عز الله اني وصلت لمرحله صعبه
ماكل واحد من الناس يتحملها

لكن ورب السماء والأرض والكعبه
اني لها لين ما ربي يسهلها

أستعذت من الدروب اللي نهايتها حسافة
‏قبل ترميني ملذات الزمـن في جـوف غبّه .

النفس طابت والحياة اجبرتني
‏اساير ايامي على قدر الامكان

‏الوقت قاسي و الظروف أتعبتني
‏والحظ مايل عن مساره ولا زان

‏حتى الليالي من هناها نستني
‏ماكن لي قلب للأفراح شفقان

‏زادت غرابيل الزمان وعصتني
‏ماصدها موقف ولا حاجة انسان .

‏يا رقيقة مدّي الحسْن وتمادي
‏وإشرحي لليل مفهوم الوسامه

‏وإفتحي شبّاك تفكيري ونادي
‏كل نجم أخايله تارك علامه

‏إضحكي للغيم دام الجو هادي
‏مثلك إنتي له غلاه وله مقامه

‏رافقتْك الشمس يا قمرة فوادي
‏لو تدور الأرض عدّتك الملامه

‏القصايد مالها موقف حِيادي
‏في عيونك يعلن الشعر انهزامه .

مستاحش الغيبه ومسترخص الفرقا
‏ومشتاق لضحكه ولأيام راعيها . .

حق القبايل مااعترض له بتقليل
‏والناس لااظلمها ولا انقص وزعها

‏فيهم مشاكيلٍ وفينا مشاكيل
‏وياما من الأخيار معنا ومعها

‏أنا اللي عليها من رسوم الحرار رسوم
‏عيون الصقر لا من تلفّت و حوريّه

‏و أنا اللي عليها غطرسة جدّها الزيزوم
‏ليا رد كلمة مايردون .. موليّه

‏ليا من قدم وقت الملاقى رثع في القوم
‏لعب في الجنايز لعبة الداب والحيّه

‏وأنا بين غزلان الفلا قايدٍ معدوم
‏عنود الفلا ياباغي الصيد محميّه

نقول ونطول والعين فوق السحاب
الروس فيها سطّر والنفس فيها غنى .

أتغيشم لك وأنا ماني غشيم
‏وَ الخطأ مردود وَ الزلة بلاش

‏النقاش أحيان موضوعة عقيمٌ
‏لا تلوم إلى قفل باب النقاش

انفصام المشاعر ياعشير القلوب
كان عندك رزانه هات اسبابها

طاح قدر الصراحه من لسان الكذوب
خل دار المشاكل ينفتح بابها

زلةٍ جات منك وانت منت مغصوب
بندقٍ مكنت في الجوف مضرابها

حنا لا جينا الحبل مبرم ومفتول
‏أما نعقد الحبل وإلا نحله

‏اليا عشقنا نعطي الحب مدبول
‏ولا نهين الحب .. ولا نذلّه

‏واليا انجرحنا ما زعلنا على طول
‏واليا زعلنا نزعل العمر كله

نستغفرّكَ ربِيَ حين تُلهينا الدُنيا عنّ ذِكرك .

من بغانا منزله بين رمش وعين
ومن قفى ماله منادي ولا درينا به

لي رفيقٍ لو تصد الناس عني ما تغيّر
‏كل دربٍ بسلكه لرضاه لو ماهو طريقي

‏مارضيت اصادقه من زاوية طب وتخيّر
‏الرفيق اللي ماهو شرواه ما اعدّه رفيقي

ماعاد لي فالصدام الفوضوي قوّ حيل
‏محتاج اعانق هدوّي واحتضنه احتضان

‏أنا مهما جفيتك ..ردّني لك يا حبيبي الشوق
‏وأجي كنّي مسولف لك قبل ليلة عن أحلامي

‏مكانك ؟ هو مكانك ما وصله بغيبتك مخلوق
‏يا أول من فتح باب الكلام و صدّق أوهامي

‏(أحبك) والله إنّي ما قدرت أقولها .. مخنوق
‏وخايف أخسرك لو أخسرك وش قيمة أيامي؟

انا ويش ذنبي ؟ لاغلب عرقك الدسّاس
‏لاتزعل وانا ماقلت لك حط ولاّ شل

‏خذتك الروابع مثل عبّاس ابن فرناس
‏ولاعاده بـ منتشلك مْن الوطا ناشل

‏ولاتحسبنك ناجح وحاربوك الناس
‏ترى الفاشل احياناً يحارب وهو فاشل

لاعاد تتعب على أبياتٍ صباحيَّة
‏ماغير قولة صباح الخير تكفينا

الليل سادَة والطَواريق مُرَّة
‏والحُلم حالي بَس ماله مَواري
‏إحساسي اللي لَو بَقى مِنه ذَرَّة
‏والله ما تَذري عَليها الذَواري