صلف و أسلوبي مع الناس نص و نص
على فطرتي عايش .. مزاجي و تلقائي .

و في يوم الأثنين .. مبلي بأثنين
‏قلبٍ عطوف و عقلٍ ساطي يخاصم

كثْرت مشاويري و قلّ اجتماعي
‏وستاصلت بعض الجروح العلاقات

‏كبْرت مفاهيمي و زاد اقتناعي
‏وحاربت فرسان الملذّات بالذات

‏وشفت التوّحد فالعراض الوساعي
‏الذّ عندي من بعض الأجتمااعات .

"أنا على ما تشتهي نفسي ووين ألقى هواي
‏محدٍ يحرك وجهة شراعي على السبع البحور

‏إليا رضيت أطيّر الحاجة وأوصلها سمايَ
‏و إليا زعلت.. أخلي الحاجة دبورٍ في دبور"

هروج العواذل فيه ماهي بـ مسموعه
‏و راعي الهوى من ينصحه كنه يغشه .

جتني هواجيس المكاتيب هراب
‏الناس هجعا واسود الليل ضافي

‏الحزن خيمّ واعتنز فوق الاطناب
‏جانا خبر ماهوب والله عوافي

‏دمع العيون وعض الابهام بالناب
‏حل الفراق و ودع الدار وافي

‏فرقاه ما هزت ربوعه والأقراب
‏فرقاه هزت كل راساً سنافي

‏القصايد سلوة النفس والإبداع ذوق
‏وكل بيتٍ يلفت العين يسلم شاعره

ما غبت عن بالي ولا هان طاريك .

يامال الجنه ..😞

فاقد الحي مهما يفتقد .. ما فقد !
‏فقد الاموات هو فقد الحياه الصحيح .

هزوا بجذع السحاب إن مات جذع النخيل
‏ لعل بعد الجفاف تطيح لي مايّته

‏اثر البنادم على هفوات نفسه دليل
‏لا صار بعد الوسيلة تنجهل غايّته

‏شلون ابلقى بعد مسرى الليالي حصيل
‏ والليل ثلثه ضياع بـ عين سرايّته

‏مسلسل العمر هذا بالرتابة طويل
‏من فيكم الواعي اللي يحرق نهايّته .

طموح السجين يعيش حرية الزوار
‏انا احسّ باحساسه ولو فرقنا شاسع

‏يا حيّ السجين يشوف حلمه ورا الاسوار
‏لكنّي سجينٍ في فضى ربي الواسع .

قبرته وصدري من خبر موته مزحوم
‏هذي والله الغيبه ليا قالو الغيبه

‏لو ان البكاء بيفيد ببكيه لين يقوم
‏خذته الليالي من يدي كيف بتجيبه

‏ياوجدي وياويلي وكبدي ومال القوم
‏على اللي خذاه الله وانا عاد ودي به

احيان ودك تكون بكلمتك واعي
‏ترا السوالف مع الجلاس منقوله

‏لا تذكر اشياء قيلت مالها داعي
‏ما كل شيٍ سمعته .. لازم تقوله

‏لا ما أنولدت أوقّف على شفّة الخوف
ولا أنولدت أقول طاح وخذيته

عظم الله اجر قلبي في هواك
ما شاف منك الا الجفى والاذيه.

‏ لا تقول ان الليالي فرقتنا
‏لا تقول ظروفنا عيّت علينا
‏
‏الليالي يوم ودك جمعتنا
‏يوم ودك كل شيٍ في يدينا.

وشلون أجاملك وأنا أصوم وأصلّي
‏ وأخاف ربي ودمع العين همّالي

‏ ثوب الدنس ياعشيري ما يفصلّي
‏ ماهو مقاسً عليّ ولا على أمثالي.

يا ما على شانك نويت المطاريش
و يا ما تبعتك شرق والناس قبله .