#jarayon

Toshkent viloyati hokimining ma’naviyat va davlat tilida ish yuritish bo‘yicha maslahatchisi Shahnoza Xo‘jayeva ishtirokida axborot anjumani o‘tkazildi.

Unda ma’naviy-ma’rifiy ishlar hamda davlat tilida ish yuritish yo‘nalishlarida amalga oshirilayotgan ishlar va erishilgan natijalar haqida batafsil ma’lumot berildi.

✈️Telegram | ™️Facebook | 📺 Youtube

#bayram_shukuhi

🏦 Har bir xalqning millat oʻlaroq shakllanishida, avvalo, uning oʻz ona tili poydevor boʻlib xizmat qiladi.

🇺🇿 Tilimiz ming yillar davomida katta maʼnaviy merosga aylangan qadriyatlarimiz, faqat oʻzbeklargagina xos boʻlgan anʼanalarimizni oʻzida aks ettirgan.

✨ Shunday ekan, ona tili bu — oʻzligimiz, gʻurur va nomusimiz! Uni asrash, avlodlarga sof va mukammal holda yetkazish bizning kelajak oldidagi qarzimizdir.

✈️Telegram | ™️Facebook | 📺 Youtube

#Kun_hikmati
#Kun_savoli

✈️Telegram | ™️Facebook | 📺 Youtube

#jarayon

✅Raqobat qömitasi tomonidan reklamalarda davlat tili talablariga rioya etilişi yuzasidan örganişlar ötkazildi.

✅Mamlakatimizda davlat tilining nufuzini oşiriş, uning jamiyat hayotidagi örnini mustahkamlaş hamda davlat tilida axborot taqdim etiş madaniyatini yuksaltirişga alohida e’tibor qaratilmoqda.

✅Qömita tomonidan muntazam ravişda taşqi yozuvlar, xususan, peşlavhalar, reklama va boşqa e’lonlar hamda axborot matnlarining davlat tili qoidalariga muvofiqligi yuzasidan örganişlar olib boriladi.

✅Jumladan, respublika hududlarida joriy yilning ötgan davr mobaynida 16 057 ta monitoringlar ötkazilgan. Şundan 4 496 ta holatda turli kamçiliklar aniqlangan. Bunda, 2 344 ta holatda peşlavhalar, taşqi yozuv va boşqa e’lonlar matni, 975 ta taşqi reklamalar matni boşqa tillarda berilganligi, 841 ta peşlavha, taşqi yozuvlar va boşqa e’lonlardagi hamda 336 ta taşqi reklama vositasidagi reklama va axborotlari matnida luğaviy ma’nosi buzilganligi va imloviy xatolar mavjudligi aniqlangan bölib, kamçiliklarni tezkor bartaraf etiş çoralari körilgan hamda ularni davlat tili va reklama töğrisidagi qonunçilik talablariga muvofiqlaştirilişi ta’minlangan.

✅Raqobat qömitasi tomonidan olib borilgan örganişlar davomida gözallik salonlari, avtoservislar hamda quriliş materiallari savdosi bilan şuğullanuvçi tadbirkorlik subyektlariga reklamani joylaştirişda davlat tili va reklama töğrisidagi qonunçilik talablariga rioya etiş yuzasidan tegişli tuşuntirişlar berildi.

✅Şu örinda, tadbirkorlik subyektlari tomonidan reklamani tayyorlaş, joylaştiriş va tarqatişda davlat tili hamda reklama töğrisidagi qonunçilik talablariga amal qilişlari lozim.

Özbekiston Respublikasining "Reklama töğrisida"gi Qonuni 6-moddasiga muvofiq, Özbekiston Respublikasi hududida reklama davlat tilida tarqatiladi. Reklama mazmunining tarjimasi belgilangan talablarga rioya etilgan holda boşqa tillarda ham takrorlanişi mumkin.

Şuningdek, tovar belgilari, xizmat körsatiş belgilari hamda qonunçilikda belgilangan tartibda röyxatga olingan boşqa belgilarning asl şakli va tilini saqlaş bilan boğliq talablar ham inobatga olinişi lozim.

Taşqi reklamani joylaştirişda ularning mazmuni, imloviy va uslubiy jihatdan töğri rasmiylaştirilişiga, şuningdek, amaldagi qonunçilik talablariga muvofiqligiga e’tibor qaratiş zarur.

⚠️Raqobat qömitasi tadbirkorlik subyektlarini taşqi reklama, peşlavha va axborot körsatkiçlarini joylaştirişda davlat tili va reklama töğrisidagi qonunçilik talablarga rioya etişga çaqiradi.

⚠️Qömita tomonidan taşqi reklama va axborot obyektlarining qonunçilik talablariga muvofiqligini örganiş işlari davom ettirilmoqda.

Davlat tiliga hurmat — qonunçilikka hurmatdir!

✈️Telegram | ™️Facebook | 📺 Youtube

#Özbek_tili

Viktor Pak: “Koreyada til bilmasangiz, bitta non ham bermaydi”

📱 Töliq videoni YouTube sahifamizda tomoşa qiling: https://youtu.be/zRnaMmfP-KE

manba

✈️Telegram | ™️Facebook | 📺 Youtube

#munosabat

Alifboning takomillaştirilişi — davlat tili taraqqiyotida muhim qadam

Til — millatning tarixiy xotirasi, ma’naviy qadriyatlari va madaniy tafakkurini özida mujassam etuvçi bebaho boylikdir. Milliy yozuv tizimini takomillaştiriş esa davlat tilining nufuzini mustahkamlaş, yozma nutq madaniyatini yuksaltiriş va uning zamonaviy taraqqiyot talablariga moslaşuvida muhim ahamiyat kasb etadi.

2026-yil 21-oktabrda hurmatli Prezidentimiz Şavkat Miromonoviç Mirziyoyev tomonidan imzolangan ÖRQ–1184-sonli Qonun davlat tilini rivojlantiriş borasidagi islohotlarning mantiqiy davomidir. Mazkur qonunga muvofiq, lotin yozuviga asoslangan özbek alifbosi 28 ta harf va bitta tutuq belgisidan iborat etib belgilandi. Ayrim tovuşlarning alohida harflar bilan ifodalanişi yozuv tizimini takomillaştiriş, imlo me’yorlarini soddalaştiriş va raqamli texnologiyalarga moslaştirişga xizmat qiladi.

Fikrimça, mazkur yangilaniş şunçaki harflar şaklining özgarişi emas, balki milliy yozuvimizni zamon talablariga uyğunlaştiriş yölidagi muhim qadamdir. Qonunda takomillaştirilgan alifboni bosqiçma-bosqiç joriy etiş, ilgari rasmiylaştirilgan hujjatlarning amal qilişini saqlaş hamda taşqi yozuvlarni belgilangan tartibda yangilaş nazarda tutilgani ham alohida ahamiyatga ega.

Davlat tili masalalari böyiça amaliy faoliyatimizda rasmiy hujjatlar, geografik obyektlar nomlari va taşqi yozuvlarda yagona imlo me’yorlariga rioya etişga alohida e’tibor qaratamiz. Şu bois yangi alifboning mazmun-mohiyatini keng jamoatçilikkа yetkaziş, davlat taşkilotlarida iş yuritiş savodxonligini oşiriş va uning izçil qöllanilişini ta’minlaş muhim vazifalarimizdan biridir.

Zero, davlat tilining nufuzi uning nafaqat huquqiy maqomi, balki kundalik hayotimizda töğri va savodli qöllanilişi bilan belgilanadi. Takomillaştirilgan alifbo esa ona tilimizning rivoji va kelajak avlodga munosib yetkazilişiga xizmat qiladi.

Xusniddin Xöjanazarov,
Quvasoy şahar hokimining ma’naviyat va davlat tili masalalari böyiça maslahatçisi

✈️Telegram | ™️Facebook | 📺 Youtube