Pop va Chust tumanlaridagi chiqindi poligonlari o‘rganildi

Oʻzbekiston Ekologik partiyasi Namangan viloyat Kengashi raisi Muzaffar Xudoyberdiyev, Chiqindi poligonlarini boshqarish direksiyasi DM Namangan viloyat hududiy boshqarmasi rahbari Ravshanbek Rahimov, mahalliy Kengash deputatlari va boshqa masʼullar ishtirokida Pop va Chust tumanlaridagi chiqindi poligonlarida o‘rganish ishlari olib borildi.

O‘rganish davomida poligonlarning faoliyati, yer maydonlaridan samarali foydalanish, rekultivatsiya ishlari, chiqindilarni tartibli joylashtirish, sanitariya holati hamda ekologik xavfsizlikni ta’minlash bo‘yicha amalga oshirilayotgan ishlar ko‘zdan kechirildi.

Shuningdek, chiqindilarni boshqarish tizimini yanada takomillashtirish, ekologik talablar asosida faoliyatni samarali tashkil etish hamda mavjud ishlarni yanada yaxshilash yuzasidan mas’ullar bilan fikr almashilib, tegishli tavsiyalar berildi.

✅Telegram|✅Facebook | 🌐Instagram |🌐 Web site | 📹You Tube

Bolalar uchun yaratilgan sharoitlar deputat nazoratida

Oliy Majlis Qonunchilik palatasi deputati Olga Litvinova Toshkent shahridagi 426-sonli maktabgacha ta’lim tashkilotida o'rganish olib bordi.

O'rganish davomida muassasa faoliyati, bolalar uchun yaratilgan sharoitlar, ta’lim-tarbiya jarayoni, tibbiy xizmat, ovqatlantirish tizimi, jismoniy va ekologik tarbiya yo‘nalishlari bilan yaqindan tanishildi. Tashkiloti rahbari bog‘chaning faoliyati haqida batafsil ma’lumot berib o'tdi.

1968-yilda qurilgan mazkur maktabgacha ta’lim tashkiloti 2019-yilda Davlat budjeti mablag‘lari hisobidan mukammal ta’mirlangan. Zamonaviy sayr ayvonchalari esa muassasaning maxsus hisob-raqami mablag‘lari hamda ota-onalar ko‘magida barpo etilgan.

Bugungi kunda muassasada 373 nafar tarbiyalanuvchi ta’lim-tarbiya olmoqda. Bog‘cha malakali mutaxassislar bilan to‘liq ta’minlangan. Muassasada bolalar salomatligini mustahkamlashga alohida e’tibor qaratilgan.

Shuningdek, ekologik tarbiyaga ham alohida e’tibor qaratilgan. Muassasada tashkil etilgan tirik tabiat burchagida bolalar hayvonlarga g‘amxo‘rlik qilish, tabiatni asrash va atrof-muhitga ehtiyotkorona munosabatda bo‘lishni amaliy tarzda o‘rganmoqda.

“Yashil makon” umummilliy loyihasi doirasida kuz mavsumida muassasa hududida kichik issiqxonaga ega yashil hudud tashkil etish rejalashtirilgan.

✅Telegram|✅Facebook | 🌐Instagram |🌐 Web site | 📹You Tube

Ekologik barqarorlikka qaratilgan islohotlar e’tirof etildi

Mustaqilligimizning 35 yilligi munosabati bilan “Yagona Vatan, yagona xalq bo‘lib, yangi hayot va kelajak yaratamiz!” shiori ostida yurtimiz bo‘ylab turli tadbirlar ko‘taringki ruhda davom etmoqda.

Shu munosabat bilan O‘zbekiston Ekologik partiyasi Buxoro viloyat Kengashi hamda Buxoro davlat texnika universiteti hamkorligida partiya faollari, talaba yoshlar, pedagoglar va jamoatchilik vakillari ishtirokida "Yangi O‘zbekiston — ma’rifatli jamiyat" mavzusida tadbir o‘tkazildi.

Tadbirda el-yurt hurmatini qozongan keksa nuroniylar tomonidan mamlakatimizda 35 yil davomida amalga oshirilgan keng ko‘lamli bunyodkorlik ishlari, shuningdek, xalqimiz farovonligini ta’minlash borasida amalga oshirilayotgan islohotlar haqida to‘xtalib o‘tildi. O‘zaro muloqotlar davomida barcha jabhalarda jadal suratlarda rivojlanib borayotgan Yangi O‘zbekistonning dunyo hamjamiyati oldidagi nufuzi hamda taraqqiyot strategiyasining mazmun-mohiyati yuzasidan fikr almashildi.

Tadbir so‘ngida ishtirokchilarga istiqlol yillarida, ayniqsa so‘nggi o‘n yillikda mamlakatimizning ijtimoiy-iqtisodiy rivojlanish darajasi, ekologik barqarorlikni ta’minlash borasidagi amaliy loyihalari yuzasidan ham ma’lumotlar berildi.

✅Telegram|✅Facebook | 🌐Instagram |🌐 Web site | 📹You Tube