أنا في رجا الله لو ما تنصفني الأقدار
‏أوقف وأنا متسامي وخاطري راضي

‏تهون الحياة من وين ما شفت لطف البار
‏لو يروح حلمي من يدي عشت متغاضي

أبسط حقوقي شجاعٍ مايخيّب ظني
‏ أبلجٍ لامن نصيته قال أنا من دونك

‏ كل مايلمح دمع عيني يقوم يغني
‏ كل حاجة هيّنه إلا دموع عيونك ..

‏إخذ لـ نفسك قرارات إحترازيّه
‏و بعض العلاقات شلها من مواقعها

‏أحيان حتى الرفيق إللي على النيّه
‏يجيك بـ النيّه إللي .. ما توقعها

لو ترد السيل في بطن السحابه
ماترجع قيمتك في قلب عايف

غدينا بعد ماحن ب اهل الدار ' طرقيه

"صديّت صدّة مستعيف من الدار
‏عن حاجةٍ ما كان ودي أصدّ عنها"

‏عفيت عن كل شي و رحت في فالي
‏لايعترض لـ الطواري عقب ذا المرّه

‏ولايفرح ان مر في بالي ترى بالي
‏مافيه ملعون خير مابعد .. مرّه :) .

أنا بدوي ثوبي على المتن مشقوق
ومثل الجبال السمر صبري ثباتي

ومثل النخيل اخلقت وهامتي فوق
ما اعتدت أحني قامتي الا فصلاتي

الله خلقني وكلمة الحق بفوق
وملكت الأرض وراس مالي عصاتي.

‏ربي هب لنا قلوباً مُطمئِنة لا يُؤذيِها
‏بلاء الدُنيا ولا يُشغلها سوى رضاك

‏"تغير علي الوقت واخذني من اقصاي
‏يا وجدي على خبري من أول ويا صبري

‏عسى وضعي المزري يزينه الزمان الجاي
‏ما بي من عطاه الا أني ارجع على خبري"

عسى فالغياب علاج خاطر وطب جروح
‏عن اللي دروبه ماتماشى مع دروبي

‏على الرغم من كبر الملامه وضيق البوح
‏انا واثق إن الطيب ماهوب عذروبي

‏لـ هالحين والروح النقيّه بذات الروح
‏تهبّ الهبوب .. وتطرق أنسامها ثوبي

‏ياكثر الوجيه اللي فـ بالي تجي وتروح
‏ولا عاد تلحقها المشاريه من صوبي

اليا انعدم مبدأ العقيده بالانسان

‏ يقدر يسوي ما يسوي اليهودي

‏لاغاب عنك اللي غيابه مصيبه
‏وطالت به الغيبه ولا جابه الشوق

‏مافيه داعي تنشده عن مغيبه
‏ماغاب عنك الا وهو منك مسروق

‏خله يكمل غيبته وش تبي به
‏لا تلحقه لو كل مطرود ملحوق

‏ترى المحبه ما تجي بالغصيبه
‏لو السماء تطبق على الارض من فوق .

- 🤍

‏«ما دام غبت بساعة أم المعارك،
مالي ليا زال الخطر حاجةٍ فيك»

يفداك قلبي والتعب و المسافات
‏دام اخر المشوار شوفت عيونك

‏« ما تحسّ بْقيمة الشيء لين إنّه يروح
‏وقتها مـا عاد ينفع شعورك بالـندم »

ياجعل من ينسى معاريف الاجواد
‏ينسى الشهاده عند لحظه وفاته

‏ومن يرخص الوقفات والملح والزاد
‏يخزى ويخزى من يسوي سواته