#tanlov

“Ona tilim — faxrim!” rasmlar tanlovi o‘tkazildi

21-oktabr — O‘zbek tiliga davlat tili maqomi berilgan kun munosabati bilan Nurafshon shahridagi 12-sonli bolalar musiqa va san’at maktabida yosh avlod qalbida ona tiliga mehr va milliy qadriyatlarga hurmat tuyg‘ularini yuksaltirish maqsadida “Ona tilim — faxrim!” shiori ostida rasmlar tanlovi tashkil etildi.

Tadbir shahar hokimi maslahatchisi M. Shoismanova, Xalq deputatlari Nurafshon shahar Kengashi kotibiyati mudiri Z. Maxsudova hamda “Mahalla” xayriya jamoat fondi Toshkent viloyati bo‘limi hamkorligida o‘tkazildi.

Tanlovda yosh ijodkorlar ona tilimizga muhabbat, milliy g‘urur va Vatanga sadoqat tuyg‘ularini aks ettirgan ijodiy ishlari bilan ishtirok etdilar. Tadbir yakunida faol va iqtidorli ishtirokchilar rag‘batlantirildi.

Mazkur tanlov yoshlarning ijodiy salohiyatini qo‘llab-quvvatlash, ona tilimizga hurmat va milliy qadriyatlarga sadoqat ruhida tarbiyalashga xizmat qiladi.

✈️Telegram | ™️Facebook | 📺 Youtube

⚡️ Kinematografiya agentligida “Ommaviy diktant” tadbiri o‘tkazildi

“21-oktabr — O‘zbek tili bayrami kuni” munosabati bilan Kinematografiya agentligi va uning tizim tashkilotlari xodimlari ishtirokida “Ommaviy diktant” tadbiri tashkil etildi.

Mazkur tadbir Alisher Navoiy nomidagi Toshkent davlat o‘zbek tili va adabiyoti universiteti huzuridagi Davlat tilida ish yuritish asoslarini o‘qitish va malaka oshirish markazi bilan hamkorlikda o‘tkazildi.

Tadbirning asosiy maqsadi xodimlarning davlat tilida ish yuritish ko‘nikmalarini mustahkamlash, til savodxonligini oshirish hamda lotin yozuviga asoslangan o‘zbek alifbosi bo‘yicha bilimlarini yanada takomillashtirishdan iborat.

✈️Telegram | ™️Facebook | 📺 Youtube