Özbek alifbosini takomillaştiriş: taşkilotlarda amaliy seminarlar ötkazilmoqda

Özbekiston Respublikasining 2026-yil 21-oktabrda qabul qilingan ÖRQ-1184-son Qonuni bilan ”Lotin yozuviga asoslangan özbek alifbosini joriy etiş töğrisida”gi Qonunga özgartirişlar kiritildi. Mazkur özgarişlarni keng jamoatçilikka yetkaziş, taşkilot va muassasalar xodimlarini yangi alifboning xususiyatlari bilan taniştiriş hamda uni amaliyotga tatbiq etişga kömaklaşiş maqsadida Davlat tilida iş yuritiş asoslarini öqitiş va malaka oşiriş markazi tomonidan taşkilotlarda amaliy seminarlar ötkaziş taşabbusi ilgari surildi.

Uşbu taşabbus doirasida navbatdagi amaliy seminar Özbekiston Respublikasi Oziq-ovqat mahsulotlari xavfsizligi qömitasida taşkil etildi.
Seminarda Qömita markaziy apparati xodimlari hamda Zoom platformasi orqali tizim taşkilotlari vakillari iştirok etdi.

Tadbirda Davlat tilida iş yuritiş asoslarini öqitiş va malaka oşiriş markazi direktori Inomjon Azimov hamda Vazirlar Mahkamasi huzuridagi Özbek tilini rivojlantiriş jamğarmasi direktori Azizjon Eminov iştirok etib, takomillaştirilgan alifbodagi özgarişlar, harflarning yozilişi va qöllanilişi xususiyatlari yuzasidan batafsil ma’lumot berdilar.

Ta’kidlanganidek, sönggi ön yil davomida özbek alifbosini takomillaştiriş böyiça qator ilmiy tadqiqotlar, konferensiyalar va jamoatçilik muhokamalari ötkazildi. Uşbu jarayonlarda olimlar, yozuvçilar, pedagoglar, axborot texnologiyalari mutaxassislari, naşriyot vakillari hamda boşqa soha mutaxassislari faol iştirok etdi.

Seminar davomida, xususan, O‘, Ğ, Ş va Ç harflarining yozilişi va qöllanilişi bilan boğliq masalalarga alohida e’tibor qaratildi. Şuningdek, takomillaştirilgan alifbodagi harflarni klaviaturada qulay yoziş imkoniyatlari, davlat idoralaridagi ma’lumotlar bazalari va elektron hujjat aylanişi tizimlarini yangi alifboga moslaştiriş masalalari yuzasidan fikr almaşildi.
Tadbir yakunida iştirokçilar özlarini qiziqtirgan savollarga mutaxassislardan batafsil javob oldilar.

Markaz tomonidan ilgari surilgan mazkur taşabbusning asosiy maqsadi — taşkilot va muassasalarda özbek alifbosini takomillaştiriş bilan boğliq yangiliklar yuzasidan tuşuntiriş işlarini olib boriş, xodimlarning yangi imlo me’yorlari haqidagi bilimlarini oşiriş hamda özgarişlarni amaliyotga töğri va izçil tatbiq etişga kömaklaşişdan iborat.

✈️Telegram | ™️Facebook | 📺 Youtube

#jarayon

Töraqörğon tumanida lotin yozuviga asoslangan özbek alifbosining yangi tahriridagi qoidalariga töliq ötiş va uni keng tarğib qiliş böyiça amaliy işlar jadal boşlab yuborildi.

Davlat tili qonunçiligiga qatʼiy amal qilingan holda tarğibot işlari hamda peşlavhalarni yangilaş jarayonlari qizğin tus oldi.

Mazkur saʼy-harakatlardan közlangan asosiy maqsad yangi alifbo qoidalarini aholi orasida tezkor ommalaştiriş va kundalik turmuşga çuqur tatbiq etiş, mahalla idoralari, köça va yöl körsatkiçlari hamda barça turdagi peşlavhalarni imlo qoidalariga mos ravişda sifatli şaklga keltiriş, şuningdek, joylardagi taşqi reklama va eʼlonlarning savodxonligi hamda estetik körinişini yanada yaxşilaşdan iborat.

Telegram | ™️Facebook | 📺 Youtube

🇺🇿🇺🇿🇺🇿🇺🇿

OKTYABR OYINING “KITOBXON KADASTRÇI”SI ANIQLANDI

🌟 Kadastr agentligida xodimlarning kitobxonlik madaniyatini yuksaltiriş, badiiy adabiyotga bölgan qiziqişini oşiriş hamda ma’naviy-ma’rifiy dunyoqaraşini kengaytiriş maqsadida “Kitobxon kadastrçi” tanlovi ötkazildi.

📖 Tanlov davomida iştirokçilarning öqigan asarlari mazmuni, adabiy bilimlari hamda asarlar yuzasidan berilgan savollarga javoblari sinovdan ötkazildi.

🏆Tanlov yakunlariga köra, Karabazov Sardorbek Abdumajitoviç oktyabr oyining “Kitobxon kadastrçi”si deb topildi.

➡️ Ğolibni uşbu yutuq bilan muborakbod etamiz va kelgusidagi faoliyatida muvaffaqiyatlar tilaymiz!

📚 Kitob öqigan inson — fikrli inson!

Telegram | ™️Facebook | 📺 Youtube