#oʻzbek_tili_kurslari

😊 Davlat tilida ish yuritish asoslarini o‘qitish va malaka oshirish markazining Xorazm viloyati hududiy bo‘linmasida xorijlik talabalar uchun tashkil etilgan o‘zbek tili kursi yakunlandi.

📂 Uch oy davom etgan o‘quv kursida xorijlik talabalar o‘zbek tilining boshlang‘ich muloqot ko‘nikmalarini egallash, kundalik hayotda erkin muloqot qilish hamda o‘zbek tili va madaniyati bilan yaqindan tanishish imkoniyatiga ega bo‘ldilar. Mashg‘ulotlar zamonaviy pedagogik yondashuvlar asosida tashkil etilib, tinglab tushunish, gapirish, o‘qish va yozish ko‘nikmalarini kompleks rivojlantirishga alohida e’tibor qaratildi.

✉️ Kurs yakunida tinglovchilarning bilim va ko‘nikmalari baholanib, ularni muvaffaqiyatli tamomlagan ishtirokchilarga tegishli sertifikatlar topshirildi.

✍️ Mazkur o‘quv kursi xorijlik talabalarning o‘zbek tilini o‘rganishga bo‘lgan qiziqishini oshirish, ularning mamlakatimizdagi ta’lim va ijtimoiy hayotga moslashuvini qo‘llab-quvvatlash hamda o‘zbek tilining xalqaro nufuzini yuksaltirish yo‘lidagi muhim qadamlardan biri bo‘ldi.

✅ Eslatib o‘tamiz, mamlakatimizdagi oliy ta’lim tashkilotlarida tahsil olayotgan o‘zbek tilini o‘rganish istagida bo‘lgan chet ellik talabalar uchun Markaz va uning hududiy bo‘linmalarida davlat tili bo‘yicha bepul o‘qitish kurslari tashkil etib kelinmoqda.

✈️Telegram | ™️Facebook | 📺 Youtube

👍 O‘zbek tilining davlat tili sifatidagi nufuzini oshirish bo‘yicha amaliy ishlar davom etmoqda

🇺🇿 Yangihayot tumani hokimligi mas’ul xodimlari tomonidan o‘zbek tilining davlat tili sifatidagi nufuzini yanada mustahkamlash hamda davlat tili to‘g‘risidagi qonunchilik talablariga rioya etilishini ta’minlash maqsadida tizimli ishlar olib borilmoqda.

👍 Xususan, "Sof til" maxsus Telegram boti orqali kelib tushayotgan murojaatlar joyiga chiqib o‘rganilib, aniqlangan kamchiliklarni bartaraf etish yuzasidan tegishli choralar ko‘rilmoqda. Shuningdek, qonunchilik talablariga zid holatlarning oldini olish, yozuvlar va e’lonlarni davlat tili me’yorlariga muvofiqlashtirish bo‘yicha ham izchil ishlar davom etmoqda.

🌐Тelegram | 😏 Instagram |🌐Facebook | 🔹YouTube | 🌐Web-site