‏أشيل ماشالت . . ظهور البعارين
‏ماهوب انا اللي ماتشيله عظامه

‏أنا لو ينسيّك الزمن ماني بناسيك
‏محبتك قصة ما أقدر أكتب نهايتها

‏لو الوقت يرجع قبل أعرفك وقبل أجيك
‏وقبل الهقاوي تنثني دون غايتها

‏بروح أنتظر في أول مكانٍ جمعني فيك
‏وبعيد تجربتي معك من بدايتها

‏جليلة نسب ومعربة جدين
‏كاملة الاوصاف ولله الكمال

متى تقبل وأعيد اجمل تفاصيل العمر حولك ؟
‏ " اشوف إني وحيد وحولي العربان ملتّمه "

‏انا اللي عقب فقدك كل زولٍ احسبه زولك
‏مثل طفلٍ يحسب ان كل من تلبس عباه .. أمه

😔.

‏

‏ "مل قلبٍ عذبته التفاصيل الصغار
‏ الظنون ظنونها والأكيد أكيدها"

ألاقيك في مطلع قصيده ونسمة نود
‏ و فِـ البدر لا ضوّى .. و فـ الورد لا ندّى

‏ وفي حلمي الغادي وفي نصفي المفقود
‏ وليلٍ هقيت إنّه يعدّي ، ولا عدّى

‏أخاف لا أخسر حبها العف ، و تروح
‏للي ما يسوى خصلةٍ من شعرها *

‏يارب انا اخطي بعض الأحيان واتوب
‏واذكر ذنوبي و اتقلب على جنب

‏خلقتني عبدك ولا عندي ذنوب
‏ودي اموت ولا عليه ولا ذنب

‏ماجيتك يوم إنها " ثقال ومّعاسير "
‏وشلون أجي يومها خفاف وهواين

‏بأسم الأله اللي على العرش معبود
‏اللي رفع سبعٍ .. وسبعٍ تحتنا

‏اللي سجد له بآخر الليل داؤد
‏ونزل كتابٍ من حروفه لغتنا

‏الله يجنبنا عمل كل منقود
‏يارب تجعل بالهدى خاتمتنا

‏التماس العذر لـ الطيب كرامه 
‏اتركوا لاصحابكم مخرج طواري

‏من تعذر جنبوا عنه الملامه 
‏لا تصير حلوقكم مثل البواري 

‏التسامح . . يقفل ابواب الندامه 
‏والعتب بابٍ من ابواب الذواري .

‏اذا اخطا عليك اللي تعده ذرى وحزام
‏لاتشره على اللي ماتعده ولا حاجة

‏ " ما أطرد المقفي ليا صفط شراعه
‏ مخبل اللي للمقفين .. تبّاعي "

‏يا عشيري وش بقى ثاني نخافه
‏بالدروب الموحشات السرمديه

‏ليه أمل من الطريق وليه أخافه
‏والمدى قيظ وسراب ومهمهيه

‏وما ورى ريع الطعون إلا الكسافه
‏كل ما أذبه وأشيل السامريه

‏وأنت يا طهر الصباح ويا عفافه
‏لا تصافحني بحد الحضرميه

‏لا يغرك نبض كفي وارتجافه
‏ضاق بي قلبي وشلته في يديه

"مع إنّي ما عاد أعرف وين الزمن ودّاك
‏إلى الحين .. أقدّس ما حصل بينك وبيني"

‏جعل من ضرك يا درة الأوطان
‏مايصبح عليه صبحٍ سعيد ..💚

⁩

يرتفع صوت العتب والمشاريه
‏ولايرخص الدمع العزيز وتهله

‏اللي على الخاطر تشوفه وتوحيه
‏واللي ورى بوابة الصدر .. خله

‏ياسيد الحب العفيف ولياليه
‏إن فرّق الغيم الهوى ، راح ظله

‏إليا كسرت الغصن لاعاد تسقيه
‏ماعاد ينبت لو ترده محله !

"الذكريات بكل الاحوال تشقيك
‏مافيه روح من الحنين استراحت

‏تحزن على ذكرى حزينه تبكيك
‏وتضيق من ذكرى جميله وراحت"

‏من كثر ما تضغط الدنيا علي واقول عادي
‏صرت أواجه وقتي الغلاب وأصافح يمينه".

ان كان للحبّ دولة تستضيف القلوب
‏من غيرك ابايعه .. واقدّم له الولاء"