#diktant #savodxon_tashkilot_savodli_jamiyat

📝 “SAVODXON TASHKILOT – SAVODLI JAMIYAT”: OLMАZOR TUMANIDA DIKTANT O‘TKAZILDI

Jamiyat taraqqiyotining muhim omillaridan biri — aholining ma’naviy-ma’rifiy saviyasi va yozma savodxonligini yuksaltirishdir. Ayniqsa, davlat tilida ish yuritish jarayonida imlo va punktuatsiya qoidalariga rioya qilish, hujjatlarni adabiy til me’yorlari asosida rasmiylashtirish muhim ahamiyat kasb etadi.

Shu maqsadda “Savodxon tashkilot – savodli jamiyat” shiori ostida Olmazor tumanida davlat tashkilotlari va muassasalari xodimlari o‘rtasida diktant tadbiri tashkil etildi.
Tadbir O‘zbekiston Respublikasi Vazirlar Mahkamasining Davlat tilini rivojlantirish departamenti, Toshkent shahar hokimligi, O‘zbek tilini rivojlantirish jamg‘armasi, Alisher Navoiy nomidagi Toshkent davlat o‘zbek tili va adabiyoti universiteti huzuridagi Davlat tilida ish yuritish asoslarini o‘qitish va malaka oshirish markazi, Olmazor tumani hokimligi hamda Toshkent shahridagi Turin politexnika universiteti hamkorligida o‘tkazildi.
Unda tuman hokimligi xodimlari, umumta’lim va tibbiyot muassasalari, turli bo‘lim va tashkilotlarda faoliyat yuritayotgan xodimlar ishtirok etdi.

📚 Diktantning asosiy maqsadi — ishtirokchilarning o‘zbek tilida, lotin yozuviga asoslangan o‘zbek alifbosida to‘g‘ri va savodli yozish ko‘nikmalarini sinash, imlo va punktuatsiya qoidalariga qay darajada amal qilinishini aniqlash, shuningdek, tashkilotlarda davlat tilida ish yuritish madaniyatini yanada yuksaltirishdan iborat.
Tadbir davomida davlat tilida ish yuritish talablari, rasmiy hujjatlarni to‘g‘ri rasmiylashtirish, imlo va punktuatsiya qoidalariga rioya qilish, adabiy til me’yorlari hamda ish joyida nutq madaniyatini shakllantirish masalalariga alohida e’tibor qaratildi.

📌 Savodli hujjat — sifatli ish yuritish, savodxon xodim esa samarali faoliyat garovidir.
Bunday tadbirlar xodimlarning yozma savodxonligini oshirish bilan birga, davlat tiliga bo‘lgan hurmatni kuchaytirish, uning me’yorlariga qat’iy rioya qilish va ish faoliyatida til madaniyatini yuksaltirishga xizmat qiladi.
“Savodxon tashkilot – savodli jamiyat!”
#SavodxonTashkilot
#SavodliJamiyat
#DavlatTili
#Beg‘arazDiktant
#OlmazorTumani


🌎Bizning manzillar:
🌐Veb-sahifa |✈️Telegram |™️ Facebook | 📺Youtube