غير الجديد معانا ان شاء الله 👌

الجديد هنا والحديث عن GPT 5 والتحديث لي طلقاتوا ليوم OpenAI وين تقولك هذا أقوى نموذج AI في درب التبانة 😅

محتوى حزائري بكل شغف 🔥

اسرع إنترنت في أفريقيا 🫡 جديد GPt 5 ووش حكاية السيد لي رفض 1.5 مليار دولار من مارك مول الشي !

الولف كيف ساهل و الفراق ما قدرت عنو...

🔥في أقل من 24 ساعة.. GPT‑5 رجّع GPT‑4o للساحة!

✅مع إطلاق الـ GPT‑5 للخدمة، الناس كانت تنتظر "ثورة"، وانعم اظهر تفوق في البرمجة مثلا والتفكير العميق، لكن المفاجأة؟ الكثير حاب يرجع للموديل القديم!

✅بعض المستخدمين وصفوا GPT‑5 بأنه "بارد" كشغل مكانش روح كامل، بدون العفوية واللمسة الإنسانية لي كانوا يلقاوها في GPT‑4o 🤖💔

✅ في Reddit مثلا واحد كتب "حسّيت كشغل خسرت صاحبي لي عندي عشرة معاه"👀 ، وناس قالت أن GPT‑4o كان يفهمهم أكثر.

✅ حتى Sam Altman ما كانش يتوقع هذي العلاقة العاطفية بين الناس وGPT‑4o. واعترف أن فريق OpenAI صُدم من حجم التفاعل 👀

✅ وزاد تخلطت كثر، الـ GPT‑5 واجه مشكل تقني في أول يوم (في نظام التوزيع الآلي)، خلاه يبان "أقل ذكاء" من العادة ⚠️

✅ النتيجة؟ OpenAI رجّعت GPT‑4o كموديل اختياري لمشتتركي الـ plus و Pro

زعما تشوف الناس تزيد عليها، ولا صح الولف صعيب، وماقدروش عليه!

صباح الخير عليكم ونهاركم مبروك ان شاء الله.

كشاب مقبل على الدنيا لازم تعرف حاجة انك مطالب بالسعي والإجتهاد وخلي النتائج على رب العباد، هذا اليقين راح يمنحلك وحد الراحة في حياتك ماتقدرش تدركها حتى تعيشها، وعمرك لا تربط نفسك بمكان ما، اجتهد واخدم على روحك وشوف وين توصلك الامور وإذا ضاقت عليك الأرض بما رحبت خويا العزيز أرض الله واسعة وابحث عن الفرص وين كانت المهم تكون حربي وصنديد.

وزيد أهم حاجة، لا تحاول تغيير المجتمع او الظروف قبل ان تغير نفسك! هدفك الأول اليوم هو ان تكون أفضل نسخة منك وساهم في المجتمع بلي تقدر عليه وكن إيجابي لكن بحدود، انت في مرحلة التحصيل معناها اخدم على روحك وراح توصل ليوم تولي قادر على التغير.

واراك على نجاح ان شاء الله.

كتبتها لك ذات صباح . . .

⁨ ماتضيعش الفرص في زمان Ai 👌⁩

خريطة الإنستغرام راهي دايرة مشاكل 😅

بعد ما أطلقت إنستغرام ميزة "الخريطة" الجديدة في أمريكا، واللي تشبه بزاف "سناب ماب" وتخليك تشارك موقعك الأخير وتكتشف محتوى على حسب الموقع الجغرافي، الناس بداو يتقلقوا على الخصوصية. رئيس إنستغرام آدم موسيري خرج يطمأن وقال: الموقع ما يبانش للآخرين إلا إذا إنت اخترت تشاركو.

ورغم أن ميتا وضحت أن الميزة أصلاً طافية بشكل افتراضي، انتشرت بوستات على السوشيال ميديا تقول العكس وتطلب من الناس يوقفوها بزعم أنها مفعلة تلقائياً. موسيري في "ثريدز" قال إن أغلب الخوف جا من فكرة خاطئة: مجرد ظهورك على الخريطة ما يعنيش بالضرورة أن الناس كامل يقدرو يشوفوك.

واش رايك هل ترى في أي أهمية في هذه الميزة وإذا توفرت هل تستعملها.

أنس الشريف

قصة الشاب الشريف إنتهت . .

من كان يوصل الرسالة لهذا العالم
المنافق . . .

اسـtــشهد البطل . . .

الـ 103 و 1838 . . .

ليست مجرد ارقام …

-------------------------------------------------------

❌ا 103 👼🏻
هذا الرقم سيبقى وصمة عار في تاريخ البشرية وراه يكبر كل يوم! أتصور لغاية يوم 4 أوت، 103 طفل توفوا مجاعة! و 60% مالحقوش حتى 5 سنوات!
أنعم خويا مكانش واش ياكلوا! بل حتى الحليب عغير متوفر، لا قصف لا والو، أكل ! في حرب تجويعية قذرة يباركها الكل بصمته.

❌ا 1838
هو عدد الشـhداء الذين سقطوا فقط في الطوابير، يمكن القول انها مصيدة دايرها جيش الـ🐽 وين يتجمعوا الناس باش يتحصلوا على قليل من الغذاء هو يقصفهم بشكل مباشر!

والله وتالله انها ليست ارقام! بل ارواح وقصص …..

اخيرا اخبار مسابقة بريد الجزائر، نموذج AI عربي من السعودية ووش حكاية غروك 👌
كل هذا في اهم الأخبار التقنية لهذا الأسبوع ❗️
شاركني آرائك حولها في التعليقات 🫡

يوسين بولت ؟ شكون هذا 😂 ارواح تشوف الجديد!

🤖💨 الروبوتات ولّات تنافس ودخلت رسميا للأولمبياد! اليوم فـ100 متر، واحد الروبوت دار سباق يخليك تقول: "يا بولت، دير وجد روحك ، الرقم ديالك يقدر يتكسر!" 😂🏆

السؤال: الروبوت يقدر يكسر الرقم القياسي تاع بولت ولا مازال بكري؟ 😏 (رقمه 9.58 ثانية)

هذا السباق جزء من أولمبياد الروبوت الذي يقام في الصين.

خليلي رأيك👇

بينما انت هنا في تليغرام دور …
جماعة F8 طغاوا في الفايس …

🔴 حذاااااري ❌🚫

⚠️ تغييـر مفاجئ في اعدادات المكالمات في كل الهواتف، وإستنفار عالمي لفهم المشكل . . . احذر وانشر مع اصدقائك . . .
------------------------
وين وين راك رايح وتبدا تتخايل وتبارطاجي وكلش! جماعة F8 مرة اخرى يخرجوا بدجل جديد، كل ما في الأمر ان تطبيق غوغل للإتصال لي كاين تقريبا في معظم الهواتف (كاين هواتف لي فيها تطبيقات مختلفة) دارو تحديث جديد للشكل والتصميم! وخاوتك انطلقوا . . .

يعني نتا وصلك تحديث التطبيق لي دارولوا تقريبا اعادة تصميم ويبان جديد كليا وفقط، وبما انو التطبيق تقريبا في كل الهواتف يكون مفعل فيه التحديث التلقائي تغير عندك وفقط وارحم عقولنا يارجل 🫣

يعني ماكاين حتى واحد راه يتجسس عليك ولا توجد اي مؤامرة وشكرا.

#معا_لمحاربة_الغباء_التقني..

تغير مفاجئ في إعدادات المكالمات، أولمبياد الروبوت من الصين!

للناس لي دايمن تسقسي على هذا النوع من الفيدوهات وكيفاه يتعمل!

الآن تقدر تجرب VEO 3 مباشرة من خلال Gemini، التجربة مجانية ليوم وغدا وعندك حتى الاثنين على 5 صباحا، عندك 3 فيدوهات مجانية لكل حساب تقدر تجرب وتخرج فيدوهات بالصوت وتشوف وين راه واصل الـ AI.

دائما نؤمن بالفيدباك لي يجينا من عندكم 🫡

في هذا المنشور شاركنا رأيك حول المحتوى الذي ننشره، طريقة النشر،
انتقاد بناء

مرحبا بالجميع وشكرا على أخذ وقتكم للمشاركة في هذا الأمر 👌

مع هذه الفقرة لن تفوت أي خبر تقني انً شاء الله 🫡

تبع معايا وماتنساش تشاركني الرأي ديالك في هذه الفقرة!

نحكيوا بالمنطق والعقل، الذي يحدث في المجتمع ديالنا والله خطير ياخاوتنا، ومراناش نحكيوا عليه كيما يلزم الحال، مازال مافهمتش علاه وصلنا لزمان الوالدين خلاو التربية لمواقع التواصل، وللهاتف؟

كيفاه تقنعني انو طفل/طفلة 13-14 سنة اكثر بقليل او اقل، عندو تيك توك عادي وعندو انستاغرام عادي وواحد مراه يهدر على الموضوع هذا؟ بالله عليكم كيفاه نبينيوا مجتمع بالطريقة هدي؟

كيفاه وصلنا انو حثالة المجتمع ولاو عندهم ملايين في مواقع التواصل، وعندهم وصول لفئة كبيرة من المراهقين؟ والله تلقى طفلة في عمرها 10 سنين تعرف المشهورة الفلانية وتلبس كيما هي وتتأثر بيها وتتشبع بأفكارها وتلقى والديها ماشي سامعين كامل وتلقاهم يناقشوا في التعليقات، إذا عادي نقولوا على فلانة مؤثرة أو لا !

ورانا صفحة تقنية هنا نقولك ياودي مستحيل تقنعني انو طفل يكون عندو هاتف في السن هذاك وخلينا من حكاية تع يستعمل التقنية وكامل الخرطي هداك لانو آخر حاجة راه يتلاقا بيها هي التقنية واجري على امورك قبل فوات الأوان والله ولي التوفيق وسلام.