Qat'iyat va mehnatsevarlik namunasi

Sho‘manoy tumani "Monshaqli" MFY, Kunxo‘ja ko‘chasida istiqomat qiluvchi Lizaxon Allaniyazovaning xonadonida ham bo‘ldik.

Xonadonga qadam qo‘yishimiz bilan undagi fayz, ozodalik va tartib-intizom yaqqol namoyon bo‘ldi. Har bir qarich yerning oqilona foydalanilgani, mehnat va ixlos bilan yaratilgan obod muhit insonni quvontiradi.

II guruh nogironligi bo‘lishiga qaramay, Lizaxon Allaniyazova tomorqa yerlaridan unumli foydalanib, xonadonini namunali, obod va saranjom holatda saqlab kelayotgani alohida e’tirofga sazovor. Uning hayotga bo‘lgan qat’iyati, mehnatsevarligi va bunyodkorlikka intilishi ko‘plab oilalar uchun ibrat bo‘la oladi.

Bunday namunali xonadonlar mahallalarda obodonlashtirish madaniyatini yuksaltirish, tomorqadan samarali foydalanish va oilaviy farovonlikni mustahkamlashda muhim o‘rnak bo‘ladi. Fidoyi, mehnatkash va matonatli onalarimizning sa’y-harakatlarini e’tirof etish, ularning hayotiy tajribasini keng targ‘ib qilish esa jamiyatimizda mehnat va bunyodkorlik qadriyatlarini yanada mustahkamlaydi.

✅Telegram|✅Facebook | 🌐Instagram | 📹You Tube

Suv ta’minoti masalasi deputat nazoratida

Xalq vakillarining asosiy vazifasi — aholi murojaatlarini shunchaki tinglash emas, balki ularning zamiridagi muammolarni aniqlab, ularga amaliy yechim topishdan iborat.

Oliy Majlis Qonunchilik palatasi deputati Oybek Raximov Jondor tumanidagi "Dalmunobod" mahallasi fuqarolari bilan o‘tkazilgan uchrashuvda muammoli masalalarning asl mohiyatini joyida o‘rganishni maqsad qilganini ta’kidlagandi. Shu bois uchrashuvdan so‘ng ular bevosita hududdagi suv nasosi joylashgan obyektga borib, vaziyatni atroflicha ko‘zdan kechirdilar.

O‘rganishlar davomida aholi tomonidan bildirilgan murojaat va e’tirozlar asosli ekani o‘z tasdig‘ini topdi. Texnik ko‘rik natijalariga ko‘ra, suv agregati uzoq yillar davomida uzluksiz foydalanilgani sababli uning asosiy hamda yordamchi qismlari sezilarli darajada eskirgani aniqlandi. Shuningdek, uskunani kapital ta’mirlash zarurati mavjudligi ma’lum bo‘ldi.

Bundan tashqari, nasosning elektr energiyasi ta’minoti, uning balansda saqlanishi hamda elektr energiyasi uchun to‘lovlarni amalga oshirish bilan bog‘liq masalalar ham mavjudligi qayd etildi. Ushbu muammolarni bartaraf etish yuzasidan mutasaddi tashkilotlar ishtirokida aniq chora-tadbirlar ishlab chiqish va ijrosini ta’minlash lozimligi ta’kidlandi.

✅Telegram|✅Facebook | 🌐Instagram |🌐 Web site | 📹You Tube

Bo‘sh turgan obyektlardan samarali foydalanish bo‘yicha tavsiyalar berildi

Oliy Majlis Qonunchilik palatasidagi O‘zbekiston Ekologik partiyasi fraksiyasi rahbari Abdushukur Xamzayev hamda Oliy Majlis Qonunchilik palatasi deputati Sapargul Utemuratova Sho‘manoy tumanida o‘tkazilgan o‘rganishlari davomida ayni paytda bo‘sh turgan o‘quvchilar turar joyi binosini o‘rgandi. Obyektning bugungi holati yuzasidan tuman mutasaddilari bilan atroflicha muhokama o‘tkazildi.

Suhbat chog‘ida bunday bo‘sh turgan obyektlardan samarali va maqsadli foydalanish, ularning atrofini obodonlashtirish, hududdagi ariq-zovurlarni muntazam tozalash hamda mavjud daraxtlarni parvarishlash ishlariga alohida e’tibor qaratish zarurligi ta’kidlandi.

Shuningdek, mazkur obyektlarning sanitariya holatini yaxshilash va ulardan oqilona foydalanish yuzasidan tegishli vazifalar belgilab olindi.

✅Telegram|✅Facebook | 🌐Instagram |🌐 Web site | 📹You Tube

Hamkorlik va ustuvor vazifalar muhokama qilindi

Oliy Majlis Qonunchilik palatasi deputati, O‘zbekiston Ekologik partiyasi fraksiyasi a’zosi Baxtiyor Po'latov O'zbekiston Ekologik partiyasi Xorazm viloyat Kengashi vakillari bilan uchrashuv o'tkazdi.

Uchrashuv davomida partiyaning saylovoldi dasturida belgilangan ustuvor vazifalar ijrosi, hududlarda ekologik tashabbuslarni kengaytirish hamda "Yashil texnikumlar" bilan hamkorlikni yanada mustahkamlash masalalari muhokama qilindi.

Shuningdek, ekologik ta'lim va tarbiya yo'nalishidagi amaliy loyihalarni samarali tashkil etish, yoshlarni ekologik madaniyat ruhida tarbiyalash hamda o'zaro hamkorlikni yangi bosqichga olib chiqishga qaratilgan taklif va tavsiyalar bildirildi.

Uchrashuv yakunida belgilangan vazifalarni izchil amalga oshirish yuzasidan hamkorlikni yanada kuchaytirish bo'yicha kelishuvlarga erishildi.

✅Telegram|✅Facebook | 🌐Instagram |🌐 Web site | 📹You Tube