Sirdaryoda rahbar va yoshlar uchrashuvi bo‘lib o‘tdi
 
O‘zbekiston Ekologik partiyasi Sirdaryo viloyat Kengashi tashabbusi bilan "Alisher Navoiy nomidagi Sirdaryo viloyati Axborot-kutubxona markazi"da “Rahbar va yoshlar” uchrashuvi tashkil etildi.
 
Mazkur uchrashuv yoshlar bilan ochiq muloqot o‘rnatish, ularning fikr va tashabbuslarini tinglash, qiziqishlarini qo‘llab-quvvatlash hamda ekologik yo‘nalishdagi faoliyatini yanada rivojlantirishga qaratildi.
 

Uchrashuv doirasida yoshlar ishtirokida qiziqarli viktorinalar tashkil etilib, ularning bilim va salohiyati sinovdan o‘tkazildi. Samimiy va ochiq muloqot ruhida kechgan tadbirda yoshlar o‘zlarini qiziqtirgan savollar bilan rahbarga murojaat qilib, fikr-mulohazalari va takliflarini bildirdilar. Bildirilgan takliflar tinglanib, yoshlar tashabbuslarini qo‘llab-quvvatlash masalalariga alohida e’tibor qaratildi.
 
Shuningdek, uchrashuv davomida yoshlarning jamiyat hayotidagi faolligini oshirish, ularning ijodiy va intellektual salohiyatini ro‘yobga chiqarish, ekologik madaniyatini yuksaltirish hamda tabiatni muhofaza qilish borasidagi tashabbuslarini rag‘batlantirishning ahamiyati ta’kidlandi.

 
Tadbir yakunida “Tabiat uchun birlashaylik” shiori ostida o‘tkazilgan “Ko‘ngil ekologiyasi” yosh rassomlar forumi hamda “Ekozakovat” intellektual turnirida faol ishtirok etgan, shuningdek, mazkur tadbirlarni tashkil etishda amaliy yordam ko‘rsatgan yoshlar O‘zbekiston Ekologik partiyasi Sirdaryo viloyat Kengashining tashakkurnomalari va esdalik sovg‘alari bilan taqdirlandi.
 
✅Telegram|✅Facebook | 🌐Instagram |🌐 Web site | 📹You Tube

Yosh rassomlar nigohida ekologiya

O‘zbekiston Ekologik partiyasi Sirdaryo viloyat Kengashi tashabbusi bilan “Tabiat uchun birlashaylik!” shiori ostida “Ko‘ngil ekologiyasi” yosh rassomlar forumi tashkil etildi.

Forum doirasida iqtidorli yosh rassomlar o‘zlarining ijodiy ishlari orqali tabiat go‘zalligi, ona zamin musaffoligi, yashil olamni asrash hamda ekologik muammolarga e’tibor qaratish kabi mavzularni ranglar va tasvirlar orqali ifoda etdilar.

“Ko‘ngil ekologiyasi” forumi yoshlarning ijodiy salohiyatini ro‘yobga chiqarish bilan birga, san’at orqali ekologik muammolarni keng jamoatchilikka yetkazish, tabiatni asrashga bo‘lgan mas’uliyatni oshirish va ekologik tashabbuslarni yanada ommalashtirishda alohida ahamiyatga ega.

✅Telegram|✅Facebook | 🌐Instagram |🌐 Web site | 📹You Tube

Ekologik barqarorlikni ta’minlashda yoshlar ishtiroki

O‘zbekiston Ekologik partiyasi Farg‘ona viloyati Kengashi tomonidan Farg‘ona davlat universiteti Tarix fakultetida talaba-yoshlar ishtirokida "Yoshlar bilan uchrashuv" tashkil etildi.

Uchrashuv davomida bugungi kunda ekologik xavfsizlikni ta’minlash, tabiiy resurslardan oqilona foydalanish, yashil hududlarni kengaytirish va ekologik muammolarning oldini olish masalalari yuzasidan fikr almashildi. Shuningdek, yoshlarning ekologik tashabbuslari va jamiyatda ekologik madaniyatni shakllantirishdagi o‘rni haqida batafsil so‘z yuritildi.

 
Uchrashuvda talaba-yoshlarga “Yashil makon” umummilliy loyihasining ahamiyati, daraxt ekish va ularni parvarishlash, chiqindilarni to‘g‘ri boshqarish, suv va energiya resurslaridan tejamkor foydalanish hamda ekologik toza turmush tarzining afzalliklari haqida tushunchalar berildi.

✅Telegram|✅Facebook | 🌐Instagram |🌐 Web site | 📹You Tube