الحق علي قدني من الشوق باموت
‏وان مالحقت الحق صلاة الجنازه

‏أنتي بديتي الحب وأنتي نهيتيه
‏أقرّي عليه الفاتحه في صلاتك

‏أنتي بنّيتي الحب وأنتي نهيتيه
‏الله وأكبر من يسوي سواتك

‏أنتي كتبتي العهد وأنتي مسحتيه
‏محاولة تزويّر في ذكرياتك

‏مرّه لبستي الحب ومرّه فصختيه
‏هاذا الهوى لا تحسبينّه عباتك

لا عاد تنشدني ورى الخاطر حزين
‏إن كان عندك عقل شفني و إعتبر

‏الفقد يوجع و الغياب أحيان شين
‏ولا تنفع الحيله إليا باح الصبر

‏واللّي يقول مع الشتاء الخطّر تزين
‏ما جرّب الفرقا ولا الحظ الغبر

‏بدا يطول اللّيل و يزيد الحنين
‏للغايبين اللّي ما طقو لي خبر :(

‏عدل اسلوبك وتلقاني على خبرك
‏ماني بـ مجبّور في وصلك وهجرانك

‏ان جيت يا مرحبّا وان عفتني ، عفتك
‏ما عاد بي حيل لـ الضيقه على شانك .

‏وانا ليا صديت صديت من جد
‏لو كان جدي مرتبط فيه جده

‏من لا يودك لا تبين له الود
‏مودةٍ بالكذب ماهي موده

‏و حبل الريا و الكذب لو كان يمتد
‏دايم قصير حبال مهما تمده

‏وشيءٍ بني بالكذب مبناه ينهد
‏دورات الاشهر و الليالي تهده .

ما يرتكي للمشكله غيـر دندون
واليـاا تكلم منن كلامه تحمس

ان ماسعى في حلها بـ التيلفون
ولا سعى في حلها بـ المخمس :)
.

قلبي معك غير أنت قلبك مع الغير ..
‏القلب مايجبر على غير وده ..
‏:
‏لو أنك معلمني على آقل تقدير ..
‏باستسمحك في اللي معك وأسترده !!

لا تعاتب من رحل من كيف نفسه
‏جعلها خيره رحيله لا تعاتب

‏دام غاب وعنك غيّب نور شمسه
‏التعامل بالمثل في الحب واجب

‏لاتفكر به وطف النور وانسه
‏من يخلي صاحبه ماهو بـ صاحب

‏ما عاد باقي منك الا طيوفك
‏متقبضٍ فيها تقباض .. غارق

‏صبرت وتحمّلت وتقّويت لين أزريت
‏ومزن الحيا ما أنشى ولا هبّت هبوبه

‏ألا واهني اللي مع الناس قلبه ميت
‏ ما قد مل من نفسه ولا ضاق من ثوبه

‏تعبنا من الدنيا و من قول رب وليت
‏ورا حاجةٍ ما هيب للنفس مكتوبه :(.

💕.

‏يا ظروفي قدريني وسوي بي جميل
‏لا تحديني على اقصاي والدنيا سعه .

‏زاهد برغبات العمر واحارب الظلمة بنور
‏ كريم نفس يجمّل أيامه وهي ما تجمّله .

‏من زود حرصي عليك وكثره الاهتمام
‏بعطيك بيت يكفي عن ثلاثين بيت

‏انت اخر انسان في بالي لاجيت انام
‏وانت اول انسان في بالي لاصحيت

‏" الله عطاني قلب ، وأعطيتك إياه ".

أنتي مثل الحياة الفانية بالتمام
‏"عارف اني بخلّيها .. وحبّيتها"

‏"لو انْه يعتري عين الحزين من الغياب سهاد
‏عجز ينسى على درب الغرام أوّل مشاويرك"

‏"أكبر غنيمة بالحياة المعانات
‏تعلمك في شيء ماهوب مخبور

‏أحباب قلبي والتهاني مسرّات
‏جرحي عطر، والورد ماحوله قصور

‏أنا هزيمة من بعدها إنتصارات
‏غصبٍ عن اللي فات منصور منصور

‏رغم إني أعاني من الذات للذات
‏وجبرت خاطر.. خاطري منه مكسور"

المحبّه أنت وأنت الغير عادي
‏من عرفتك والمشاعر مستقره

‏يبتسم يومي ويطرب بك فؤادي
‏راحتي برضاك .. حلّت كل مُره

‏هاك قلب وهاك عين وهاك غادي
‏دلّه لدربك .. وخذ خيره وشره

‏وش أبي بوجيه خلق الله وأنادي ؟
‏وجهك الله خالقه طيب ومسرّه