بإمكانكم الآن الاستفادة من 72جيغا مجانا لمدة يوم كامل من جازي عبر عمل سكان للكود في الصورة داخل التطبيق تاعهم ولي حب يفعلها صباح باش تبقالو اذا مايسحقهاش فاليل يدبر راسو جربوها وقولولنا اذا لحقكم البونيس !

سؤال للناس لي عندهم مشاريع ويبيعو غير في الفيسبوك ولا الأنستغرام، لوكان يتبلوكا الحساب تاعكم ولا يصرالو مشكل، واش راح تديرو؟ خاصة لي راه يعتمد عليه كليا في استقبال الطلبات والتواصل مع الزبائن.

شفنا بزاف تجار ولاو يديرو مواقع خاصة بمشاريعهم، وين الزبون يدخل يشوف المنتجات والأسعار ويطلب واش يحتاج بلا ما يبقى يبعث في الرسائل ويستنى الرد. وحتى تنظيم الطلبات يولي أسهل، وتقدر تبقى تستعمل صفحاتك باش تجيب الزبائن للموقع.

وزيد اليوم مع التطور الكبير تاع الذكاء الاصطناعي، خاصة أدوات كيما Claude لي رانا نشوفو الناس هبلت بيه، ولات تقدر تحول فكرة بسيطة لموقع في دقائق قليلة، حتى اذا ما عندكش خبرة كبيرة في البرمجة. بطبيعة الحال باش تولي عندك Boutique Online تخدم فعلاً، لازم تكمل تضبط المنتجات والطلبات والدفع، ومن بعد تحتاج استضافة واسم نطاق خاص بيك باش الموقع يكون متوفر للزبائن.

وهنا يجي دور الاستضافة، وين ماشي غير تحط الموقع وخلاص، لازم تشوف السرعة، الحماية، وين راه السيرفر وحتى الدعم التقني إذا صرالك مشكل. شفنا مثلا Icosnet عندها عروض مخصصة للمتاجر الإلكترونية باستضافة SSD، اسم نطاق .DZ مجاني، إيميلات احترافية وسيرفرات داخل الجزائر مع دعم تقني 24/24، وحتى إمكانية دمج الدفع الإلكتروني بالذهبية وCIB حسب المشروع وعرض السعر. واللي حاب يشوف التفاصيل والأسعار يقدر يقارن بين عروض Starter وPro وPro+ في موقعهم باش يبانلك الفرق.

أصحاب المشاريع، راكم تبيعو غير في Facebook وInstagram ولا عندكم موقع خاص بيكم؟ واللي جربهم بين زوج، واش لقيت أسهل لي تعاونك؟