#taqdimot

✅Farg‘onada o‘zbek tili va adabiyotiga oid muhim nashrlar taqdimoti o‘tkazildi

✅Ahmad Farg‘oniy nomidagi Farg‘ona viloyati axborot-kutubxona markazida “O‘zbek adabiy tili imlo qoidalarining shakllanish tarixi”, “Sotsiolingvistika atamalarining izohli lug‘ati” hamda to‘rt jildlik “Alisher Navoiy ensiklopediyasi” nashrlarining taqdimoti bo‘lib o‘tdi.

✅Tadbirda O‘zbek tilini rivojlantirish jamg‘armasi direktori Azizjon Eminov, Davlat tilida ish yuritish asoslarini o‘qitish va malaka oshirish markazi direktori, professor Inomjon Azimov, Qo‘qon universiteti prorektori, professor Zebo Qobilova, shuningdek, soha mutaxassislari, ziyolilar va adabiyot ixlosmandlari ishtirok etdi.

✅Taqdimot davomida o‘zbek tilining tarixi, bugungi taraqqiyoti va adabiy merosimizning ahamiyati haqida fikr-mulohazalar bildirildi. Mazmunli muloqot ishtirokchilarda ona tilimizga hurmat va milliy adabiy merosimizga bo‘lgan qiziqishni yanada oshirdi.

✈️Telegram | ™️Facebook | 📺 Youtube

#taqdimot

✅Farg‘onadagi ma’rifiy taqdimotlar Qo‘shtepada davom etdi.

✅Viloyat markazida boshlangan ushbu ma’rifiy tadbirlar uzviy ravishda Qo‘shtepa tumanida davom ettirildi.

✅Tumandagi ixtisoslashtirilgan maktabda tashkil etilgan navbatdagi uchrashuvda ham iqtidorli yoshlar va adabiyot ixlosmandlari e’tiboriga yangi nashrlar – “O‘zbek adabiy tili imlo qoidalarining shakllanish tarixi”, “Sotsiolingvistika atamalarining izohli lug‘ati” hamda to‘rt jildlik “Alisher Navoiy ensiklopediyasi” havola qilindi.

✅Tadbirda Farg‘ona viloyati hokimining ma’naviyat va davlat tili masalalari bo‘yicha maslahatchisi Sohibjamol Tongotarova, shuningdek, taqdimotning avvalgi qismida qatnashgan mutasaddilar — Vazirlar Mahkamasi huzuridagi O‘zbek tilini rivojlantirish jamg‘armasi direktori Azizjon Eminov hamda Davlat tilida ish yuritish asoslarini o‘qitish va malaka oshirish markazi direktori, professor Inomjon Azimov ishtirok etib, o‘quvchilar bilan muloqot qildilar.

✅Bu galgi suhbat markazida asosan taqdim etilayotgan kitoblarning ilmiy-ma’rifiy ahamiyatini tushuntirish, o‘zbek adabiy tilining boy imkoniyatlari hamda Alisher Navoiy merosi yosh avlodning ma’naviy yuksalishida qanday muhim o‘rin tutishi kabi mavzular yoritildi.

✅Jonli va taassurotlarga boy o‘tgan ushbu uchrashuv o‘quvchilarda ona tilimizga bo‘lgan hurmatni yanada mustahkamlab, buyuk ajdodlarimizning bebaho merosini chuqur o‘rganishga ishtiyoq uyg‘otdi.

✈️Telegram | ™️Facebook | 📺 Youtube

👍 Yangihayotda davlat tili va joy nomlari masalalariga bag‘ishlangan tadbir o‘tkazildi

👍 Kuni kecha Yangihayot tumani hokimligida “Til – har qanday xalq uchun o‘ta hassos va ta’sirchan masala” mavzusida tadbir bo‘lib o‘tdi.

👍 Unda Toshkent shahar hokimining ma’naviyat va davlat tili masalalari bo‘yicha maslahatchisi, Toshkent shahar hokimligi huzuridagi Raqamli rivojlanish departamenti toponimisti — Toshkent shahar komissiyasi kotibi, tuman hokimining ma’naviyat va davlat tili masalalari bo‘yicha maslahatchisi, tumandagi tegishli idora va mas’ullar hamda “mahalla yettiligi” vakillari ishtirok etdi.

👍 Tadbirda Xalq deputatlari Toshkent shahar Kengashining 2026-yil 29-iyuldagi “Yangihayot tumanidagi ayrim aholi punktlarining tarkibiy qismlarini nomlash va qayta nomlash to‘g‘risida”gi qarori ijrosi bog‘liq masalalar ko‘rib chiqildi.

👍 Shuningdek, “Toshkent shahri joy nomlarining izohli lug‘ati” kitobi taqdimoti o‘tkazildi. Bundan tashqari, O‘zbekiston Respublikasi Vazirlar Mahkamasining 2026-yil 7-avgustdagi “Respublikada davlat tilida ish yuritishni samarali tashkil etishning qo‘shimcha chora-tadbirlari to‘g‘risida”gi qarori ijrosi yuzasidan tushuntirishlar berildi.

👍 Tadbir yakunida ishtirokchilar o‘zlarini qiziqtirgan savollarga batafsil javob olishdi.

✈️Telegram | ™️Facebook | 📺 Youtube

#jarayon

🤩Farg‘ona viloyati va Qo‘shtepa tumani bo‘ylab ma’rifiy uchrashuvlarni o‘tkazgan mehmonlar qishloq xo‘jaligi zahmatkashlarini ham e’tibordan chetda qoldirmadilar. Mutasaddilar tumandagi "Qoraqushchi-Otaboyev" MMTPga qarashli "Jo‘rabek Qodir yeri" fermer xo‘jaligiga tashrif buyurib, dalada mehnat qilayotgan ilg‘or terimchilar bilan ko‘rishdilar.

🤩Tadbirda ishtirok etgan Vazirlar Mahkamasi huzuridagi O‘zbek tilini rivojlantirish jamg‘armasi direktori Azizjon Eminov, Davlat tilida ish yuritish asoslarini o‘qitish va malaka oshirish markazi direktori, professor Inomjon Azimov hamda Farg‘ona viloyati hokimining ma’naviyat va davlat tili masalalari bo‘yicha maslahatchisi Sohibjamol Tongotarova terimchilar bilan samimiy suhbatda bo‘ldilar.

🤩Suhbat davomida paxtani yig‘ib-terib olish ishlariga qo‘shayotgan hissalari hamda o‘z oilalari iqtisodini ko‘tarish yo‘lidagi fidokorona mehnatlari uchun paxtakorlarga chuqur minnatdorchilik bildirildi.

🤩Daladagi qizg‘in mehnat jarayonida paxtakorlarga ma’naviy hordiq va ko‘tarinkilik bag‘ishlash, ularni rag‘batlantirish maqsadida mehmonlar tomonidan ilg‘or terimchilarga kitoblar hamda esdalik sovg‘alari topshirildi.

✈️Telegram | ™️Facebook | 📺 Youtube