لمن يسأل عن منصة adhahi انعم الرسائل راهي توصل للمسجلين والرسالة بسيطة فيها تاريخ وموعد التقدم لنقطة البيع المحددة مسبقا حسب المكان لي سجلت فيه اول مرة.

تبقى برك تفصيل مهم وهو كيفية الدفع لمن اختار اونلاين هل تكون بعد اختيار الأضحية ولا يتم استلامها حتى تتم الدفع ام كيف ستكون؟ إذا واحد فيكم دار التجربة كاملة شاركنا؟

ونتا وقتاش سجلت وهل وصلتك الرسالة او لا؟

نظن اكثر منصة رانا خاسرين كثيرا بعدم التواجد عليها كجزائريين هي "تويتر | X" المنصة تَصنع الرأي العام في الكثير من البلدان العربية خاصة المشرق وحتى دول العالم.

نشوف التواجد هناك والتفاعل مع المواضيع العامة راه ضرورة.
ولا واش رايكم!؟ وهل تستعمل المنصة؟

https://x.com/1001dztech/status/2050706678543208894?s=46

​انعم هذا المنشور طويل لكن ان شاء الله راح يكون مرجعي ليك في كيفية استخدام واحتراف Claude ...

دليلك الشامل لاحتراف Claude: الميزات لي الأغلبية ماعلابالهمش بيها

راني فوت مئات الساعات داخل كل واجهات Claude. خبي هاد البوسط عندك، راح تحتاجه.

بزاف ناس يخلصوا اشتراك في هاد الأداة، بصح يستعملوا غير 20% من واش تقدر دير. Claude ماراهوش واجهة وحدة، فيه 3 واجهات: Chat، Cowork، و Code. الأغلبية تستعمل وحدة برك وماعلابالهمش بالباقي. والنتيجة ملايين الناس تضيع في إمكانيات جبارة.

هاك 40 ميزة، إعداد، واختصار مخفيين راح يبدلو طريقة خدمتك نهار تكتشفهم.


✅ خبايا Claude Chat (واجهة الدردشة)

1. الستايلات (Styles): ادخل للإعدادات. تقدر تبدل طريقة هدرة كلود، ترجعها رسمية ولا مختصرة، وتقدر تخدم ستايل خاص بيك وبصوت البراند تاعك.

2. المشاريع (Projects): الأغلبية تراطي هاد العفسة. دير مساحة عمل خاصة، تخبي فيها ملفاتك وتعليماتك. كل محادثة تندار تما، كلود راح يكون فاهم السياق ديراكت بلا ما تعاود تفهمو.

3. معرفة المشروع (Project Knowledge): طلع ملفاتك المرجعية (قواعد البراند، ملفات بي دي اف، الخ). كلود يقراهم ديما قبل ما يبدا أي حوار في هاداك المشروع ومستحيل ينساهم.

4. التعليمات المخصصة (System Prompt): حط تعليمات تمشي في الخفاء مع كل رسالة. مثلا قولو دايما جاوبني بهاد الفورما ولا ما تستعملش هاد الكلمات.

5. الـ Artifacts: كي يخدملك كود ولا ديزاين ولا وثيقة، تخرج في شاشة وحدها باش تقدر تعدل عليها بلا ما تخسر الشات ديالك.

6. الذاكرة (Memory): كلود ولى يشفى على واش هدرتو من قبل. تقدر تشوف وتعدل واش راه شافي عليه في الإعدادات باش تريقل واش لازم يشفى واش لازم ينسى.

7. البحث العميق (Deep Research): كي تفعلها، كلود يولي يحوس في عشرات المصادر ويعطيك تقرير مفصل. شغل راك مكلف باحث يخدم ساعتين، يعطيك النتيجة في زوج دقايق.

8. ذكاء قراءة الملفات: طلع واش تحب، إكسل، صور، كود. كلود ماشي غير يخبيهم، راه يقراهم ويفهمهم. تقدر تعطيلو رابور فيه 50 باجة وتسقسيه غير على باجة 37.

9. تحليل الصور العميق: يقدر يقرا أي صورة بالتفصيل. كابتير تاع إيرور، تصاور السبورة، لي تيكي، وحتى الملاحظات المكتوبة باليد.

10. الكانفا (Canvas): يقدر يخدملك جداول، رسومات بيانية، وكالكيلاتريس تتفاعل معاها مباشرة في الشات.

11. دعم LaTeX: للناس لي تخدم بالرياضيات والإحصاء، يكتبلك المعادلات بطريقة احترافية.

12. تفرع المحادثة (Branching): تقدر تعدل أي رسالة قديمة وتبدا محادثة جديدة من هاديك النقطة. هكا تسلك طرق جديدة بلا ما تخسر المحادثة الأصلية.


✅ قوة Claude Code (واجهة المطورين)

13. مستويات CLAUDE md: المحترفين يخدمو بـ 3 مستويات تاع إعدادات. مستوى للمستخدم، مستوى للمشروع كامل، ومستوى للملفات سبيسيال باش الخدمة تكون منظمة مع التيم.

14. قواعد حسب المسار: دير قواعد سبيسيال لكل نوع تاع ملفات. مثلا طريقة تيست معينة تتطبق غير على ملفات التيست وحدها.

15. وضع التخطيط (Plan Mode): عبز Shift+Tab قبل المهام الكبيرة. كلود يعطيك خطة خطوة بخطوة توافق عليها قبل ما يبدا يخدم باش تتفادى الفوضى.

16. أمر /compact: كي تطوال الهدرة، يضغط المحادثة باش يفرغ المساحة ويبقى شافي على الصح، مليحة كي يبدا كلود يخلط ولا ينسى.

17. أمر /memory: يوريلك واش من ملفات راه رافدها في الذاكرة حاليا باش تعرف لا راه فاهم السياق صحيح ولا لالا.

18. أوامر مخصصة: اخدم أوامر خاصة بيك. مثلا /review باش يدير مراجعة للكود تاعك حسب شروطك انت. راح تربحك سوايع تاع خدمة.

19. التكامل مع Git: يقدر يدير commit، push، ويكتب رسائل الكوميت وحدو. قولو دير كوميت لكلش مع رسالة توضيحية وراح يخدمها ديراكت.

20. تعديل ملفات متعددة: يبدل كود ولا اسم تاع عفسة في قاع ملفات المشروع في ضربة وحدة بلا ما تفتحهم بالواحد.
21. توليد الاختبارات (Tests): يقدر يكتبلك تيست كامل لأي كود تمدهولو ويحط فيه قاع السيناريوهات.

22. وضع -p: يخلي كلود يخدم وحدو في الخلفية. أساسي بزاف للـ CI/CD باش الخدمة ما تحبسش تستنى في الموافقة تاعك.

23. مخرجات JSON: يرجعلك الخدمة منظمة باش الماشينة تقراها مباشرة وتستعملها في البايبلاين تاعك.

24. مراجعة مستقلة: دايما استعمل نافذة جديدة باش تراجع الكود لي كتبو كلود باش ما يكونش متحيز لخدمتو.


خير 5 ميزات من هادو وجربهم اليوم. كل وحدة راح تنقص عليك بزاف وتخليك تربح الوقت.

هذه المقالة ترجمة لمقالة نشرها Khairallah AL-Awady على منصة X

شحال من مرة صراتلك، راك تتفرج فيديو ولا تيليشارجي في كاش عفسة مهمة، وفجأة يعيطلك كاش واحد، الكونيكسيون تتقطع وتبقى غير تستنى. هاد المشكل الكلاسيكي خلاصت حكايتو الان مع الإطلاق الرسمي لخدمة VoLTE في الجزائر من عند المتعامل جازي.
مور الخبر الحصري لي حطيناه، بزاف منكم سقساونا واش هي هاد التقنية. باختصار وبلا مصطلحات معقدة، هاد الخدمة تخليك دير مكالماتك مباشرة على شبكة 4G، في بلاصة ما يهبط التليفون اوتوماتيكيا للجيل الثالث كيما كان يصرا من قبل.
هاد التطور راح يبدلك طريقة استعمالك للتليفون في 3 حوايج اساسية:
✅ الاولى الكونيكسيون ماتروحش: شبكة 4G ماراحش تتقطع كي تكون تهدر، وتقدر تتصفح وتكونيكتي ولا تبعت تصاور في نفس الوقت عادي جدا.
✅ الثانية جودة الصوت: المكالمات تولي نقية وواضحة بزاف.
✅ الثالثة سرعة الاتصال: التليفون يصوني عند الشخص لي عيطتلو في رمشة عين.
باش تستفاد من هاد الخدمة، لازم برك التليفون تاعك يكون يدعمها، و تدخل لاعدادات الشبكة وتفعل خيار مكالمات الجيل الرابع.
شاركونا في التعليقات واش من تليفون عندكم، وهل تاكتيفات عندكم الخدمة وبانت العلامة الفوق ولا مزال.

لسنوات ونحن نتكلم عن حقوقنا في الجزائر في المجالات التقنية المتنوعة ودائما كان هناك مجتمع الإنترنت يدعم والمطالب دائما ماكانت في مجالات مختلفة لكن ...

مؤخرا وليت نشوف عقلية "المكاين والو" في كل شيئ تقريبا:
✅ طلقوا الـ 5G = ❌ مكاين والو واش نديروها بيها ...
✅ تشجيع الدفع الإلكتروني = ❌ مكاين والو واش نديروها بيها ...
✅ طلقوا الـ VoLTE = ❌ مكاين والو واش نديروها بيها ...

وغيرها الكثير ...

وهي ساهلة، نحن صفحة تقنية ومدابينا اي حاجة تقنية راهي في العالم تكون في بلادنا ونحكيوا عليها وننتقدوا حتى تكون واقع ونحكيوا عليها وننتقدوا حتى تكون في أفضل حال، ومنه نتا تشوف حاجة ماتسحقاش ولا ماتفهمهاش عادي تقدر تجوز عليها وتخلي رايك عندك وشكرا.

تلفتلك مع VoLTE ومالقيتش شكون يفهمك !
مرحبا بيك …

اليوم تم الإطلاق الرسمي لتقنية VoLTE شرح بسيط للخدمة.

واشنو هي التقنية لي راك حاب تشوفها في الجزائر !؟

علابالي سمعتوا كامل بمصطلح KYC والإنسان دائما يخاف من حاجة مايعرفهاش!
هنا ببساطة مديتلك كامل وش لازم تعرف عليه!

ملخصك الأسبوعي لأهم الأحداث التقنية راه وصل 👌
الـ VoLTE رسميا في الجزائر و أمازون راح ترجع التوصيل في نصف ساعة

زعما نلحقوا ليها في 🇩🇿!؟

خممت في الأثر لي لازم تخليه في الدنيا هدي؟ ليوم جاز من عمرك 20 او 30 سنة وربما اكثر، لكن ماهو الأثر لي راك مخليه من ورائك، علم ينتفع به ام صدقة جارية او شيء من هدا القبيل خمم فيها مليح وخليها واحد من اهدافك في الحياة، وهنا ماتعقدهاش يقدر ربي فتح عليك في مجال معين ياخويا دير عهد مع نفسك انو كل عام تعلم زوج ولا 3 من الناس من المجال هداك وتخليهم يبداوا فيه وراح تشوف الأثر تع الشي هذا في حياتك، نهاركم مبروك 🫡

رسميا نفطال تطلق المنصة الرقمية الخاصة بطلب العجلات المطاطية، (علامة كونتينوتال) العملية تتم عبر المنصة بشكل كامل من إنشاء حساب، اختيار نوع العجلات، تحديد الموقع و تأكيد الطل، الدفع يتم حصرا ببطاقة بنكية او الذهبية.
المنصة سهلة الإستعمال والتسجيل فيها واضح (تحتاج لرقم تسجيل المركبة للتسجيل)

دائما لنا الشرف لنشر هكذا محتوى 👌

خلال فعاليات حدث DeepX، كان لنا لقاء مميز مع الدكتورة مليكة آيت بودريس، الأستاذة المساعدة في كلية الطب بجامعة هارفارد العريقة. الدكتورة مليكة تقود أبحاثا متقدمة كباحثة رئيسية، وتعمل على توظيف تقنيات الذكاء الاصطناعي لتحليل البيانات الجينية المعقدة وفهم كيفية تطور الأمراض. أهلا بك دكتورة.
تحدثنا عن التقنية والذكاء الاصطناعي في المجال الطبي.
مشاهدة ممتعة.
الجزء الاول.

هذه هي نصيحة الدكتورة مليكة آيد عيد الأستاذة المساعدة بجامعة هارفارد لطلبة الجزائر حول اضافة التكنولوجيا في حياتهم المهنية والأكاديمية.

نصيحة مهمة من كفاءة جزائرية تعرف تماما أهمية التكنولوجيا في عالم اليوم.

كطالب هل تستعمل التقنية في حياتك!

من هنا
https://www.facebook.com/share/p/1ENwHaWGmm/

إذا رسميا الجيل الخامس يتوفر في هواتف سامسونغ في الجزائر، لكل من وصله تحديث OneUI 8.5، التجربة كانت مع المتعامل جازي، وراهي تشتغل 💯

ونتا عندك لحقك التحديث وزيد شاركنا التجربة مع ذكر اسم المتعامل.

الجزائر تطلق برنامج 77.7 والبوابة الرقمية الموحدة، وغوغل تقلب موازين البحث والبرمجة، وMeta تطرد آلاف العمال باش تمول الذكاء الاصطناعي، وسامسونج تجيب رسميا 5G للجزائر.
حلقة Tech Feed هذا الأسبوع دسمة بزاف.
واش أكثر خبر شدك؟

النصيحة الصح راه لحق وقتها 👏
خاوتنا غدا العيد اخطونا من رسائل كوبي كولي لي فيهم 100 كلمة، لي اثلا معلابالكش وش فيها، ياخويا رسالة صوتية بسيطة مخصصة، اثرها يكون جميل وتدخل مباشرة القلب خير وخير.
وماتنساش صلة الأرحام اهبط للواقع ودير قاعدة اي إنسان كاين احتمال تتلاقاه، اتلاقاه خير من اتصال او رسالة، وسترى الفرق ❤️👌

عيدكم مبارك وكل عام وانتم بخير تقبل الله منا ومنكم صالح الأعمال ❤️