O‘z tiliga ega bo‘lgan el — mag‘rur va qudratli!

📝 Toshkent viloyati hokimining tashabbusi bilan hudud bo‘ylab "Ommaviy diktant" oyligi ko‘tarinki ruhda davom etmoqda.

✍️ Mazkur xayrli tashabbus doirasida navbatdagi tadbir "Hududiy elektr tarmoqlari" AJ Toshkent hududiy filiali xodimlari uchun tashkil etildi. Unda jamiyatning rahbar va mas’ul xodimlari o‘zlarining ona tili borasidagi bilim va savodxonlik darajalarini sinovdan o‘tkazdilar.

✅ Tadbirda viloyat hokimining ma’naviyat va davlat tili masalalari bo‘yicha maslahatchisi Shahnoza Xo‘jayeva hamda Davlat tilida ish yuritish asoslarini o‘qitish va malaka oshirish markazi vakillari ishtirok etishdi.

Ishtirokchilar diktant yozib, ona tilimizning boy imkoniyatlarini yana bir bor his qildilar. Bu kabi tadbirlar davlat tilida ish yuritish sifatini oshirishga xizmat qilishi shubhasiz.

Telegram | Facebook | Youtube

To‘raqo‘rg‘on tumani elektr taʼminoti korxonasida Davlat tili to‘g‘risidagi qonun talablariga rioya etilishi yuzasidan o‘rganish ishlari olib borildi.

O‘rganish davomida korxonada ish yuritish hujjatlari, tashqi va ichki yozuvlar, eʼlonlar, lavha hamda peshlavhalarning davlat tilida yuritilishi holati ko‘zdan kechirildi.

Shuningdek, xodimlar tomonidan xizmat faoliyatida davlat tilidan to‘g‘ri va to‘liq foydalanish, rasmiy hujjatlarni davlat tilida yuritish masalalariga alohida eʼtibor qaratildi.

Aniqlangan kamchiliklarni bartaraf etish, hujjatlar va yozuvlarni davlat tili meʼyorlariga muvofiqlashtirish yuzasidan tegishli tavsiya va tushuntirishlar berildi.

Kelgusida ham korxonada Davlat tili to‘g‘risidagi qonun talablariga qatʼiy rioya etish, ish yuritish jarayonlarida davlat tilining nufuzini oshirish bo‘yicha zarur choralar ko‘rilishi taʼkidlandi.

Telegram | Facebook | Youtube