🔴#Live
#Deputatlar_forumi

Ekologik masalalar va jamoatchilik nazorati muhokama qilindi

Forumda Oliy Majlis Qonunchilik palatasidagi O‘zbekiston Ekologik partiyasi fraksiyasi rahbari, partiya Markaziy Kengashi raisi Abdushukur Hamzayev, Oliy Majlis Qonunchilik palatasi deputatlari Farg‘ona viloyati, tuman va shahar Kengashlariga partiyadan saylangan deputatlar, partiya faollari, soha mutaxassislari hamda mahalla vakillari ishtirok etmoqda.

Tadbirda so'zga chiqqan partiya Markaziy Kengashi raisi Abdushukur Hamzayev mahalliy Kengashlarning hududlarni rivojlantirish, aholi muammolarini o‘rganish, ekologik barqarorlikni ta’minlash hamda jamoatchilik nazoratini kuchaytirishdagi o‘rni tobora ortib borayotganini ta’kidladi.

Tadbir davomida deputatlarning aholi bilan bevosita muloqotini kengaytirish, deputatlik va jamoatchilik nazorati samaradorligini oshirish, hududlardagi ekologik muammolarni mas’ul tashkilotlar bilan hamkorlikda hal etish hamda partiya saylovoldi dasturida belgilangan vazifalar ijrosini ta’minlash masalalari muhokama qilindi.

✅Telegram|✅Facebook | 🌐Instagram |🌐 Web site | 📹You Tube

🔴 #Live
#Deputatlar_forumi

Deputatlar faoliyatida amaliy natijadorlik va aholi bilan muloqot kuchaymoqda

Forumda Farg‘ona viloyatidagi mahalliy Kengash deputatlari faoliyatining 2025-yil va 2026-yilning 7 oylik natijalari qiyosiy tahlil qilindi.

🔴 Raqamlar deputatlarning aholi bilan ishlash faolligi sezilarli oshganini ko‘rsatmoqda.

🔹 Aholi bilan uchrashuvlar 2025-yildagi 57 tadan 2026-yilning 7 oyida 388 taga yetdi. Bu qariyb 6,8 baravar o‘sish demakdir.
🔹 Fuqarolar murojaatlari 2025-yilda 12 tani tashkil etgan bo‘lsa, 2026-yilning 7 oyida 329 taga yetib, qariyb 27 baravar ko‘paydi.
🔹 Deputatlik nazorati doirasida 2025-yilda 33 ta deputatlik so‘rovi yuborilgan bo‘lsa, 2026-yilning dastlabki 7 oyidayoq 31 ta so‘rov kiritildi.

Ushbu ko‘rsatkichlar mahalliy Kengash deputatlarining aholi bilan bevosita muloqoti kengayib, murojaatlarni o‘rganish va hududlardagi muammolarni deputatlik nazorati orqali hal etishga qaratilgan faoliyati yanada jadallashayotganini ko‘rsatmoqda.

✅Telegram|✅Facebook | 🌐Instagram |🌐 Web site | 📹You Tube

🔴 #Live
#Deputatlar_forumi

Ekologik qonunchilik va deputatlik faoliyatida yangi yondashuvlar

Forum doirasidagi muhokamalar mavjud ekologik muammolarni tahlil qilish, ularning amaliy yechimlarini belgilash, ilg‘or tajribalarni ommalashtirish va deputatlar faoliyati samaradorligini oshirishga qaratildi.

Shuningdek, ekologik qonunchilikdagi yangi yondashuvlar, hududlardagi dolzarb ekologik muammolar va ularning yechimlariga bag‘ishlangan ma’ruzalar tinglandi. Farg‘ona viloyati, Farg‘ona shahri va Qo‘shtepa tumani Kengashlari deputatlari o‘z faoliyatidagi amaliy tajriba, erishilgan natijalar hamda takliflari bilan o‘rtoqlashdilar.

Forum yakunida hududlarda samarali deputatlik faoliyatini olib borayotgan 10 nafar deputat “Eng faol deputat” nominatsiyasi bo‘yicha O‘zbekiston Ekologik partiyasining tashakkurnomasi bilan taqdirlandi.

✅Telegram|✅Facebook | 🌐Instagram |🌐 Web site | 📹You Tube

🔴 #Live
#Deputatlar_forumi

Forum ishtirokchilari Karkidon suv omboridagi ilg‘or ekologik tajribalar bilan tanishdilar

Forumning amaliy qismi doirasida ishtirokchilar Quva tumanidagi Karkidon suv ombori faoliyati bilan yaqindan tanishdilar.

Jarayon davomida suv ombori hududida ekilgan noyob daraxt va gul ko‘chatlarini parvarishlash, “Yashil makon” umummilliy loyihasi doirasida amalga oshirilgan ko‘kalamzorlashtirish ishlari, quyosh panellaridan foydalanish va tomchilatib sug‘orish tizimining amaliy samaradorligi ko‘zdan kechirildi.

Shuningdek, hududda 100 gektardan ortiq maydonda barpo etilgan uzumzorlar bilan tanishilib, tabiiy resurslardan oqilona foydalanish, suvni tejovchi texnologiyalarni joriy etish va yashil hududlarni kengaytirish borasidagi tajribalar o‘rganildi.

✅Telegram|✅Facebook | 🌐Instagram |🌐 Web site | 📹You Tube

🔴 #Live
#Deputatlar_forumi

Yoshlar bandligi va tadbirkorlik tashabbuslari qo‘llab-quvvatlanmoqda

Oliy Majlis Qonunchilik palatasidagi O‘zbekiston Ekologik partiyasi fraksiyasi rahbari, partiya Markaziy Kengashi raisi Abdushukur Hamzayev Quva tumanidagi “Yangi Quva” mahalla fuqarolar yig‘inida bo‘lib, “mahalla yettiligi” faoliyati bilan yaqindan tanishdi.

Mahalla faollari, nuroniylar va aholi vakillari bilan o‘tkazilgan ochiq muloqot davomida hududdagi ijtimoiy, maishiy va ekologik muammolar, aholi murojaatlari hamda ularning yechimi bo‘yicha olib borilayotgan ishlar muhokama qilindi.

Shuningdek, mahalla hokimi yordamchisi tomonidan tadbirkorlikka qiziqishi bo‘lgan fuqarolarga bank kreditlarini olishda ko‘maklashish, ularning biznes tashabbuslarini qo‘llab-quvvatlash va tadbirkorlik faoliyatini yo‘lga qo‘yish borasida amalga oshirilayotgan ishlar haqida ma’lumot berildi.

Muloqot davomida mahalliy Kengash deputati tomonidan kasb-hunar o‘rganayotgan yoshlarning keyingi faoliyatini yo‘lga qo‘yish, ularning bandligini ta'minlash va o‘z yo‘nalishida faoliyat boshlashiga yaqindan ko‘maklashish bo‘yicha “mahalla yettiligi”ga taklif bildirildi.

Ishtirokchilar mahalladagi ayrim xonadonlarda ham bo‘lib, oilalar bandligini ta’minlash, tomorqadan samarali foydalanish, hududni obodonlashtirish va aholi farovonligini oshirishga qaratilgan amaliy ishlar bilan tanishdilar.

Shu bilan birga, mustaqilligimizning 35 yilligini munosib kutib olish bo‘yicha mahallada olib borilayotgan tayyorgarlik ishlari ham ko‘zdan kechirildi. Abdushukur Hamzayev bayramni yuqori saviyada, ko‘tarinki kayfiyatda o‘tkazish, mahallada obodlik va hamjihatlik muhitini yanada mustahkamlash yuzasidan o‘z tavsiyalarini bildirdi.

✅Telegram|✅Facebook | 🌐Instagram |🌐 Web site | 📹You Tube