🔴🚫⚠️ حـــــــذاري ‼️

المختصر المفيد لا تقم بتحميل أي تطبيق من خارج المتجر الرسمي على هاتفك ولا تضغط على اي رابط يوصلك.

❌هذه الأيام كاين طريقة جديدة راه يتم بها اخــ-تـ-ـراق هواتف بعض الجزائريين والوصول لتطبيق بريدي موب وسرقة اموالك، اولا الطريقة اولا تستهدف هواتف اندرويد.

❌ تبدا من تثبيت تطبيقات APK من خارج المتجر بطبيعة الحال اشهرها حاليا ولي راني نشوف راهي دور NexoTV APK (نسخة معدلة من التطبيق لانو حتى الموقع ماشي هو الرسمي للأداة)

❌ ببحث بسيط لاحظنا انو كاين اكثر من 620 اعلان مدفوع -ADS- على منصة فايسبوك فيها رابط مباشر لتثبيت نسخة معدلة من NexoTV وعند تحميلها يكون الملف فيه تقريبا 11.8MO

❌ التطبيق بطريقة او بأخرى يطلب صلاحية Accessibility Service هدي بدون الصلاحيات الاخرى التي يتحصل عليها التطبيق.

✅ المهم هدا ليس شرح تقني وراح نولو للتفاصيل في الامسية ان شاء الله، هذا تحذير برك وروح راقب هاتفك او هاتف تع باباك ولا يماك ولا ناس كبار لي تشوفها بلاك ماتعرفش وشوف ادا راهم محملين هدا التطبيق وزيد حذرهم انو مايحملوا حتى حاجة من مصدر مجهول حتى ولوكان يوصلهم خاصة ادا كان APK.

راكو تسمعوني؟ تشوفوني مليح؟راهي تبان الشاشة ؟ لا لا ما بان والو

إذا درت اجتماع اونلاين من قبل فأكيد هاذ الجمل جازو عليك أكثر من مرة المشكل أن الاجتماع لي كان مفروض يديلك 20 دقيقة، يقدر يروح منو ربع او نصف ساعة غير باش نسڤمو الصوت، الكاميرا ولا مشاركة الشاشة

اليوم الـvisioconférence ولات جزء عادي من الخدمة، سواء كنت تخدم مع فريق في نفس المدينة ولا حتى مع ناس في ولايات وبلدان مختلفة بمنصات مختلفة Google Meet، Zoom، Microsoft Teams وغيرها ولات أدوات نستعملوها بشكل يومي ومع الوقت حتى الحلول المحلية بدات تدخل لهذا المجال كيما V-ROOM من Icosnet، لي توفر الاجتماعات بالصوت والصورة مع مشاركة الشاشة والدردشة وتسجيل الاجتماعات.

والحاجة لي تبدلت فعلا هي أن الاجتماع Online ما ولاش مجرد مكالمة فيديو بل اصبح Workspace كامل للخدمة وين تعرض Projet تاعك وتشرح الفكرة،تدير Formation، تناقش مع Client،او دير استشارة ولا حتى تسير اجتماع كامل بلا ما يكون الفريق كامل في نفس المكان بصح في الأخير كل واحد عندو المنصة لي يرتاحلها أكثر.

واش تستعملو أكثر هل Google Meet، Zoom، Teams، ولا جربتو حل محلي كيما V-ROOM؟ وهل سمعتو بيه من قبل ؟

وزارة العمل أطلقت اليوم منصة رقمية جديدة باسم «تبليغ»، مخصصة لاستقبال التبليغات حول حالات الفساد المحتملة.

المنصة تسمح للمواطنين بالتبليغ عن ممارسات الفساد اللي يواجهوها أثناء تعاملاتهم مع الإدارة المركزية، المصالح غير الممركزة والمؤسسات التابعة للقطاع.

والفكرة هنا هي أن التبليغ يكون رقمياً، سريعاً ومؤمّناً، مع آلية لحماية المعلومات الشخصية للمبلّغين.

🌐 المنصة: tabligh.mtess.gov.dz⁠

برأيكم، هل المنصات الرقمية تقدر فعلاً تسهّل التبليغ عن الفساد؟ ولا لا ؟

بعد قليل كاين مسابقة في الفيسبوك و الإنستغرام لربح خمس أجهزة إلكترونية كهرومنزلية وجد روحك تشارك وتستفاد ايضا ممكن تربح هنا ولهيك اذا عندك زهر 🙄تسمى شارك فالمنصتين ✅

مباشرة من قلب الرياض نكشف لكم كواليس حدث LEAP في لايف على الTikTok

https://vt.tiktok.com/ZS9BQfVrKYjoQ-J0n8v/

علاش تشري GPU غالي إذا كنت تحتاج قوة تاعو غير لساعات محددة؟

كي تكون تخدم على Projet AI، Model، 3D Rendering ولا حتى معالجة كمية كبيرة من البيانات، تقدر تحتاج GPU قوية لساعات ولا أيام فقط لكن المشكل أن شراء Hardware مخصص لهاذ الخدمة يقدر يكلف ويستقاملكم بزاف، وفوق هذا الـGPU يبقى عندك حتى في الوقت لي ما تسحقوش وماراكش تستعمل فيه.

هنا تجي فكرة Pay As You Go عوض ما تستثمر في GPU وتتحمل تكلفة الـHardware كامل تستعمل قوة الحوسبة هاذي غير وقت تسحقها وتخلص حسب الاستعمال الفعلي تاعك (واش خدمت بيه برك لفترة معينة) هاذ النموذج راهو متوفر كذلك مع GPU as a Service من Icosnet، وين تقدر تستعمل موارد GPU مخصصة لمهام كيما AI، معالجة البيانات و3D Rendering بدون الحاجة باش تشري وتجهز Infrastructure كاملة من عندك.

تسمى تحتاج GPU اليوم برك؟ تكريه اليوم برك ما تسحقوش غدوة؟ ما راحش تخلص عليه ولا دينار

ولوكان يكون عندك إمكانية تستعمل GPU قوي وتخلص غير على الوقت لي استعملتو فيه واش راح يكون مجال أول Projet راح تجرب؟هل AI، 3D، Data Processing، ولا عندك فكرة أخرى؟

من بين الأجهزة اللي تقدروا تربحوها في مسابقة لي درناها مع GÉANT، كاينة هذي الثلاجة GRF-D500FI بسعة إجمالية 445 لتر، مقسمة بين 307 لتر لمساحة التبريد و132 لتر للمجمد، باش توفرلك مساحة كبيرة للتخزين والاستعمال اليومي.

الثلاجة تجي بتصنيف طاقة A+، ومستوى ضجيج ما يفوتش 42 ديسيبل، وزيد عليها ضمان 7 سنوات على الضاغط كومبريسور. والأهم أنها مصنّعة محليًا بنسبة إدماج عالية.

يعني إذا كنت ناوي تبدل الثلاجة تاع الدار، بالاك هذي تكون من نصيبك يوم 17 سبتمبر!

المسابقة مازالت مستمرة، وتقدروا تشاركو حتى 17 سبتمبر.طريقة المشاركة كاملة تلقاوها في الفيديو المثبت في الصفحة او ارواح لاول تعليق نعطيك الرابط !👇