الكلام هذا نكتبوا من القلب وربي عالم انو نصيحة قبل مايكون كلاش او كلام موجه لتلك الفئة من الناس، لانو تشوف الناس وش راهي تعاني ولا واش راهي تخسر يضرك قلبك والله.

افضل نصيحة تسمعها في حياتك انو ماتبعش بزاف المهابل لي تشوفهم على مواقع التواصل، ومن فضلك ماتتأثرش بيهم خاصة الفئة تع "راك في العشرينات ومزال مراكش ملياردار" "واو واش راك مضيع في حياتك"، "كيفاه مراكش عايش معانا في بالي"،

بلاك ماتعرفش بزاف المهابل هدو لكن الأغلبية ديالهم يوما ما نصبوا على الناس، إما بدورات تع خرطي او بحكايات التداول وانجح معانا.

علابيها الانسان يحمد ربي انو مراحش في طريق هدي، وصدقني مكانش اسهل منها.

لانو انا مثلا نحكي على روحي كعبد الحق أسهل حاجة نقدر نخمم فيها؟، هنا برك حساب تيليغرام الاكبر تقريبا في المجال جزائريا، نوض صباح نكري سيارة تكون تخلع شويا لمدة يوم نصور 20 فيديو، بعدها نبدا دورة في المجال الفلاني، بمليون برك، 100 انسان راك جبت 100 مليون، نطور شويا نحكم 30 نعطيها لبالي، بانكوك، نزيد نخرط شويا، نولي نبيع دورة بـ 5 ملاين معمرة متويفاسيو وشرح كيف تفتح حساب اعلاني او تنشئ متجرك، وراك نجحت وخلاص،

شفت النصب شحال ساهل. . .

علابيها احمد ربي . . .

كلام من القلب ان شاء الله يوصل برك 👌

‎ترقبو لأول مرة عمل يجمع كل صناع المحتوى التكنولوجي في حلقات خفيفة ينشروا فيها الفايدة معاكم.
ان شاء الله كل حلقة راح تخرجوا فيها بمعلومة جديدة، جهاز جديد ، تطبيق مفيد وصانع محتوى متميز بلا ما تحسوا✨

العمل يجمع ؛
1001tech, Yaakoub Tech, Aymen bgh, Aymen boudraa, Akram Guidini.
ولازالت القائمة مفتوحة للضيوف!

الهدف 10 حلقات متلفزة ، الا نتوما تان كرهتو المسلسلات في رمضان والكاميرات المخفية نحتاجوكم كامل 😂✊🏻

الفيديو الترويجي على الإنستغرام، هنا
https://www.instagram.com/reel/DCpKXnDNgbA/?igsh=MXFqYWZhODN5cDM3cA==

قد يكون الإقلاع عن التدخين صعبًا للغاية، ولكن كشخص مُدخن عليك أن تُدرك أنك لست تحت رحمة الرغبة في التدخين، فكلما قاومت الرغبة ستتقدّم خطوة للأمام، في غضون ذلك يمكن أن تكون أحد التطبيقات قادرة على المساعدة في ترك هذه العادة، ويأتي التطبيق تحت اسم QuitNow.

حيث باختصار إن كنت أحد المُدخنين سيُشجعكَ هذا التطبيق على الإقلاع مع إنجازات وإحصائيات عن صحتك، فضلًا عن تضمين التطبيق لمجتمع من المدخنين السابقين، هم على استعداد لمساعدتك.
وطبعًا التخلص من عادة التدخين لهو أمر جيد لصحتك، ولكن قد يكون من الصعب فهم الفرق بين حالتك السابقة وأنت مُدخّن والحالة التي أقلعت فيها عن التدخين، حيث يعرض لك تطبيق QuitNow معلومات عن نفسك بعد التدخين، ومعرفة عدد السجائر التي تجنبتها، وكم الأموال التي قمت بحفظها، وعدد الأيام التي لم تُدخن فيها، ويشرح أيضًا كيف يتحسن جسمك بناءً على بيانات منظمة الصحة العالمية.
وكما أشرنا سابقًا يأتي التطبيق أيضًا بتبويب اجتماعي يتضمن مجتمع للأشخاص الذين أوقفوا التدخين، وبالتأكيد سيُساعدك هذا التبويب برؤية تجارب الآخرين،
يمكنك تحميل QuitNow مجّانًا من على صفحته على متجر قوقل بلاي

هي من لخر نحتاجوا الدعم ديالكم وكاين مسابقة شابة مدابيا واحد منكم هنا يربحها 🫡 (اتفرج فيديو تفهم)

الحلقة لي تكلمنا عليها البارحة والتي تجمع صناع المحتوى التقني في الجزائر الآن راهي على اليوتيوب، هي محاولة لإنتاج شيء جديد للمحتوى الجزائري والعمل على تطويره نوعا ما، نتمنى ان تنال إعجابكم ولاتنسوا مشاركتنا آرائكم حول الحلقة.

الحلقة الأولى تجريبية وسنعمل على إضافة كل مقترحاتكم للحلقات القادمة إن شاء الله.

الحلقة كما وعدناكم في حوالي 12 دقيقية تخرج بمعلومة، تطبيق، نصيحة تقنية كل هذا بأسلوب شبابي خفيف ضريف.

#مشاهدة_ممتعة

https://youtu.be/xiOxDE6WLo4?si=trLNSuyZRpX1MkbC

جبنالكم فرصة عمل كمشرف مبيعات بشركة خاصة للاكسيسوارات الالكترونية .. كل التفاصيل تجدونها في اخر منشور لنا على اللينكدان
https://www.linkedin.com/company/1001tech
طاقيو صحابكم المهتمين و بالتوفيق للجميع

كما وعدناكم البارح رانا نحاولوا نجمعولكم أحسن تخفيضات آخر السنة باش تستفادوا من الفترة هادي اللي تعتبر الأحسن لشراء الأجهزة الإلكترونية او حتى الخدمات.

وأول هذه العروض في الخدمات، راح يفيد بزاف التجار الإلكترونيين من شركة WeeWee للتوصيل، تخفيضات معتبرة لكل مهتم بالمجال👏🏻

https://www.facebook.com/share/p/BJCAhcfL1SuPXMgd/

ليوم مكانش فينا لي ما سمعش عن الذكاء الإصطناعي 👀 واش رايكم في دورة تفهم فيها كامل التفاصيل عليه بطريقة بسيطة ومفهومة! 🔥

📚 دورة "الذكاء الاصطناعي للجميع" على كورسيرا مع الرائع في المجال Andrew Ng توضحلكم كيفاش AI رايح يغيّر حياتنا وأعمالنا، حتى لو ما عندكش خلفية تقنية! 🚀

💡 تعرف كيفاش AI يخدم؟ كيفاش تقدر تستعملو في مشروعك؟ وكيفاش تدير استراتيجية لعملك؟ كل هاد الشي تلقاه في الدورة.

⏰ غير 2-3 ساعات في الأسبوع وتقدرو تكتشفو عالم جديد!

📜 مجاني ومتوفر فيه ترجمة بالعربية 👌.

واش رايكم؟ مستعدين تعرفو أكثر؟ 🌟👇

https://www.coursera.org/learn/ai-for-everyone-ar/

هي علابالي دورك تقولي لوكان رقدت خير بصح ارواح نتفلسفوا كامل 😅

مرات يجيني تفلسيف ليلي ليوم قلت نشاركوا معاكم، بعد 100 سنة إن اطال الله من عمر هذه الارض، سنكون كلنا تحت التراب، لكن مامصير كل المحتوى الذي ننشره اليوم على الإنترنت كل التعليقات، كل المنشورات كل مايتم تداوله هنا وهناك، اتصور في مكانك الذي فيه انت اليوم سيكون شخص آخر ربما من سلالتك ويطلع على ماكنت تتفاعل معه او مع تعليقك على ريلز او منشور قمت بكتابته اليوم؟

هي نقاشات تطرح هنا وهناك، وتتشعب منها العديد من النقاشات حتى التي تتحدث عن مامصير حساباتك الشخصية بعد الموت!

وهل نصل يوما لمناقشة مصطلح الميراث الرقمي؟

كامل نعرفوا truecaller وشحال من مرة يجينا إتصال من رقم جديد ونحبوا نتأكدوا من صاحب الرقم والاتصال،

اليوم نقولك انو ماشي لازم ماشي لازم يكون التطبيق على هاتفك، هذا البوت في تليغرام يدير هدي الخدمة، يكفي فقط تكتب الرقم في البوت وراح يخرجلك الإسم، تذكير فقط بمجرد تحميلك وتثبيتك لتطبيق truecaller فأنت تشارك معه كل جهات الإتصال عندك.

❌ اكتب الرقم من هذا الشكل
+21355…..

https://t.me/TrueCaller_Z_Bot

في الكثير من المرات نجد انفسنا نتكلم عن أمور تحدث في المحتوى الجزائري، ومهما حاولنا تفادي الكلام حولها يبقى قول الحق واجب!

هذه الأيام رانا نشوفوا البعض يروج لتطبيقات القمار! ربما أهمها ---1X التي تستهدف السوق الجزائري بقوة!

قولا واحدة هي حرام وكمسلم يكفيك هذا القول للإمتناع عنها، ربما تغريك تلك الـ 50 او 100 او حتى 500 دولار! لكن هل هذا هو سعر بيع دينك ومبادئك!

هنا مافتحتش باب الناس لي راح دخلهم هذا العالم وكيف يمكن ان تحطم حياتهم!

المهم الرسالة واضحة وربي يهدينا آجمعين!

ونتا أخي ماشي اي ريح تجي تديك، تشوف احدهم يتكلم عن المنصة تروح وتقولي راح نجرب برك!