#jarayon

👨‍💼O‘zbekiston Respublikasi Vazirlar Mahkamasining 78-son bayoni ijrosini ta’minlash maqsadida Olmazor tumani hokimligi Ishchi guruhi a’zolari tomonidan belgilangan reja asosida tuman hududidagi oshxona, umumiy ovqatlanish shoxobchalari va tashkilotlardagi taomnomalarni davlat tilida, ya’ni o‘zbek tilida rasmiylashtirish hamda ularni nomlarini adabiy til me’yorlariga muvofiq tarzda yozilishi yuzasidan o‘rganish ishlari olib borilmoqda.


⚠️Hurmatli umumiy ovqatlanish shoxobchalari rahbarlari, hurmatli tadbirkorlar Sizdan, taomnomalardagi axborot yozuvlarini yozilishida “Davlat tili haqida”gi hamda “Reklama to‘g‘risida”gi Qonunlar talablariga rioya etishingizni so‘raymiz.

Telegram|Instagram|Facebook|YouTube|Web-site

Lotin yozuviga asoslangan oʻzbek alifbosiga kiritilayotgan oʻzgartirishlarga bagʻishlangan tadbir boʻlib oʻtdi

Namangan shahar tibbiyot texnikumida lotin yozuviga asoslangan oʻzbek alifbosiga kiritilayotgan oʻzgartirishlarga bagʻishlangan tadbir boʻlib oʻtdi. Tadbir avvalida texnikumda maʼnaviy-maʼrifiy yoʻnalishda olib borilayotgan ishlar, oʻquvchilarga bu borada yaratilgan sharoitlar bilan tanishildi.

Joriy yil 10-sentyabr kuni Oliy Majlis Senatida “Lotin yozuviga asoslangan oʻzbek alifbosini joriy etish toʻgʻrisida”gi Oʻzbekiston Respublikasi Qonuniga oʻzgartirish kiritish haqida»gi Qonun muhokama qilindi va maʼqullandi. Mazkur qonun bilan oʻzbek alifbosi 26 ta harf va 3 ta harflar birikmasi oʻrniga 28 ta harf va 1 ta tutuq belgisidan tashkil topishini nazarda tutuvchi tegishli oʻzgartirishlar kiritilmoqda.

Tadbirda viloyat hokimining maʼnaviyat va davlat tili masalalari boʻyicha maslahatchisi Iroda Qoʻchqorova, Namangan shahar hokimining maslahatchisi Azizbek Abduvaliyev, xalq deputatlari Namangan shahar kengashi kotibiyati mudiri Nosirjon Ubaydullayev ishtirok etib, oʻzgartirishlarning mazmun-mohiyati va ahamiyati haqidagi fikrlarini bildirdi.

Ushbu qonunning qabul qilinishi lotin yozuviga asoslangan oʻzbek alifbosi va imlo qoidalarini takomillashtirish, davlat tilidan foydalanish imkoniyatlarini kengaytirish, shuningdek, oʻzbek tilini raqamlashtirish jarayonlarini rivojlantirishga xizmat qilishi taʼkidlandi.

Tadbir davomida Namangan shahar tibbiyot texnikumi oʻquvchilarining chiqishlari tinglandi, “Til — millat koʻzgusi”, “Bekat” va “Oʻzbekcha soʻylaganim rost” maʼrifiy videoroliklari namoyish etildi.

✈️Telegram | ™️Facebook | 📺 Youtube

#Oʻrganish

Toshkent tumanidagi oshxonalarda taomnomalar holati o‘rganilmoqda

O‘zbek tilining davlat tili sifatidagi nufuzini oshirish va kundalik
turmushimizdagi o‘rnini mustahkamlash maqsadida ayni kunlarda Toshkent tumanida muhim amaliy jarayonlar qizg‘in tus oldi. Asosiy e’tibor hududdagi umumiy ovqatlanish shoxobchalariga qaratilib, O‘zbekiston Respublikasi Vazirlar Mahkamasining 78-son qarori asosida muassasalardagi taomnomalar, oziq-ovqat nomlari va narx ko‘rsatkichlarining sof o‘zbek tilida rasmiylashtirilishi holati chuqur o‘rganilmoqda.

Ushbu tadbir faqatgina nazorat qilish bilan cheklanmasdan, balki tadbirkorlar bilan yaqindan hamkorlik o‘rnatish, o'zaro muloqot qilish ruhida kechmoqda. Jumladan, mutasaddilar tomonidan tadbirkorlik subyektlariga tashqi va ichki axborot yozuvlarini qonun talablari doirasida to‘g‘ri yuritish, ehtimoliy xatoliklarning oldini olish yuzasidan zaruriy tavsiya hamda tushuntirishlar berib borilmoqda. Bu kabi sa’y-harakatlar nafaqat qonun ustuvorligini ta’minlashga, balki har bir go‘shada milliy qadriyatimiz bo‘lgan ona tilimizga nisbatan yuksak hurmatni qaror toptirishga xizmat qiladi.

✈️Telegram | ™️Facebook | 📺 Youtube