_diktant #Toshkent_viloyati

Davlat tili – millat ma’naviyatining tayanchi!

🟢Davlat tilining jamiyat hayotidagi nufuzi va mavqeyini yuksaltirish, davlat xizmatchilarining yozma savodxonligini oshirish hamda davlat tilni rivojlantirishga qaratilgan vazifalar ijrosini ta’minlash maqsadida bugun Bo‘stonliq tumanida “Ommaviy diktant” tadbiri tashkil etildi.

🟢Tadbir tuman hokimligi hamda Davlat tilida ish yuritish asoslarini o‘qitish va malaka oshirish markazi hamkorligida o‘tkazildi. Unda hokimlik apparat xodimlari, tashkilot va muassasalar rahbarlari hamda davlat xizmatchilari faol ishtirok etdilar.

🟢Diktant jarayonida davlat tiliga hurmat, rasmiy hujjatlarni adabiy til me’yorlari asosida yuritish hamda yozma savodxonlikni oshirish masalalariga alohida e’tibor qaratildi. Ishtirokchilar o‘z bilim va ko‘nikmalarini amaliy sinovdan o‘tkazdilar.

🟢Mazkur tashabbus viloyatning boshqa tuman va shaharlarida ham yuqori saviyada tashkil etilib, davlat tilining nufuzi va mavqeyini yanada mustahkamlashga xizmat qildi. Hududlar kesimida bosqichma-bosqich o‘tkazilgan ushbu tadbirlarning yakuniy bosqichi Bo‘stonliq tumanida bo‘lib o‘tdi hamda umumiy jarayonga munosib tarzda yakun yasadi.

🟢Ushbu tashabbus davlat xizmatchilarining mas’uliyatini yanada kuchaytirish, tilga bo‘lgan hurmatni kundalik faoliyatda amalda namoyon etish hamda davlat tili me’yorlariga qat’iy rioya qilish madaniyatini mustahkamlashga xizmat qiladi.

✈️Telegram | ™️Facebook | 📺 Youtube

#oʻzbekchasi_bor

⚠️O‘zbek tilidan sof foydalaning!

✈️Telegram | ™️Facebook | 📺 Youtube

✅
“Jadid” gazetasining 2026-yil 20-fevraldagi 8-soni bilan tanishing:

📱Elektron gazeta

🟣Jamoliddin BADALOV:
TINCHLIK KENGASHI SAMARASI
🟣Kaoru IOKIBE:
QADRIYAT YOXUD TARAQQIYOT?
🟣Abdulhamid MUXTOROV:
GEOMA’NAVIY XAVFSIZLIK
🟣Mahmud TOIR:
MUMTOZ MUHABBAT MAMLAKATI
🟣Dilorom YUSUPOVA:
KELAJAK KALITI
🟣Ro‘zimboy HASAN:
KOMIL XORAZMIY KIM EDI?
🟣Zarnigor IBROHIMOVA:
POL MILGROM – AUKSIONNI AQL BILAN BOSHQARISHNI O‘RGATGAN NOBELCHI
🟣Sultonmurod OLIM:
QAHRAMON OLIMA
🟣Rustambek SHAMSUTDINOV:
FIKR UCHUN JAZO
🟣Bahodir NURMUHAMMAD:
YO‘QOLGAN “QIRQ DAQIQA”NI QIDIRIB...
🟣Shahriyor SHAVKAT:
“JAYHUN ORTIDAGI O‘ZBEK BOLASI...”
🟣Eshqobil SHUKUR:
“YETTI IQLIM” IBORASINI BIRINCHI BO‘LIB KIM QO‘LLAGAN?

✈️Telegram | ™️Facebook | 📺 Youtube

#Maqollar_taʼrifi

AMMA-XOLA YIG‘ILIB DANGONA QILUR, BO‘LIB OLOLMAY HANGOMA QILUR.

Dangona - ov, sayd, uloqchi keltirgan uloq go‘shti, xullas, g‘oyibdan qo‘lga kirgan, o‘rtaga qo‘yib baham ko‘riladigan narsa.

Bundan tashqari, bir necha kishi o‘rtada pul yig‘ib, mol olib so‘yib, go‘shtini bo‘lib olish ini ham; o‘g‘ri va qaroqchilar topgan o‘ljalarini o‘zaro o‘rtada bo‘lishib olishlarini ham “dangona” deydilar.

Ma’nosi: “Amma-xolalar ota-onadan qolgan merosni tinchgina, hamjihatlik bilan bo‘lishib ololmay, bir-birlari bilan kelishmay, nari-beri gap (hangoma)ga boradilar, ya’ni urush-janjal chiqaradilar”.

📘Ma’nolar maxzani.

✍️Shomaqsudov Shotursun, Shorahmedov Shuhrat.

✈️Telegram | ™️Facebook | 📺 Youtube

📌📌📌📌📌📌

TIL – MILLAT KO‘ZGUSI, UNI ASRAYLIK!
(kichik hajmli)

✈️Telegram | ™️Facebook | 📺 Youtube