Davra suhbatida atrof-muhit masalalari muhokama qilindi

O‘zbekiston Ekologik partiyasi Navoiy shahar Kengashi raisi tomonidan Navoiy viloyat Qon quyish stansiyasida faoliyat olib borayotgan ishchi-xodimlar ishtirokida davra suhbati tashkil etildi.

Davra suhbatida bugungi kunda atrof-muhitni asrash, aholi salomatligini mustahkamlash va ekologik madaniyatni yuksaltirish masalalari tobora dolzarb ahamiyat kasb etayotgani alohida ta’kidlandi.

Suhbat davomida ekologik toza muhit – inson salomatligining eng muhim omili ekani haqida fikr almashildi. Chiqindilarni saralash, tibbiy chiqindilarni belgilangan tartibda utilizatsiya qilish yuzasidan amaliy tavsiyalar berildi.

Davra suhbati yakunida atrof-muhitni muhofaza qilish borasida amalga oshirilayotgan islohotlar, jumladan, mamlakatimizda ekologik barqarorlikni ta’minlashga qaratilgan dasturlar haqida ham ma’lumot berildi.

✅Telegram|✅Facebook | 🌐Instagram |🌐 Web site | 📹You Tube

Tadbirkorlik va bandlik masalalariga e'tibor qaratildi

"Yagona Vatan, yagona xalq bo‘lib, yangi hayot va kelajak yaratamiz!" bosh g‘oyasi doirasida O‘zbekiston Ekologik partiyasi Qashqadaryo viloyat Kengashi raisi N. Halimov ishtirokida Shahrisabz tumanining "Mevazor" mahallasida o‘rganish va ochiq muloqot uchrashuvi tashkil etildi.

Uchrashuv davomida viloyat hamda tuman Kengashi raislari mahalla hududida faoliyat yuritayotgan "Dasturchi avlod Akademiyasi" MCHJda bo‘lib, korxona faoliyati bilan yaqindan tanishdilar.

Korxonada 650 kvadrat metr maydonda barpo etilgan ikki qavatli kasb-hunarga o‘qitish va inkubatsiya markazi faoliyat yuritmoqda. Mazkur maskanda tadbirkorlar tomonidan ishlab chiqarish va xizmat ko‘rsatish yo‘nalishlari yo‘lga qo‘yilgan bo‘lib, buning natijasida 200 ta yangi ish o‘rni yaratilgan.

Shuningdek, uchrashuv davomida mahalla aholisi bilan ochiq muloqot o‘tkazilib, fuqarolarning fikr-mulohazalari, taklif va tashabbuslari tinglandi. Ularni qiziqtirgan masalalar yuzasidan atroflicha tushuntirishlar berilib, tegishli takliflar bildirildi.

✅Telegram|✅Facebook | 🌐Instagram |🌐 Web site | 📹You Tube

Suvdan takroran foydalanish tizimlarini joriy etish holati o‘rganildi

Oʻzbekiston Ekologik partiyasi Xorazm viloyat Kengashi tomonidan Ekologiya inspektorlari bilan hamkorlikda Urganch, Shovot va Yangibozor tumanlaridagi transport vositalarini yuvish shoxobchalarida suvdan takroran foydalanish tizimini joriy etish holati yuzasidan jamoatchilik nazorati oʻtkazildi.

Monitoring davomida suvni tejash, oqova suvlarni qayta ishlatish tizimlari hamda ekologik talablarga rioya etilish holati oʻrganildi. Shoxobcha masʼullariga suv resurslaridan oqilona foydalanish va amaldagi ekologik qonunchilik talablariga rioya etish boʻyicha tavsiyalar berildi.

Mazkur jamoatchilik nazoratining asosiy maqsadi suv resurslarini asrash, atrof-muhitga salbiy taʼsirni kamaytirish hamda suvdan oqilona foydalanish madaniyatini keng targʻib etishdan iborat. Monitoring ishlari Xorazm viloyatining boshqa hududlarida ham izchil davom ettirilmoqda.

✅Telegram|✅Facebook | 🌐Instagram |🌐 Web site | 📹You Tube