على بسَاط الفوضوُيه انا وانتَ
‏ألذِ عندي من صدور المجَالِس .

محتاج لي واقعٍ ينسيني السهاد
‏خيالي الواسع — مسبب لي أرق .

‏" لا طافت الفرصه اللي جعلها خيره
‏أقفيت من غير لا أوضّح ولا أنوّه "

لا فقدنا شخص تكثر فـ الدروب أشباهه
‏كنّ وجهه في وجيه العابرين يوزّع

‏اتتقّى في ذرى الله و احتمي في جاهه
‏من فراق اللّي عروق الكبد منه تمزع"

‏ما عبس وجه الزمان إلا لقيتك من وراه
ضحكةٍ تطرد سراب الخوف وتغيث الطريق

الوكاد اني سريت العمر واعلنت ارتحالي
واسترحت بغربتي عن كل درب كنت اهيمه

‏لأجلك تفز القصايد من قبور الصدور
‏وتبايعك بالولاء — قدام جمع الملا

صديت عنك والقطاعة شجاعة
بعض الأمور تحدنا على القطيعه .

راعي الهوى لو تقول الناس يا كبره
‏يصغر ويشفق على الميقاف و البوسه .

يمرني المألوف ما هو بمألوف
معِك كل حاجةٍ لها طعم ثاني

يَاعضيدي فالحياة وراس مالي
‏لاوقَفت تعيد تشكيل الخريطه

‏دُون وجهك ماحسبت حساب غاليْ
‏والعسِـيره لانصَت مثلك بسيطه

‏ياحزامي لاعبَـس وجه الليالي
‏واستفاق الهمّ والدنِيا شطيطه

‏والله إنّي مالتفت في ضيق باليّ
‏لاذكرت إنك على وَجه البسيطه .

سمعوني موعظه ولا نصيحه
‏المهم انكم تشدون انتباهي

‏وخلك من العود الازرق والذبيحه
‏دام راعيها على كبر وتباهي

‏ودنا بـ اللي سواليفه مليحه
‏حتى لوّنه على براد شاهي

‏كل ما هاضت من الحزن القريحه
‏اختلي واخذ طريقي واتجاهي

‏فرحتي في شوفة الارض الفسيحه
‏فرحة الاطفال في شوف الملاهي (:

يارب بيوم الجمعه ارحم امواتنا واموات المسلمين واجمعنا معهم في جنه عرضها السموات والارض 🤍😔

اللهم صل وسلم على من لا نبي بعده ..🤍

‏"عداك اللوم والشرهه ولا يلحق مداك عتاب
‏مادام إنك تبي ترحل؟ — توكل لا تواسيني"

عن النوم والمجلاس ينحاني الهاجوس
‏افكر بحلمٍ ضاع بين الرجى ، والياس .

شايفٍ فيك الغناه و رافعٍ بك ظني
‏و متظلل في غلاك اللي يزيل الضيقه .

‏سمح المحيّا لا ضحك ينجلي الهم
‏جامع تواصيف الرضى في حلاياه

‏وجهك اللي مستعد اعيش له واموت حوله
‏يا كثر مافي تفاصيله وجودي وانعزالي

‏والعيون اللي قبل شوفك من الدنيا ملوله
‏صار يملاها الشغف حتى وانا اشوفك قبالي

‏الحظيظ اللي لقى بعيونك النجلا قبوله
‏من يلومه لا زهد في الامنيات وفي الليالي ؟