Lotin alifbosi – özbek tilining kelajak sari dadil qadamidir. Uni töğri va çiroyli qöllaş orqali tilimizga bölgan mehrimizni namoyon etamiz.

Davlat tili nufuzini yuksaltiriş yölidagi tarixiy qadam lotin yozuviga asoslangan özbek alifbosini takomillaştirişga qaratilgan qonunning ma’qullanişi - mamlakatimizda davlat tilini rivojlantiriş va uni zamonaviy raqamli muhitga töliq moslaştiriş yölidagi ustuvor qadamdir.

Ayniqsa, yangi yondaşuvda harf birikmalarining qisqartirilişi va tovuşlarni yagona belgilar orqali ifodalaş yozuv jarayonini soddalaştirişi, matnlarni elektron şaklda tayyorlaş va qayta işlaşda ham qator qulayliklar yaratişi mumkin.

Bu muhim taşabbusni qöllab-quvvatlagan holda, davlat tilimizni asrab-avaylaş, uning mavqeini mustahkamlaş va kundalik hayotimizda keng va töğri qöllaş har birimiz uçun muhim vazifa, deb hisoblayman.

Yangilangan alifbo orqali yozuvdagi ortiqça murakkabliklar barham topadi, matnlarni elektron körinişda tayyorlaş va qayta işlaş ança yengillaşadi. Bu, ayniqsa, yoşlar va axborot texnologiyalari sohasi uçun katta qulaylik yaratadi.

Uşbu özgarişlarni bosqiçma-bosqiç va tizimli joriy etiş, ta’lim muassasalari va davlat taşkilotlarida tuşuntiriş işlarini keng olib boriş yangi alifboga asoslangan yagona yozuv muhitini şakllantirişda muhim ahamiyatga ega.
 
Dilnoza Umurzakova
Olmazor tumani hokimining ma’naviyat va davlat tili masalalari böyiça maslahatçisi.

✈️Telegram | ™️Facebook | 📺 Youtube

🇺🇿🇺🇿🇺🇿🇺🇿 🇺🇿🇺🇿🇺🇿🇺🇿🇺🇿

🇺🇿 TAKOMILLAŞTIRILGAN ÖZBEK ALIFBOSI VA DAVLAT TILIDA IŞ YURITIŞ BÖYIÇA ÖQUV-SEMINAR ÖTKAZILDI

🌟 Kadastr agentligi hamda 🌟 Davlat kadastrlari palatasi Farğona viloyati boşqarmalarida takomillaştirilgan özbek alifbosining qöllanilişi va davlat tilida iş yuritiş masalalariga bağişlangan öquv-seminar bölib ötdi.

⭕️ Seminarda 2026-yil 21-oktyabrdagi ÖRQ-1184-son Qonunning mazmun-mohiyati, takomillaştirilgan alifboni amaliyotga joriy etiş hamda hujjatlarni davlat tilida töğri va savodli rasmiylaştiriş masalalari muhokama qilindi.

💬 Tadbirda Farğona viloyati hokimining ma’naviyat va davlat tili masalalari böyiça maslahatçisi Sohibjamol Tongotarova, Davlat tilida iş yuritiş asoslarini öqitiş va malaka oşiriş markazi Farğona viloyati hududiy bölinmasi boş mutaxassisi Nargiza Qodirova, şuningdek, boşqarmalarning mas’ul xodimlari, bölim boşliqlari va mutaxassislari iştirok etdi.

📚 Öquv-seminar davomida davlat tilida iş yuritiş madaniyatini yuksaltiriş, rasmiy hujjatlarda imlo qoidalariga rioya qiliş hamda takomillaştirilgan alifbodan foydalaniş böyiça tuşuntirişlar berildi.

🔜 Bunday tadbirlar davlat idoralarida iş yuritiş sifatini oşiriş, davlat tilining nufuzini mustahkamlaş va xodimlarning tilga oid bilimlarini yanada takomillaştirişga xizmat qiladi.

✈️Telegram | ™️Facebook | 📺 Youtube