To‘raqo‘rg‘on tumanida davlat tili va ma’naviy-ma’rifiy ishlarga bag‘ishlangan tadbir bo‘lib o‘tdi.

Tadbirda maktab direktorining ma’naviy-ma’rifiy ishlar bo‘yicha o‘rinbosarlariga davlat tilida ish yuritishni takomillashtirish, lotin yozuviga asoslangan o‘zbek alifbosiga to‘liq o‘tish hamda hujjatlarni savodli rasmiylashtirish yuzasidan tushunchalar berildi. Shuningdek, salomlashish odobi, oilada farzand tarbiyasi, yoshlar ma’naviyati va kitobxonlik madaniyatini rivojlantirish masalalari yoritildi.
Tadbir davomida o‘zbek tilining izohli lug‘atlari va matnlarni tekshirish imkonini beruvchi “SOFTILIM” raqamli dasturi taqdim etildi.
Ushbu ma’rifiy uchrashuvda Namangan viloyati hokimining maslahatchisi I. Qo‘chqorova hamda Bolalar kutubxonasi rahbari Z. Turaxo‘jayeva ishtirok etib, qatnashchilarga o‘z tavsiya va amaliy mulohazalarini bildirdilar.