Ekologik madaniyat atrof-muhit muhofazasining eng muhim va uzoq muddatli omillaridan biridir

Bugungi yalpi majlisda Ekologiya va iqlim o‘zgarishi milliy qo‘mitasi raisining “2030 yilgacha bo‘lgan davrda aholining ekologik madaniyatini yuksaltirish konsepsiyasi ijrosini ta’minlash bo‘yicha amalga oshirilayotgan ishlar to‘g‘risida”gi parlament so‘roviga javobi ko‘rib chiqildi.

📌Mazkur so‘rov O‘zbekiston Ekologik partiyasi fraksiyasi hamda Ekologiya va atrof-muhitni muhofaza qilish masalalari qo‘mitasi tashabbusi bilan yuborilgan bo‘lib, ekologik madaniyatni yuksaltirish atrof-muhit muhofazasini ta’minlashning eng muhim va uzoq muddatli omillaridan biri hisoblanadi.

Taqdim etilgan ma’lumotlardan ko‘rinib turibdiki, bugungi kunda ekologik ta’lim va tarbiyani maktabgacha ta’limdan boshlab kasbiy va oliy ta’lim bosqichlarigacha izchil joriy etish borasida muayyan tizim shakllanmoqda. Qariyb 7000 ta maktabgacha ta’lim tashkilotida 1,6 milliondan ortiq bolalarni ekologik tarbiya bilan qamrab olish, oliy va kasbiy ta’limda maxsus ekologik fanlarni joriy etish, 200 dan ziyod oliy ta’lim muassasalarini qamrab olgan “O‘zbekiston ekovolontyor talabalar harakati”ni tashkil etish kelgusi avlodning tabiatga mas’uliyatli munosabatini shakllantirishda muhim qadamdir.

Ayni paytda ekologik madaniyat faqat ta’lim muassasalari doirasida qolib ketmasligi lozim. 4500 dan ziyod mahallada “Mahallani chiqindidan xoli hududga aylantiramiz” aksiyalarining o‘tkazilishi, ommaviy axborot vositalari orqali ekologik targ‘ibotning kengayishi ijobiy natija. Biroq bunday tashabbuslar aholining kundalik turmush tarzi va ekologik xulq-atvorida aniq o‘zgarishlarga olib kelishi, chiqindiga, suv va energiya resurslariga, yashil hududlar va hayvonot dunyosiga munosabatda amaliy natija berishi kerak.

2030-yilgacha aholining ekologik madaniyatini yuksaltirish bo‘yicha belgilangan vazifalarning to‘liq va sifatli ijrosini ta’minlashda O‘zbekiston Ekologik partiyasi fraksiyasi parlament nazorati mexanizmlaridan samarali foydalangan holda parlament va jamoatchilik nazoratini olib boradi.

✅Telegram|✅Facebook | 🌐Instagram | 📹You Tube

Kanallarni betonlashtirilishi natijasida 500 million kub metr suv isrofining oldini olinadi.

✅Telegram|✅Facebook | 🌐Instagram |🌐 Web site | 📹You Tube

#Iqtibos

"Yashil iqtisodiyotga o‘tish — biz uchun tanlov emas, balki zaruratdir."

Shavkat Mirziyoyev

✅Telegram|✅Facebook | 🌐Instagram |🌐 Web site | 📹You Tube

#Eko_statistika

Bioxilma-xillikning yo‘qolishi davlatlar moliyasiga ham zarba berishi mumkin
 
Tabiatni asrash faqat o‘simlik va hayvonlarni himoya qilish masalasi emas. Yangi tadqiqotlar sog‘lom tabiat mamlakat iqtisodiyoti va hatto davlatning xalqaro moliyaviy obro‘siga ham bevosita ta’sir qilishini ko‘rsatmoqda.
 

2026-yil 5-iyun kuni Nature Ecology & Evolution jurnalida chop etilgan xalqaro tadqiqotda olimlar bioxilma-xillikning kamayishi davlatlarning kredit reytingi, qarz olish imkoniyati va qarzlar bo‘yicha to‘laydigan foizlariga qanday ta’sir qilishi mumkinligini o‘rgandi. Tadqiqot 23 ta mamlakatni qamrab olgan bo‘lib, ularda jami qariyb 5,5 milliard kishi yashaydi.

 
Batafsil: 👉 https://ecouz.uz/news/902

✅Telegram|✅Facebook | 🌐Instagram |🌐 Web site | 📹You Tube