Mashg‘ulotlar Markaz mutaxassislari tomonidan ishlab chiqilgan o‘quv dasturlari asosida olib borilmoqda. Darslar tinglovchilarda davlat tilida erkin muloqot qilish ko‘nikmalarini shakllantirishga xizmat qilayotgani amaliy natijalarda o‘z aksini topmoqda.

Mamlakatimizda istiqomat qilayotgan turli millat vakillarining o‘zbek tilini o‘rganishga bo‘lgan qiziqishi yildan yilga ortib bormoqda.

Navbatdagi o‘quv kurslarini muvaffaqiyatli tamomlagan Farg‘ona va Quvasoy shaharlarida yashovchi “ Farg‘ona viloyati Slavyanlar madaniyat markazi”ning 33 nafar tinglovchisi uchun yakuniy imtihon o‘tkazildi. Imtihon jarayonida ishtirokchilarning o‘zbek tilida og‘zaki va yozma nutq, tinglab tushunish hamda muloqot qilish bo‘yicha egallagan bilim, ko‘nikma va malakalari belgilangan mezonlar asosida bo‘lim rahbari N. Quldashev boshchiligida baholandi.