«لا تفتشين جيوب ثوب التفاصيل..
‏ .. تلقين شيءٍ يحزنك ـــ يا حلالي»

أخاف ألمحك وقلوبنا ماهي متوالـفّه!

اهلاً عدد ما لجلج الورق بالغيد
‏واعداد من هلل وركب الاشده

‏واعداد ما هلت مزون الرواعيد
‏وبلٍ من الوسمي مزونه مسده

‏"ما فقدت إلا وليفٍ راح متهاون فراقي"

المحبّه أنت وأنت الغير عادي
من عرفتك والمشاعر مستقره

يبتسم يومي ويطرب بك فؤادي
راحتي برضاك .. حلّت كل مُره

هاك قلب وهاك عين وهاك غادي
دلّه لدربك وخذ خيره وشره

وش أبي بوجيه خلق الله وأنادي
وجهك الله خالقه طيب ومسره

حيل الله أقوى مابقى في يدي شيّ
‏مافيه حلً في يدي ما ذخرته

‏حاولت لكن المحاصيل هيّ هيّ
‏الطير طار ولا بقى الا شجرته ..

علم اللي يحتسون البرد عاد البرد غايب
‏هي كذا ولا كذا نقدر نرد البرد عنّا
‏..
‏َكل شي الا البرود اللي يجي بين الحبايب
‏هذي اللي شغلها منّا وشغل البرد منّا

‏" اليا اظلمت دنياك في ناظرك لا تصبح جزوع
‏ خل السواد يصير حبّة خال في خد طخما "

‏واذكر اني مانسيتك ويغريني الرجوع
‏ياغرام تنشد الناس وينه ، يا ترى

‏والغرام انواع والقلب مدهل كل نوع
‏ والله اعلم منهو اللي من الحدب وورى

‏وانت ياللي منزلك ما ورا حدب الضلوع
‏تدري انك من وراها وغيرك ، مادرى

ياعين وين احبابش اللي تودين . .

‏لا على عيني غشاوة . . ولا وجهي قناع
‏مقتنع في حجم علمي وفي حجم جهلي

‏البشر فيهم هوامش ومن سقط المتاع
‏ما لهم تأثير . . واضح على مستقبلي

‏والحياة ومجريات ، التلاقي والوداع
‏خضت لي فيها تجارب و جيت بْما يلي

‏يوم فضّلت انعزالي . . على كل اجتماع
‏استرحت . . وصارت الراحة ألزم ماعلي.

داويت جّرحه يوم صكته الاقدار
‏ورد العطا في جرحَ ماله مداوي

‏"تراك المشكله اللي مالها حلّ .. وتراك الحلّ
‏وتراك أنت أنكسار عداي وأنت جروح شمّاتي"

عوّدت نفسي ماتحسّف على شي
‏لأن العمر ما يحتمل للحسايف

‏بعيش لحظات الفرح دامني حي
‏وبزرع الضحكه بجرد الشفايف

‏ولا ألحِق الشرهات شيٍ ماهو لي
‏ولا عدت اجزع من فراق الولايف

‏إن غاب غالي بالحزن باخذ شوّي
‏أيام .. وتروّح علومه طرايف

‏موصيٍ قلبي لا شفت الخطا عيّ
‏امّا تعدلها .. أو تصد عايف

"هواجيس قلبي كل ماقلت راحت جات
‏تخالف عليّ باليوم خمسة عشر مره"

هموم الليالي ما تدوّر لسود وجيه
‏محاذيفها راس أبلجٍ ذِكره يشرّف .

لاتوادعني وانا ماني بطيب
‏خلني لين اتعافى ونتوادع

الله اكبر يا حبيبً عطيته كل حب
‏لين راحت به مقاديره اللي جاتبه
‏.

وصل الكلام آخر حدود الميانة
‏واللي تعثر قام .. واللي قسى حنّ
‏'
‏ماا فيه أحد يستاهل أنّك عشانه
‏تعيش راجي فضل وتموت ممتنّ
‏'
‏تقدر ترجّع كل شيّ بـ مكانه
‏بس المسير لوين والخطوة لمنّ
‏'
‏لا خانك اللي كنت خوفه وأمانه
‏بيخونك التعبير ويخونك الظنّ

لا جفاك اللي تحبه فلا تلحق وراه
‏ماجفاك الا وهو وده انك تقطعه

‏عزّ نفسك عن تقفاه لا لقى قفاه
‏مخبل اللي كل ما اقفى وليفه يتبعه

‏وش تبي باللي مايبغيك يامال الغناه
‏ماورى طرد المقفين رزق ومنفعه

‏والله لو انه يحبك ماسوى ذا السواه
‏كان يمدي دافع الشوق صوبك يدفعه