– ba’zan jim qolgan yaxshiroq.
– nega?
– chunki doim nimalarnidir tushuntirib yashash, so‘zlaring qadrini bilmaydigan odamlarga so‘zlash, yillar bo‘yi yig‘ilgan hislaringni hissizlarga bo‘lishish, nigohlaring bir g‘unchani go‘zal gulga aylantira olsa ham, sen ularni yuragi yo‘qlarga qaratishing nafaqat ruhni, balki tanani ham charchatadi.

– so‘nggi nafasingni tut, go‘zal sukut saqla. shuni bil, ketgan boshqasini topar, sen esa o‘zingni.

Manzili noaniq bir yo‘lovchiman
Ketyabman har boshim oqqan tomonga
Millionlab yaxshilar to‘lgan dunyoda
Tilayman uchramang menday yomonga

Seni parcha - parcha qilib bòlib quyidagi savolni berishadi:

"Senga nima bo'ldi"

Hech narsani istamay qoladigan vaqtlar bo‘ladi. Atrofingdagilar tushunish uyoqda tursin-u, o‘zingni o‘zing tushunmay qolasan. To‘lib to‘lib ichingni sochging keladi. Qayerga sochishni bilmaysan.

O‘ylayman, ba'zan qalb shu yo‘l bilan o‘zini o‘zi tarbiyalaydimi? Yoki... Bilmadim, bu qalb deganlari juda ajiib ne'matda...

O‘zimni o‘zim tushunmaganimda, Robbimning kalomidan oyatlarni eslab, tinchlanaman.

قَالَ رَبِّ ٱشْرَحْ لِى صَدْرِى
"Ey Robbim, O‘zing qalbimni keng qilgin.

وَيَسِّرْ لِىٓ أَمْرِى
Mening ishimni oson qil.

وَٱحْلُلْ عُقْدَةًۭ مِّن لِّسَانِى
Tilimdagi tugunni yechib yuborgin.

يَفْقَهُواْ قَوْلِى
So‘zimni anglasinlar"...
(Toha surasi, 25-28 oyatlar)

Allohim bizning dardlarimizni tingla
Duolarimizni eshit va O'zing ularga shifo ber...
Allohim quloqlarimizni bekor so'zlardan, haqorat kalomlardan, gunohkor jumlalardan qutqar...
Qalblarimizni bu kabi so'zlarning qurumlaridan xalos et...
O'zing bizga eng go'zal va halovatbaxsh kalomlarni tinglashni nasib et..

Allohim, juda ojizman... Ojizligimni his qilyapman. Bilmadim sababi nima. Gunoh qilsam, kechiryapsan, tavba qilishimga imkon beryapsan. Imkonlaringni qadrini bilolyapmanmi? Men orqali kimdir zarar ko‘rmayaptimi, kimningdir qalbini gullarga to‘ldira olyapmanmi... Barchasini bilasan, bergan sinovlaringga ham O‘zing sabr berasan. Borarim ham Sensan.


Ya Alloh, O‘zingga qaytishimni go‘zal qil. Meni bergan taqdiringa rozi qilgan holda, Sen esa mendan rozi bo‘lgan holda Senga yo‘liqishni nasib qil.

Men shunchaki Sening roziligingni istayman

Yomon gumon qilish, gunohdan ko‘ra zararli.

Bo’shagan qalblarni, Qur’on bilan to’ldirsa bo’ladi.

QALB — INSONNING ENG SIRLI OLAMI..

Qalb shunday bir olamki, uni ko‘z bilan ko‘rib bo‘lmaydi, ammo unda butun bir dunyo yashirin. Inson aqli bilan haqiqatni izlaydi, qalbi bilan esa uning ma’nosini his qiladi.

Eng qizig‘i, inson boshqalarning qalbini tushunishga urinadi-yu, ba’zan o‘z qalbining nega bezovta ekanini ham anglay olmaydi. Ba’zan hamma narsa joyidadek ko‘rinadi, ammo ichimizda tushuntirib bo‘lmaydigan bir bo‘shliq paydo bo‘ladi. Ilm bunday holatlarning ayrim sabablarini izohlashi mumkin, lekin insonning barcha ichki kechinmalarini birgina so‘z bilan tushuntirib bo‘lmaydi.

Qur’oni karimda shunday marhamat qilinadi:

“Ogoh bo‘lingizkim, Allohni zikr qilish bilan qalblar orom olur”.
(Ra’d surasi, 28-oyat)

Bu oyat inson qalbi uchun muhim bir haqiqatni eslatadi: dunyoviy narsalar insonga vaqtinchalik quvonch berishi mumkin, ammo qalbning chuqur xotirjamligi faqat moddiy ne’matlar bilan o‘lchanmaydi. Inson ba’zan hamma narsaga ega bo‘lib ham bezovta yashashi, ba’zan esa imkoniyatlari kam bo‘lsa-da, qalban xotirjam bo‘lishi mumkin

@dunyo_hayoti_9

- Chiroyli sabr qilish hech kimga shikoyat qilmasdan sabr qilish..
- Chiroyli kechirish malomat qilmay kechirish..
- Chiroyli yuz o‘girish esa ozor bermay yuz o‘girishdir..

Ibn Taymiyya

Hayotning eng qorong‘u pallasi tongning boshlanishiga yaqin bo‘ladi. Dunyo seni unutsa ham, bilki Alloh seni hech qachon unutmaydi. Dunyo g‘amlarini unutish uchun, oxiratni eslash kifoya. Alloh seni shunchaki sinash uchun tashlab qo‘ymaydi. Bu sinov Uning mehridandir. Yolg‘izlik va mahzunlik uning huzuriga eltuvchi eng hikmatli yo‘l..