‏لا تتظاهر إنك طيّب و ماعليك خلاف
‏كلام الحزن بيّن — وصوت الحزن بيّن

‏أنا مستعد أدفع ثمن ضحكتك أضعاف
‏لو أتسلّف الطايل — من المال و أتديّن

‏إن جاء نحطه بين طيّات الأهداب
‏وإن صد مَا عشنا العُمر بإنتظاره .

ما اغلى من الروح غير الاسم والسمعة
‏ والـــعزوّه اللي " تمثــلني وامثلهـا "

مسالمه كأنها حسن الظنون
‏مترفّعه كأنها : ذرب الكلام🩶

خل صدرك يالسنافي على الدنيا وسيع
‏واعرف إن الضيق فالقبر والدنيا سعه
‏
كلنا مثل الطراقي مع الخط السريع
‏نمشي مع الخط مانضمن نعوّد معه
‏
قدّم من اللي يجمّل كثر ماتستطيع
‏والزمان إن كان ماطاوعك فأنته طعه
‏
لا تحسب العمر دايم ربيعٍ في ربيع
‏لازم تمرك جميع الفصول الأربعه .

يامرحبا باللي مغاليق القلوب مفتحه لرضاه
‏هلا باللي قدّومه . . يروي الضميان ويسرّه

جعل ربي ما يجرّدني من شعور القناعه
‏يا كثر ما فاتني فرصة عمر و اقول خیره

‏تلعب مهاديفي مودّه ومقدار
‏على شرف عرس الوطن سامريّه

‏وانا بدويٍ صلف واقدّر الدار
‏ولا العب سوا من فوق ظهر العبيّه

‏للشعر انا، لا طاوله كل مشوار
‏صدرٍ وسيع وفزعةٍ يعربيّه

‏يا موطني واللي خلق دمّي الحار
‏فيني على مشراف حبّك حَميّه

‏اقولها حادي وحاصد وبحّار
‏مافاح روض وماهمت عقربيّه

‏وعداد ماحوّل على العنق بتّار
‏وما صاح رمح وما اعتزت بك بنيّه

‏فيك السلام ومنك، ياشجرة الجار
‏ياوارفه يا باسقه يا ابيّه

‏ما الله خلق قاعك بساتين وازهار
‏نبتك مهار ونخلتك حاتميّه

‏ما زيّنك شيخك بلؤلؤ ومحّار
‏وبدفّة الماهود والعسجديّه

‏عقدك ثلاث قرون وشيوخ وامصار
‏وشرعٍ جويد وسنّه محمديّه

‏خطبك بالشلفا وقصّاف الاعمار
‏واعرس عليك بصملةٍ فيصليّه

‏شعبك مضاربهم على القاع مدرار
‏اعمارهم دونك غدت سرمديّه

‏من نجدك الشامخ مواريث الاحرار
‏وكر الكبار مروّضة كل هيّه

‏لحجازك المزموم عن كل الاقطار
‏مهد الرسول وبيت رب البريّه

‏لاقصى الجنوب منزّحت كل غدّار
‏جنود حدّك لا غدت عنجهيّه

‏وما لاح بطريف الوفا برق وامطار
‏وما سال مرجان الحقول النديّه

‏تقهقروا دونك مواقيد الاشرار
‏حمر الرقاب وثلّة الفارسيّه

‏ولا فاز بك غير الائمة والابرار
‏"حكّام نجد القطّع الصيرميّه"

‏تبجّحي في ظلّ سلمان يادار
‏ترثة هل العوجا رماح المنيّه

‏من دونك محمد ردع كل بيطار
‏وارسى بواخر عزّتك يا عذيّه

‏نامي قريره ما سبر حدّك اغوار
‏بشوتهم عن جمرة القيض فيّه

‏يا شامخه وان هيجنوا فيك شعّار
‏عاش المليك وموطني والحَميّه

‏يقولون من خاف القضا جنّب المحراف
‏تركّد على عمرك ترى العمر له قيمه

‏وانا اقول ماتسلم من الموت ياخوّاف
‏لو إنك تموت بدون طقّه وتعليمه

‏ذليله حياة اللي مايعرف ولا ينشاف
‏لو إنه بخير ونعمه وراحه مقيمه

‏عساها فدا راسي وانا اعدّي المشراف
‏اناطح مقاديم السحاب بـ مقاديمه

‏كيف لامر السهر من دونك استعذب نعاسي؟
‏وأنت تدري ما لـ عيني من بعد عينك مسرّه

‏كل ما طال السكوت بسور صدري طال باسي
‏كني اللي راضي التعذيب من قوّ المضره

‏والله إني ما تحلويت الجفى لو كنت قاسي
‏مير قلبي من كثر حبه عجز منك يتشره

اشتقت لك وانا على البعد مجبور
ودي اغمض وافتح العين والقاك

اضحك مع ربعي ولاني بمسرور
سارح بفكري واشتكى الضيم فرقاك

على البال لو مابه مراسيل.

من لايحوش الطيب لـ عيون الآدنين
‏وش فايدة طيبه .. علشان الآقصى

"دواعي سروره تعتريني و هو مسرور
‏على وجهه البسمات كنها على وجهي"

‏تكاثرت عذرك لين صار الفراق رضاي
‏ وأنا إنسان ما يكذب لسانه على قلبه

ياناس ياللي نومكم فالمخابي
‏ماحدٍ يسلفني من النوم غطه .

‏ليت زولك لا نوى المسيار ياتيني بـ راسه
‏ما يجيب الذكريات الي على قلبي ثقيلة

‏انتي ملاذ السفر وانتي ملاذ البلاد
‏في كل موضع قدم يا فارقه فارقه

‏ليه التفت للحزن والعاذل من العباد
‏وانا حبيب القمر والنجمة البارقه ؟

‏أثرني من قبل أعرفك يا جميل الوصف غادي
‏أشهد إنه مرحبا بك — يا دوا النفس الشقيّه

‏"أوّل ايّام المحبّة مثل لطف الملوك
وأخر ايّام المحبّين .. مثل سيوفها"