Universitetdagi qurilish va ta’mirlash ishlari o‘rganildi
 
O‘zbekiston Ekologik partiyasi Farg‘ona viloyat Kengashi raisi, Xalq deputatlari Farg‘ona viloyat Kengashi deputati Rustambek Tojiyev boshchiligida Farg‘ona davlat texnika universitetida 2026–2027-o‘quv yiliga tayyorgarlik ishlari o‘rganildi.

O'rganish davomida fakultetlarda olib borilayotgan qurilish-ta’mirlash ishlari, o‘quv auditoriyalari, zamonaviy laboratoriyalar, amaliy mashg‘ulot xonalari, mavjud moddiy-texnik baza hamda professor-o‘qituvchilar va talabalar uchun yaratilayotgan shart-sharoitlar batafsil ko‘zdan kechirildi.

Aniqlangan ayrim muammo va kamchiliklarni qisqa muddatlarda bartaraf etish, mavjud imkoniyatlardan samarali foydalanish hamda yangi o‘quv yiliga tayyorgarlik ishlarini belgilangan muddatlarda to‘liq yakunlash yuzasidan tegishli mas’ullarga aniq topshiriq, amaliy ko‘rsatmalar berildi.

✅Telegram|✅Facebook | 🌐Instagram |🌐 Web site | 📹You Tube

Davra suhbatida atrof-muhit masalalari muhokama qilindi

O‘zbekiston Ekologik partiyasi Navoiy shahar Kengashi raisi tomonidan Navoiy viloyat Qon quyish stansiyasida faoliyat olib borayotgan ishchi-xodimlar ishtirokida davra suhbati tashkil etildi.

Davra suhbatida bugungi kunda atrof-muhitni asrash, aholi salomatligini mustahkamlash va ekologik madaniyatni yuksaltirish masalalari tobora dolzarb ahamiyat kasb etayotgani alohida ta’kidlandi.

Suhbat davomida ekologik toza muhit – inson salomatligining eng muhim omili ekani haqida fikr almashildi. Chiqindilarni saralash, tibbiy chiqindilarni belgilangan tartibda utilizatsiya qilish yuzasidan amaliy tavsiyalar berildi.

Davra suhbati yakunida atrof-muhitni muhofaza qilish borasida amalga oshirilayotgan islohotlar, jumladan, mamlakatimizda ekologik barqarorlikni ta’minlashga qaratilgan dasturlar haqida ham ma’lumot berildi.

✅Telegram|✅Facebook | 🌐Instagram |🌐 Web site | 📹You Tube

Tadbirkorlik va bandlik masalalariga e'tibor qaratildi

"Yagona Vatan, yagona xalq bo‘lib, yangi hayot va kelajak yaratamiz!" bosh g‘oyasi doirasida O‘zbekiston Ekologik partiyasi Qashqadaryo viloyat Kengashi raisi N. Halimov ishtirokida Shahrisabz tumanining "Mevazor" mahallasida o‘rganish va ochiq muloqot uchrashuvi tashkil etildi.

Uchrashuv davomida viloyat hamda tuman Kengashi raislari mahalla hududida faoliyat yuritayotgan "Dasturchi avlod Akademiyasi" MCHJda bo‘lib, korxona faoliyati bilan yaqindan tanishdilar.

Korxonada 650 kvadrat metr maydonda barpo etilgan ikki qavatli kasb-hunarga o‘qitish va inkubatsiya markazi faoliyat yuritmoqda. Mazkur maskanda tadbirkorlar tomonidan ishlab chiqarish va xizmat ko‘rsatish yo‘nalishlari yo‘lga qo‘yilgan bo‘lib, buning natijasida 200 ta yangi ish o‘rni yaratilgan.

Shuningdek, uchrashuv davomida mahalla aholisi bilan ochiq muloqot o‘tkazilib, fuqarolarning fikr-mulohazalari, taklif va tashabbuslari tinglandi. Ularni qiziqtirgan masalalar yuzasidan atroflicha tushuntirishlar berilib, tegishli takliflar bildirildi.

✅Telegram|✅Facebook | 🌐Instagram |🌐 Web site | 📹You Tube