‏على هونكم ياللي تغوصون سبع بحور
‏ أنا أصب سبع بحور في وسط قاروره

‏ترى الناس مثل الألف في الواقع المنظور
‏هذاك ألف ممدوده وذاك ألف مقصوره

‏وأنا ما أكسر المرفوع ولا أرفع المكسور
‏ أحب أكسر اللي يجعل الناس مكسوره

حصادنا اليومي علينا مسجّل
‏وللخير ميقات وللشر ميقات

‏مخوّة الطيّب تردّك عن الذل
‏ومخوّة العاصي تحمّلك سيّات

‏ياخويه المسلم ترا مامعك حل
‏الا العدول عن المعاصي والآفات

‏ماهوب عيب انك تتوب وتعدل
‏العيب والله كان فاتتك الاوقات

‏مثل مايحتاج الإنسان للماء فالحياه
‏الدروب اللي تودّي عليه .. أحتاجها

كنت أحسب إن الغلا زال ، وأثره لايزال

لاصار مشيك هروله عند الأجناب
‏ليه تحبي في واجبات القرايب؟

‏"لو يهفّ في بطن الثرى قلت /حلم وهفّ
‏ أنا ماني بـ عادي .. والأحلام عاديّه

‏ماحطيت نفسي في جدار الليالي رفّ
‏ولا صرت لـ دروب المقادير زوليّه"

‏والله أن الأرض من دونك .. ضمى
‏لو تصبّ سيولها من نجد لين أرض الحجاز!

الطيب قصــر ما يشـوبه عـذاريب
والتربيه ھي سور قصرك وساسه

من ما تربى في شبابه على طيب
ما ھو بــ متربي ليا شاب راسه

‏« وش الدمع لو ما سال بعضه وبعضه جف
‏وش الفقد لو ما يندفن فـ الثرا غالي؟

‏ادف الليالي من خذا الموت روحك دف
‏من العام عيّا -يدخل الموت- في بالي ».

‏لو إنّ النوايا في وجيه البشر تنشاف
‏عما نور وجهي كل من شاف نياتي

‏مصير البنادم واضح و ما يبي عرّاف
‏تحت بندّ كل اللي تودونه بياتي

‏ولوّ مهل الله ما همل قلبي الشفاف
‏يجي يوم و الدنيا تعدّ انتصاراتي

‏تخافون دورات الليالي و أنا ما أخاف
‏تبي ترد ليّ معروفي و بيض وقفاتي

‏"عسى غرّ السحايب يوم تقبل بالحيا والخير
‏ما تقفي لين تروي داركم و تربّع فياضه.."

‏كل عام والطيّب من الناس معنا
‏ولا الردي جعله يولي مع العام .

‏« عسى هالعام يمر أخف من شيلة المولود
‏ولا تنعاد لي ساعه .. من الماضي ولياليه

‏وعسى عامٍ راح مرت لياليه جفا وصدود
‏تصير من العوض بـ الذاكره والعمر منسيه

‏وعساني مانحرم من شوف وجه أمّي ووجه العود
‏ ولا من ضحكة أخوانِي ولا أقرب الأصْدقا ليّه »

‏لولا رحمة الله كان ما قمت يوم أطيح
‏ولا كان نفسي حطت الصبر مركاها

‏أكافح سرايا ضيقة الصدر بالتسبيح
‏مثل ما تكافح رمدة العين بدواها

‏تطيب الجروح الواجده و الهموم تطيح
‏من القلب كان الله بلطفها تولاها

‏عسى المقبله فيها من الجود هبة ريح
‏وعسى الماضيه تغفر من الله خطاياها

‏عطيتك من بشوت الهقاوي ثلاث بشوت
‏ولا فيه بشتً جاء مقاسك وعلى قدّك

‏احسبك من اللي لا دعيته يرد الصوت
‏واثاريك تسمعني وودك ولا ودك

‏عزوم الرجال تموت مثل الرجال تموت
‏وانا أظنها ماتت مع خالك وجدك

‏انا والله المخطي خطا ما عليه ثبوت
‏عطيتك سلاح يرتعّد في كنف يدك .

‏"الظروف اللي تساومني وتحرج وجهي
‏ما حشمت وجه الكريم من الزمن، وإحراجه

‏كل طيب لا نشدني وش ظروفك؟ وش هي؟
‏قلت: ربّي فزعة المحتاج وقت الحاجة

‏يا كفوف المستصيب من الظروف إتجهي
‏صوب من يبسط يده للعالم المحتاجه

‏غير يا نفسي تمشّي فـ البسيطة وإسهي
‏ماني لحالي يواجه في الزمن ما واجه"