#تطبيقات_خاصة_بالنساء
.ملاحظة ما كتب أسفل طبيبة كتباتو لغرض الاستفادة والتعلم ⬇️↙️⬇️
.
.
.
.
ليوم جيتكم على مشكل راه يصرا ف سرفيس تاع جينيكو هو أنو كاين نساء نسقسوهم على تاريخ اخر عادة شهرية لي هي حاجة مهمة جدا في هاد التخصص تقولك ما علاباليش واحد الشهر هكاك و بزاااااف نساء يستهزاو و الطبيب يحتاج تاريخ بالضبط لأنها مسألة أيام مضبوطة ماشي تقريبية .
يا نساء، راهي كاينة تطبيقات فالتيليفون هي لي تحسبلك، ما عليك غير دخلي معلومات تخص عادتك الشهرية.
أضعف الإيمان تكتبي في أجوندا تواريخ العادة.
خسارة تكون مراة تعرف تدخل لليوتوب و الفايسبوك و الانستغرام و لكن ما تقدرش تستعمل تطبيق كهذا.
ملاحظة: راح نعطيكم مثال تاع تطبيق سهل للاستعمال، و ما عندي حتى علاقة بيه يعني مانيش ندير إشهار : تطبيق mon calendrier
أول شيء دخلي معلومات خاصة بيك يعني مدة العادة و مدة الدورة من بعد هو لي يولي يفكرك الخ ...
راه كاين ثاني للنساء المتزوجات يعطيك فترة المناسبة للحمل الخ....
ان شاء الله نسائنا يولو يتعلمو يراقبو الصحة ديالهم لأنو مهمة ليها و للطبيب لتسهيل العمل.
شكرا لكم.