اتعبني القولون وازريت فـ علاجه
‏ونصايح الدكتور . . عيّت تناسبني !

‏يقول لا تزعل ولا يشحنك حاجه
‏وخلك اناني . . واستمع لي وجربني

‏قلت الرفيق إن غير الوقت منهاجه
‏يغثني من . . شين طبعه ويتعبني

‏والوقت لا عقّد على الطيب حجاجه
‏ولا قدرت . . اعاونه يوم يطلبني

‏إن كنت تجهلّني ف أخذ مني التعريف
‏أنا دربٍ ما تقدر بوجهين تسلكني

‏أنا أكبر من التلميع و البهّرجه و الزيف
‏لا غبت أنفقد وإن جيت ربي مجملني

‏من سمع صوتك وهو ضايقٍ من الدنيا
‏ترجع له الضحكه اللي مبطي عنهاااا .

تعطيني الود ولا تاخذه مني
يبلغك قلبي المقفي تحياته

اليوم يا صاحبي رد الخبر عني
ما يرخص الغالي الا كثر غلطاته (:

ياحبيبي والله إني بـفرقاك مغصوب
‏والمحبه سيرةّ ودك نسكر بابها

‏كلمةٍ منك جرَت سكّرت كل الدروب
‏ما أحسب إنك يا لطيف الحشى ترضى بها

‏تذكر إني عندكم سِرت في بعض العيوب
‏غلطتي تِحسب وغلطتك ما جينّا بها

يا ربيعي يا هواي العذب يا صفوة كلامي
‏يا فِعل يمناي يا دعواي في صبح وعشيّه

‏يا حفيدة مكرمين الضيف يا كل الأسامي
‏يا عصابة رأس ( من نيرانهم للحين حيّه )

‏ليه قلبي لا تزاعلنا على قلبك يحامي
‏والله انّي لا أبلع الجمرة على شانك هنيّه

ما تخيب الدعوة اللي لها ربٍ قدير
يا تجيكم بأعظم الخير .. يا تدفع اذئ

يا ليلٍ تقلط في عيوني سهر و سهاد
‏متى أشوفك تقلط سكون و طمأنينه ؟

ودي أكمّل معك حتى (الحياة البرزخية)
‏وين تلقى عاشقٍ يبغاك حتى في مماته ؟

‏من يشوفك يدري إن الموت حاجة عايديه
‏كل ليلة في طوارف مبسمك ؛ يعلن وفاته

‏هات فنجال الهوى بإيدك وحطه في يديّه
‏لو تصبّ الموت في فنجال حبّك، قلت هاته"

‏" ليت دون الذكريات القاسيه عازل حراري "

وش عاد أبي بـ نجوم نجد العذيّه
‏و أنا عذابي نجمةٍ في مداري

‏ماحدتني كثرة ضغوطي على كثر الحسافه
‏النشاما يحرقون العود ويحبون ريحه ..

‏إن رحت يا كثرهم وان جيت ياكثري
‏ضاقت بيّ عْيونهم لو كنت وحداني

‏تعبت و أزريت ما ملّيت من صبري
‏ليت الذي راح مني كثر ما جاني

‏أحيان ودي أطيح من التعب وأزري
‏وتشيلني عزّتي .. وسلوم جدّاني

أنا خفوقي ودود ، ولي مزاجٍ ملول

‏ياغاية الشَفّ والمقصود والطمعَه
‏لا يلحقك — شك والزلات مررها

الحياه . . ( ملكعه ) تبغى لها نسبة ، لكاعه
‏وأنت غامر لا تفكر فـ الزمن جوده ، وشحه

‏بس تكفى لا يصيبك قل دين ، و قل طاعه
‏لو تمر : بـ قل مال ، وقل نوم ، و قل صحه

المجامل بعض الأحيان ما يقضي لزوم
‏لابو النفس الضعيفه ولابو جدها

‏مير تجبرنا العوايد وتجبرنا السلوم
‏نكتم الأسرار يالين تاصل حدها

‏كلّ ماكبرت وضاقت على عيال الرخوم
‏نحتزم لأكبر مصيبه و ناطى خدّها

‏جعل قسمي عند ربي من خيار القسوم
‏واحدٍ يعطي العطايا ولا يرتدّها

‏حاربي كل الدروب المستحيلة
‏واجمعيني في ذراك وفي محلّك

‏سولفيلي يا حياتي كل ليلة
‏كل ليلة في حياتي فدوتنّلك

‏ليه مالك بالطويلة ! والطويلة
‏حقّها واجب من حقوق التملّك