🇺🇿 Yangihayot tumanida davlat tili to‘g‘risidagi qonunchilik hujjatlari talablariga rioya etilishini ta’minlash maqsadida tegishli tushuntirish ishlari amalga oshirilmoqda

👍 Xususan, Yangihayot tumani hokimining Ma’naviyat va davlat tili masalalari bo‘yicha maslahatchisi tomonidan O‘zbekiston Respublikasining "Davlat tili haqida", "Geografik obyektlarning nomlari to‘g‘risida" hamda "Reklama to‘g‘risida"gi qonunlari, shuningdek, sohaga oid Hukumat qarorlari va farmoyishlari talablariga rioya etilishi yuzasidan yuridik shaxslar bilan tushuntirish ishlari olib borilmoqda.

👍 Tushuntirishlar davomida reklama va e’lonlarni, jumladan, tashkilotlarning ijtimoiy tarmoqlarida joylashtirilayotgan axborotlarni davlat tilida hamda amaldagi qonunchilik talablariga muvofiq tayyorlash va e’lon qilish zarurligi yuzasidan tavsiyalar berilmoqda.

✈️Telegram | ™️Facebook | 📺 Youtube

🦅 Davlat tili nufuzi – qonun ijrosi va amaliy mas'uliyat uyg‘unligida

🇺🇿 2026-yil 10-iyul kuni Andijon viloyati hokimligida O‘zbekiston Respublikasining "Davlat tili haqida", "Geografik obyektlarning nomlari to‘g‘risida" hamda "Reklama to‘g‘risida"gi Qonunlari va sohaga oid qonunosti hujjatlari ijrosini ta'minlash masalalariga bag‘ishlangan yig‘ilish bo‘lib o‘tdi.

🇺🇿Unda Andijon viloyati hokimligi, viloyat prokuraturasi, viloyat ishchi guruhi a'zolari, shuningdek, viloyatdagi barcha shahar va tuman hokimlarining ma'naviyat va davlat tili masalalari bo‘yicha maslahatchilari ishtirok etdilar.

🇺🇿 Yig‘ilishni Andijon viloyati hokimining ma'naviyat va davlat tili masalalari bo‘yicha maslahatchisi A. Hamraqulov olib borib, davlat tili to‘g‘risidagi qonunchilik hujjatlarining ijrosini ta'minlash, hududlarda ish yuritish hujjatlarini davlat tilida to‘g‘ri rasmiylashtirish, geografik obyektlarga nom berish va ularni qayta nomlash jarayonlarini amaldagi qonunchilik asosida tashkil etish, tashqi reklama vositalari, peshlavha va ko‘rgazmali axborotlarning davlat tili me'yorlariga muvofiqligini ta'minlash bo‘yicha amalga oshirilayotgan ishlar hamda istiqboldagi ustuvor vazifalar yuzasidan ma'lumot berdi.

🇺🇿 Yig‘ilish davomida Andijon viloyati prokuraturasi tomonidan davlat tili to‘g‘risidagi qonunchilik ijrosi yuzasidan olib borilgan o‘rganishlar natijalari atroflicha tahlil qilindi. O‘rganishlar davomida aniqlangan ijobiy tajribalar bilan bir qatorda ayrim davlat organlari va tashkilotlarida uchrayotgan kamchiliklar, ularning kelib chiqish sabablari hamda qonunchilik talablarini buzgan holatlar yuzasidan ko‘rilgan ta'sir choralari muhokama qilindi.

👨‍💼 Shuningdek, davlat organlari va tashkilotlari rahbarlari hamda xodimlarining davlat tilida ish yuritish bo‘yicha bilim va ko‘nikmalarini oshirish, ularning davlat tilida o‘qitish kurslarida ishtiroki, malaka oshirish tizimining bugungi holati hamda ushbu yo‘nalishda mavjud tashkiliy va moliyaviy muammolar yuzasidan fikr almashildi. Davlat tili to‘g‘risidagi qonunchilik talablarining izchil ijrosini ta'minlashda kadrlar salohiyatini oshirish muhim omillardan biri ekani alohida ta'kidlandi.

✅ Muhokamalar jarayonida shahar va tuman hokimlarining ma'naviyat va davlat tili masalalari bo‘yicha maslahatchilari o‘z hududlarida amalga oshirilayotgan ishlar, erishilgan natijalar hamda amaliyotda uchrayotgan muammolar haqida axborot berdilar. Ishtirokchilar tomonidan bildirilgan takliflar asosida mavjud muammolarni bartaraf etish, hududlarda monitoring va nazorat ishlarini kuchaytirish, davlat tili me'yorlariga rioya etilishi ustidan ta'sirchan jamoatchilik nazoratini yo‘lga qo‘yish bo‘yicha tavsiyalar ishlab chiqildi.

✅ Yig‘ilish yakunida davlat tili to‘g‘risidagi qonunchilik hujjatlari ijrosini yanada jadallashtirish, barcha mas'ul tashkilotlarning shaxsiy mas'uliyatini oshirish, vazifalarga sidqidildan yondashish, davlat tilida ish yuritish bo‘yicha malaka oshirish tizimini takomillashtirish, mazkur yo‘nalishdagi moliyaviy muammolarni bartaraf etish hamda aniqlangan kamchiliklarni qisqa muddatlarda bartaraf etish yuzasidan aniq topshiriq va vazifalar belgilab berildi.

🇺🇿 Mazkur yig‘ilish davlat tilining jamiyat hayotidagi nufuzini yuksaltirish, davlat tili to‘g‘risidagi qonunchilik hujjatlarining so‘zsiz ijrosini ta'minlash hamda davlat tili me'yorlariga hurmat bilan yondashish madaniyatini yanada mustahkamlash yo‘lidagi muhim amaliy muloqot maydoni bo‘ldi.

#Tilimiz_boyligimiz

🤩Vazirlar Mahkamasi huzuridagi O‘zbek tilini rivojlantirish jamg‘armasi hamda “YOSHLAR” radiokanali bilan hamkorlikda olib borilayotgan “Tilimiz boyligimiz” radioviktorinasining may oyi g‘oliblari aniqlanib diplom hamda kitoblar jamlanmasi bilan taqdirlandilar.

G‘oliblar:

🥇 - o‘rin – Hasanova Xolisxon Sharofiddinovna;

🥈 - o‘rin – Nurjonova Zulayxo Yo‘ldoshovna;

🥉 - o‘rin – Qilichov Abdurahmon Qozoqovich.

🤩Har haftaning yakshanba kuni soat 16:15 da “Yoshlar” radiokanalida (FM 104.0) “Tilimiz boyligimiz” radioviktorinasini o‘tkazib yubormang!

✈️ Telegram | ✅ Veb-sayt