قانون من الصين لازم يكون في 🇩🇿 وهذا الروبوت ربما تحتاجه يوما ما!
هذا TechFeed لهذا الأسبوع، لي فيه ملخص لأهم الأخبار التقنية لهذا الأسبوع 🫡

إذا مزالك تستعمل تطبيقات الـ9ــمار نقولك اخطيك، وفيق ماروحك.

وإذا ماتقنعكش كلمة حرام، نقولك والله طريق هذي ماتخرجك وراح توصل لنتائج كارثية عليك وعلى الناس القراب ليك، ولوكان نبدا نحكيلك القصص تع ناس وكيفاه تم تدميرهم حرفيا بسبب هذه الألعاب.

ماتسمعش لبعض القمارجية لي راهم يروجوا ليها، هادوك ربح ديالهم منك انت، كلما يدخلوا ناس يربحوا، كلما نتا تخسر كثر هوما يربحوا كثر.

نصيحة من القلب، وعلابالي راه إdــدمان لكن نقولك معليه دير ربي سبحانوا في بالك، وشوف انسان يعاونك باش تبطل، لانو راح تندم يوما ما.

——————————-


تطبيقات الـقـmــار حرفيا قادرة تحطملك حياتك بكل ماتحمله الكملة من معنى، مهما اختلفت المجالات، النهاية واحدة.
هدا الوثائقي 👇🏻 من مصر يوثق شباب خسروا كل مايملكون ودمروا حياتهم حرفيا.
شاهد واعتبر.

غير ابداو تخبيو الفلوس 😅🫣ووجدو روحكم

🔴 وزير السكن: دفع الشطر الأول بالنسبة لمكتتبي "عدل 3" سيكون قبل نهاية ديسمبر المقبل

🔴 وزير السكن: الرد على أصحاب الطعون سيكون قبل نهاية شهر نوفمبر

شركات تقوم بحملات إعلانية وساعات من التخطيط للحصول على انتباه المستخدمين، لكن لروكستار كلام آخر دوما، تصور فقط إعلان لتأجيل لعبة #GTA6 راه واصل فوق 160 مليون مشاهدة على منصة X فقط لتفهم الحجم الذي وصله هذا الاستوديو.

برك لتفهم حجم اللعبة حسب شركة الاستثمار Konvoy: من الممكن أن تصل عائدات GTA6 إلى حوالي 7.6 مليار دولار خلال أول 60 يومًا بعد الإصدار، المبلغ هذا بالدينار 🙂

حاليا اللعبة تأجل موعد إصدارها لغاية نوفمبر 2026.

القصة بدأت فالصين 🇨🇳 سنة 2009، وين كانت جامعة نانجينغ تدير احتفال بسيط للناس لي ماهمش مرتبطين — اختارو تاريخ 11/11 لأن الرقم “1” يرمز للفرد الواحد ✌️
لكن شركات التجارة الإلكترونية، خصوصاً Alibaba وAliExpress، شافو فيها فرصة ذهبية 💰

🔥 من مجرد نكتة طلابية إلى حدث تجاري عالمي:
اليوم 11 نوفمبر ولى أكبر مهرجان تخفيضات أونلاين في العالم،يفوت حتى Black Friday وCyber Monday من ناحية المبيعات!

🛍️ وش يصرا اليوم؟
• مواقع كيما AliExpress، Amazon، Shein، Temu وBanggood يديرو تخفيضات مجنونة (توصل حتى 80٪ 😱).
• العروض تشمل كلش: هواتف، سماعات، أدوات ذكية، وحتى الملابس.
• بزاف مواقع جزائرية كذلك ولاّت تستغل اليوم وتدير “تخفيضات 11.11” محلية.

⚙️ علاش لازم تهتم؟لأن هذي الفترة هي أفضل وقت تقتني منتوجات تقنية بأسعار منخفضة،
لكن لازم تكون ذكي في الشراء:

• راقب السعر قبل التخفيض 📊
• تفادى السلع بلا تقييمات 🚫
• دير مقارنة بين المنصات ✅

🎯 باختصار: 11.11 = يوم عالمي للتخفيضات بدأ كاحتفال بالعزّاب،واليوم ولا مناسبة ينتظرها حتى المتزوجين 😅

وش رايك؟ جربت تشري حاجة فـ 11.11 من قبل؟ وش كانت التجربة؟

⁨ أحسن 3 كورسات تقدر تبدا بيهم رحلتك في عالم الذكاء الإصطناعي، خلينا نتفق انو هذه الكوسرات للمشاهدة وليس للحفظ 🫡
————————
الكورس الاول بعنوان Ai For Everyone
الثاني ChatGPT prompting engineering
الثالث Vibe coding 101 by replit

مشاهدة ممتعة.

لا تنسى مشاركة الفيديو مع اصدقائك لتعم الإفادة.⁩

الألمبياد في وهران ، فرص جيدة للشباب الجزائري للحصول على شهادات من شركات كبرى مثل NVIDIA وOpenAI خرجتلنا ChatGPT 5.1 واخبار تقنية متنوعة جمعناها لك في هذا الملخص.

اما عن موضوع النقاش اليوم حول بعض المشاهير الذي ينشرون محتوى منافي لأخلاق المجتمع الجزائري وهل حان الوقت للسلطات للدخول بشكل كبير في هذه القضايا.

هذه المبادرات التي يحتاجها الشباب الجزائري 💙🫡

🚀 الـ WorldSkills Algeria 2025… الحدث لي لازم تشوفو! 🇩🇿🔥

أكبر أولمبياد للمهن في البلاد، يجمع الشباب المبدع في أكثر من 44 تخصص موزعين على 6 مجالات متنوعة.

✅ تكنولوجيا البناء والأشغال العمومية.
✅ تكنولوجيا الإعلام والإتصال.
✅ تكنولوجيا التصنيع والهندسة.
✅ الخدمات.
✅ الفن الإبداعي
✅ النقل واللوجيستيك

🎯 وين راهي الأهمية؟
لأن التكوين المهني اليوم هو العمود الفقري للاقتصاد:
يعطي مهارات حقيقية، خدمة مضمونة، فرص ريادة أعمال، ويصنع جيل قادر ينافس عالمياً، والآن حان الوقت لرفع الصورة النمطية المرتبطة بالتكوين المهني.

✨ في WorldSkills تشوف الإبداع بعينيك… تشوف شباب جزائري يخدم بإتقان، دقة، واحترافية، ويرفع الراية في ميادين ما زال بزاف ما يعرفوهاش.

🎉 ما تفوّتش الحدث وإذا كنت في وهران مابين 17 و21 نوفمبر اراوح تشجع ولاد بلادك! 🇩🇿🚀