#imtihon

🇺🇿So‘nggi yillarda mamlakatimizda istiqomat qilayotgan turli millat vakillarining o‘zbek tilini o‘rganishga bo‘lgan qiziqishi tobora ortib bormoqda. Ayniqsa, o‘rta va katta yoshdagi tinglovchilarning bu boradagi intilishi alohida e’tiborga loyiq. Bu jarayon nafaqat tilga, balki milliy madaniyatimiz va qadriyatlarimizga bo‘lgan hurmatning ham yorqin ifodasidir.

😊 Mazkur yo‘nalishda Alisher Navoiy nomidagi Toshkent davlat o‘zbek tili va adabiyoti universiteti huzuridagi Davlat tilida ish yuritish asoslarini o‘qitish va malaka oshirish markazi tizimli va samarali faoliyat olib bormoqda. Markaz tomonidan ishlab chiqilgan va tasdiqlangan o‘quv dasturlari asosida tashkil etilgan o‘zbek tili kurslari bugungi kunda ko‘plab tinglovchilarni qamrab olgan.

🧾 Ana shunday kurslarning navbatdagi bitiruvchilari uchun yakuniy imtihonlar tashkil etildi. Sinov jarayonlarida tinglovchilarning o‘zbek tilida og‘zaki va yozma nutq ko‘nikmalari bo‘yicha bilim va malakalari sinovdan o‘tkazildi.

🌎Bizning manzillar:
🌐Veb-sahifa |✈️Telegram |™️ Facebook | 📺Youtube