✅Namanganda turkiy tillar taraqqiyotiga bag‘ishlangan nufuzli xalqaro anjuman bo‘lib o‘tdi!

🤩 Joriy yilning 3–4-iyun kunlari Namangan shahrida “Global integratsiya sharoitida turkiy tillar taraqqiyoti: muammo va vazifalar” mavzusidagi III xalqaro ilmiy-amaliy anjuman muvaffaqiyatli yakunlandi.

🌐 Keng qamrovli ishtirok: Anjumanda dunyoning 10 dan ortiq davlati — Turkiya, O‘zbekiston, Ozarbayjon, Qozog‘iston, Qirg‘iziston, Tojikiston, Turkmaniston, Vengriya, Xitoy hamda Rossiya Federatsiyasi (Xakasiya, Tuva, Tatariston)dan taniqli tilshunos olimlar va tadqiqotchilar jamlandi.

👨‍💼Asosiy maqsad: Turkiy tillar taraqqiyotiga oid dolzarb masalalarni xalqaro miqyosda muhokama qilish hamda avval nashr etilmagan yangi ilmiy tadqiqotlarni ommaga taqdim etish. Yakunda soha rivoji bo'yicha muhim xulosalar va istiqbolli rejalar belgilandi.

✅Tashkilotchilar: Tadbir O‘zbekiston Respublikasi Vazirlar Mahkamasi huzuridagi O‘zbek tilini rivojlantirish jamg‘armasi, Oliy ta’lim, fan va innovatsiyalar vazirligi, Toshkent davlat o‘zbek tili va adabiyoti universiteti huzuridagi Davlat tilida ish yuritish asoslarini o‘qitish va malaka oshirish markazi, Anqara Hoji bayram vali universiteti, shuningdek, Turk tili jamiyati kabi qator nufuzli tashkilotlar hamkorligida yuqori saviyada tashkil etildi.

✨Ma'lumot o'rnida: Mazkur muloqot maydoni 2024-yilda Toshkentda, 2025-yilda esa Buxoroda o'tkazilgan bo'lib, bu yilgi anjuman o'zining qamrovi va nufuzi bilan alohida ajralib turdi.

🔘batafsil

✈️Telegram | ™️Facebook | 📺 Youtube

🇺🇿Qonun ijrosi o‘rganildi
 
🔺Xalq deputatlari Bo‘stonliq tumani Kengashining 2026-yilga mo‘ljallangan Ish rejasiga muvofiq O‘zbekiston “Milliy tiklanish” demokratik partiyasidan saylangan deputat F.Axmedov, tuman hokimi maslahatchisi X.Akmalov, Respublika Ma’naviyat va ma’rifat markazi tuman bo‘linmasi rahbari F.Fayzulloyeva va kotibiyat xodimi N.Kurganova tomonlaridan tuman Sanitariya-epidemiologik osoyishtalik va jamoat salomatligi bo‘limida O‘zbekiston Respublikasining “Davlat tili to‘g‘risida”gi Qonuni ijrosi o‘rganildi.
 
🔺O‘rganish jarayonida davlat tili haqidagi qonun talablarining amalda bajarilishi, ish yuritish hujjatlarining davlat tilida rasmiylashtirilishi, tashqi va ichki yozuvlar, ko‘rsatkichlar, e’lonlar hamda axborot materiallarining davlat tili me’yorlariga muvofiqligi tahlil qilindi.
 
🔺Shuningdek, fuqarolarga xizmat ko‘rsatish jarayonlarida davlat tilidan to‘liq va samarali foydalanish, rasmiy veb-sahifalar va ijtimoiy tarmoqlarda joylashtirilayotgan materiallarning davlat tili qoidalariga muvofiqligi ham o‘rganildi. Mas’ul xodimlar bilan suhbatlar o‘tkazilib, qonun talablarini yanada to‘liq ta’minlash bo‘yicha fikr-mulohazalar almashildi.
 
🔺Tahlillar davomida aniqlangan ayrim kamchiliklarni bartaraf etish, hujjatlar va axborot materiallarini davlat tili me’yorlari asosida yuritish, xodimlarning til madaniyatini oshirish hamda qonun talablariga qat’iy rioya etish yuzasidan tegishli tavsiyalar berildi.

✈️Telegram | ™️Facebook | 📺 Youtube