‏«معي ضحك يوم وضيق ليلة وضعف إيمان
‏ليا زهبّت سود المقادير بندقها

‏أنا : الحيرة اللي ماهي بـ حيرة النعمان
‏و أنا : الكلمة اللي ما لقت من يصدقها »

‏لا إله إلا الله وحده لا شريك له ، له الملك وله الحمد وهو على كل شيء قدير .

عز الله اني من وفاته ولا شيّ
‏ما غير اصدّ من العرب واتكفى

‏خططت انا وياه نطوي العمر طيّ
‏ويوم استوت راد الولي ثمّ قفّى

"‏انتِي احلامي وانا ماني مخليك
‏ماني ضعيّف يوم اخلي حلالي "

‏يالاصيله لاتضيقين والدنيا فسوح
‏مايليق الضعف وانتي معربـّة العماق

‏اخذي ضلوعي دعايم لسدك لايبوح
‏وشمريّ بي كل همـّه لصعـب ٍ مايطاق

‏لايهمك شي ماني على اسعادك شحوح
‏والله لو انك لهايب خذيتك بالعنــاق

‏نبرتك وانتي تقولين تكفى لاتروح
‏كنها شلفا معزي على الضلع الدقاق

‏لا تزعلين تطيح ضحكات السّرور من الوجيه
‏ويضيق شعب مبايعك، لأصدق عناوين الفرح

‏ٓ

‏صح نومك توها الشمس شرقت
‏صبح دون مواصلك ما فيه نور .

"سولف وتنبت بالصدور النواوير
‏وأقطف غلاك من العمر ماحيينا

‏ياكثر مايفرق حضورك عن الغير
‏مثل المطر مهما هطل؟ ما أكتفينا

‏تحشم جناب العود وتوقّر صغير
‏من نبتدي في سيرتك.. ما أنتهينا"
‏

"

‏نهب قلبي هواك وصار قلبي في هواك أْسير
‏ عيوني زاهدة في كل شي وفيك طماعة
‏
‏ تمنّي ما تبين ولك علي اللي تبين يصير
‏ لي أدوّر رضاك و مالك إلاّ السمع والطاعة

‏على جسر العمر ما كلّ موعد يقبل التأخير
‏أبي ليله معك وإن ماحصل ليلة أبي ساعة

‏من عطاني قدري أعطيه احترامي
‏ومن تجاهلني تجاهلته وطفته

‏ومن يدور قربي أعطيه إهتمامي
‏ومن يقفي عني أهملته وعفته

‏والمكان اللي ينزل من مقامي
‏تنكسر رجلي لا جيته وحفته .

«الخطأ من صاحبي يعتبر عندي صواب
‏واعتبر عجْفاه رغم عْوجتها صايبه»

اللهم صلِّ وسلم وبارك على سيدنا محمد

‏" ماعاد أبي إلّا إني أحيا عمري بقلبٍ نزيه
‏وأكمّل الباقي من أيامي ولا أخلِف منهجي "

يا حبيبي لا تخاف من السّحايب
‏لا تروّعك المزون المستهلّه

‏المطر ما يعشقه غير الحبايب
‏وابله لا هلّ؟ يبري كل علّه

‏إفتح الشباك و أرقص للهبايب
‏وإبتسم للبرق من تحت المظلّه

‏لو تكرّم يا بعد شقر الذّوايب
‏فلّ شعرك .. والمطر خلّه يهلّه.

أنا سيّد أفكاري ما أحب أتبع التنوير
‏قناعاتي اللي داخلي .. موجز أحزاني

‏ما أعيش الحياه اللي تجي وفق فكر الغير
‏شعوري عميق ومنطقي منطق إنساني

‏ولاني بحاجه حُب واهم ، ولا تقدير
‏أنا نصفي الأول .. وأنا نصفي الثاني

قلبك اللي دوّر لغيري بديل
‏ضيّع القبله وهو وسط الحرم.

مرحوم يلي غيبتك غيبه ادراك
‏الموت واحد وانت موتك مغاير

‏بعد سجدت السجده اللي لمولاك
‏تعلقت روحك بجنحان طاير

‏شلون اعين واحد ً كانه اياك
‏خسارتك ماهي بمثل الخساير

‏ماجابت ظهور الرياجيل شرواك
‏ولا انجبت مثلك بطون الحراير .

مرحبَـا وانت المبدّا والمولّا
‏عند من عينه لزلاتك ضريره

‏يوم جيت وحظي المعثور ولّا
‏الله اللي حط في يدينك مصيره

‏انت ربي خالقك من نور ولّا
‏طحت من سابع سما فالمستديره