تيليغرام يزيد يرفع مستوى الخصوصية…وين بدأ يختبر ميزة جديدة تسمح لك تمنع مشاركة محتوى المحادثة.
كي تفعل الخيار:
📵 ما يقدروش يديرو كابتير Screenshot للمحادثة
📤 ما يقدروش يعيدو توجيه الرسائل لشخص اخر
📂 وما يقدروش يحفظو الصور والفيديوهات عندهم

الفكرة هي تعطيك تحكم أكبر في خصوصية الدردشة خاصة في المحادثات الحساسة.

لكن لازم تعرف حاجة 👀الميزة ماشي حماية 100٪… لأن أي واحد يقدر ببساطة يصور الشاشة بهاتف آخر 😅.

لو كانت عندك هاذ الميزة…واش أول محادثة راح تفعلها فيها؟

رسمياً لجنة الأهلة في الجزائر 🇩🇿 تعلن ثبوت رؤية هلال شوال وأن يوم غد الجمعة هو أول ايام عيد الفطر المبارك
تقبل الله منكم الصيام والقيام

صحا عيدكم وكل عام وأنتم بخير ❤️

اللهم تقبل منا ومنكم الصيام والقيام🤲

وتعيدوا بخير ان شاء الله

بما أنو رانا في وقت العطلة خاصة للأساتذة والطلبة الجامعيين، هذي أحسن فرصة باش تستثمرو وقتكم وتخرجو من الروتين في حاجة تفتح لكم بيبان كبار.

الموعد بداية من 28 مارس في CIC الجزائر العاصمة وين الحدث Global Africa Tech فرصة للإطلاع على الواقع التقني في القارة الإفريقية، بحضور خبراء من اكبر الشركات مثل ميتا، امازون وكالوكم، المواضيع متنوعة ولها تأثير كبير في المستقبل التقني للقارة.

نتلاقاو لتم ان شاء الله، ماتنساوش تسجلوا من خلال الرابط وتتطلعوا على البرنامج الكامل : https://register.globalafricatech.com/fr

انعم هذا الخبر ربما لا يستحق ان ينشر او نتكلم عليه لكن حبيت نتكلم على جانب مهم بزاف!

هدا ليونيد رادفينسكي بالمعايير العالمية هو ناجح! رجل ثروته تجاوزت 4.7 مليار دولار ومنصات ناجحة يزورها الملايين! لكن…

اليوم يرحل عن هذا العالم عن عمر ناهز 43 عاماً بعد صراع طويل مع مرض السرطان.

وهنا نفتح باباً للتأمل في الأثر الذي يتركه الإنسان خلفه. إليكم لمحة سريعة عن مسيرته!

عام 2018 اشترى وطور OnlyFans، وحولها من منصة عادية للمبدعين إلى أكبر وجهة للمحتوى الإباحي والمدفوع في العالم!

حقق أرباحاً خيالية خاصة خلال فترة الجائحة، مستغلاً حاجة الناس للمال وسعي الملايين خلف المحتوى السريع، مما جرّ الكثيرين (صناع محتوى ومتابعين) إلى هذا الطريق، وقبلها تان أسّس موقع في نفس الفئة! وكان يّدر عليه الملايير!

رغم امتلاكه لأموال طائلة تمكنه من الحصول على أفضل رعاية طبية في العالم، إلا أن السرطان كان أقوى.

علابيها هي رسالة للكثير انعم تسمع اليوم عن الكثير من الناجحين في الحياة لكن ! لازم الإنسان يفهم واش كاين من وراء بعض الشخصيات وكيف انو ليس كل مايلمع ذهبا!

بصراحة هل تستعمل ادوات الذكاء الاصطناعي في حياتك اليومية، دراسة، تطوير مسارك المهني، وماهي تلك الأدوات وشاركنا تجاربك معها وهل تدفع مقابلها ام تستخدم النسخة المجانية فقط؟

​دائما الهدف هنا ان نبرز لك الجانب التقني من كل خبر تقرأه او تراه امامك، شفنا كامل اهمية الموارد في مواجهة مايمر به العالم، وفي زيارة ميلوني اليوم للجزائر سمعت وحد المصطلح لي حكات عليه وهو استكشاف الغاز في البحر Offshore خلينا نحكيو عليه شويا ...

اليوم مايكفيش انو عندك الموارد الطبيعية، لكن الصح راه كامل في التكنولوجيا لي تسمحلك انو تستفاد من هدي الخيرات! 💡🇩🇿🇮🇹

الشراكة الأخيرة بين سوناطراك وشركة إيني (Eni) الإيطالية في البحر الأبيض المتوسط هي أحسن مثال على معادلة: الموارد مقابل التكنولوجيا.

باش نفهمو الجانب التقني بلا تفلسف، الحفر واستكشاف الغاز في البحر (Offshore) ماشي كيما الحفر في اليابسة. في البحر راك تتعامل مع مياه عميقة جدا، ضغط خيالي، وظروف طبيعية قاسية. حوض المتوسط بصفة عامة معروف بلي يعوم فوق احتياطيات غازية كبيرة، والجزائر بدات خطوات رسمية باش تستغل هاد الثروة في سواحلنا، وهاد الشي يطلب معدات وخبرات معقدة.

هنا تبان قوة التكنولوجيا لي جابتها إيني:

✅ المسح الزلزالي 3D و 4D: تقنيات تخليك حرفيا "تشوف" واش كاين تحت قاع البحر بدقة عالية قبل ما تبدا تحفر.

✅ الروبوتات البحرية (ROVs): غواصات آلية صغيرة تخدم في أعماق مستحيل يوصلها الإنسان باش تركب وتراقب الأنابيب.

✅ الحفر الموجه: تكنولوجيا تخليك تحفر عموديا ومن بعد تدور الحفارة أفقيا تحت الأرض باش توصل للغاز بدقة مليمترية.

تخيل راك تحوس على إبرة في مسبح مظلم وكبير. بلا هاد التكنولوجيا المتقدمة، العملية راح تكون مستحيلة أو مكلفة لدرجة الخسارة.

إيني عندها التكنولوجيا العالية لي جربتها ونجحت بيها في مناطق أخرى من البحر المتوسط. هكذا الجزائر تستفاد من نقل التكنولوجيا وتدريب كفاءاتنا على أحدث تقنيات الحفر البحري، وفي نفس الوقت إيطاليا تضمن إمدادات الطاقة ديالها، شراكة win win

فيسبوك راهو يحاول يرجّع الناس… وبالدراهم هاذ المرة 💸الجديد؟ دارو خطة باش يخلصو ما بين 1000 حتى 3000 دولار شهريًا لصناع المحتوى يبدلو التركيز تاعهم ويولو ينشرو في فيسبوك ايضا لان الاغلبية راهم في منصات اخرى👀

بصح كاين شرط: لازم يكون عندك ما بين 100 ألف و1 مليون متابع في إنستغرام، تيك توك ولا يوتيوب باش تدخل فالسيستام !

🎯 الفكرة واضحة: المحتوى لي راهو ينجح خارج المنصة جيبو وعاود انشره هنا ففيسبوك ايضا وتخلص !

بصراحة…فيسبوك جا متأخر شوية على هاذ الخطوة ⏳خاطر الناس تعودت على بلايص أخرى، وبدلت عاداتها بصح الدراهم يبدلو ماشي غير الناس 😅

💭وانت هل 1000 ولا حتى 3000 دولار كافيين باش تبدل المنصة تاعك؟ ولا خلاص… كل واحد لقى بلاصتو وين مرتاح؟ 😏ولوكان يعرضوها عليك… تقبل ولا تقولهم خليوها عندكم؟

هاتف ب 10001mAh مع شحن سريع 80W وشاشة Amoled بحوالي8ملاين ال Realme P4

ابتداء من الغد، ما راحش تقدر تدخل للـ ECCP بلا ما تكمل KYC تاعك!

عودة البشرية للقمر وتأثير الذكاء الاصطناعي 🌕🤖
مناقشة السيادة الرقمية الإفريقية في الجزائر خلال Global Africa Tech 🌍🇩🇿💻
مرحباً بكم في Tech Feed من #1001tech 📡✨

لازم تخير منين تدي المعلومة ديالك!

لانو وش راه صاري عيب كبير!

للناس لي تحوس على تابلت جهاز لوحي بسعر مليح
4/128GO 29000da
8/256GO 33000da