Mahalla obodligi — aholi farovonligining muhim omili

O‘zbekiston Ekologik partiyasi Buxoro viloyat Kengashi raisi o‘rinbosari, Xalq deputatlari Buxoro viloyat Kengashi deputati J.Sharipov "Mahallada obodlik va mehr-saxovat oyligi" doirasida G'ijduvon tumanidagi "Sayidkent" MFYda bo‘lib, hududda amalga oshirilayotgan obodonlashtirish va bunyodkorlik ishlari bilan yaqindan tanishdi.

O‘rganish davomida mahalla ko‘chalarini ko‘kalamzorlashtirish, mavjud daraxt va butalarni parvarishlash, sanitariya holatini yanada yaxshilash, hududni ozoda saqlash borasida amalga oshirilayotgan ishlar atroflicha ko‘zdan kechirildi. Shuningdek, mahalla ichki yo‘llari hamda jamoat joylarida olib borilayotgan ishlar o‘rganildi.

Bundan tashqari, mahalla aholisining xonadonlarida bo'lib, fuqarolar bilan manzilli muloqotlar o‘tkazildi. Muloqotlar davomida aholini qiynayotgan muammolar, taklif va tashabbuslar tinglanib, ularni hal etish yuzasidan tegishli tavsiyalar berildi.

✅Telegram|✅Facebook | 🌐Instagram |🌐 Web site | 📹You Tube

350 yoshli oq tut daraxti davlat tabiat yodgorligi sifatida muhofazaga olinadi

Yakkasaroy tumanidagi 350 yoshli oq tut daraxti davlat tabiat yodgorligi sifatida muhofazaga olinadigan bo‘lib, uning atrofidagi hududni obodonlashtirish bo‘yicha amalga oshirilishi lozim bo‘lgan ishlar belgilab olindi.

Batafsil: 👉 https://ecouz.uz/news/903

✅Telegram|✅Facebook | 🌐Instagram |🌐 Web site | 📹You Tube

“Mahallada obodlik va mehr-saxovat oyligi” doirasida targ‘ibot ishlari olib borilmoqda

Mustaqilligimizning 35 yilligi hamda “Mahallada obodlik va mehr-saxovat oyligi” doirasida Uychi tumanida hududlarni obodonlashtirish, ko‘kalamzorlashtirish va sanitariya-tozalik ishlariga alohida e’tibor qaratilmoqda.

Temir yo‘l bo‘yidagi hududlarda xonadonlar atrofi tartibga keltirilib, daraxtlarni oqlash, devor va darvozalarni ta’mirlash, yashil maydonlarni obodonlashtirish ishlari amalga oshirilmoqda.

O‘zbekiston Ekologik partiyasi Uychi tuman Kengashi raisi, mahalla nuroniylari, xotin-qizlar faollari va jamoatchilik vakillari ishtirokida aholi o‘rtasida pokizalik, obodlik va hamjihatlik g‘oyalari targ‘ib qilinmoqda.

✅Telegram|✅Facebook | 🌐Instagram |🌐 Web site | 📹You Tube

Melioratsiya obyektlaridagi qurilish ishlari jamoatchilik nazoratida

O‘zbekiston Ekologik partiyasi Andijon viloyat Kengashi tomonidan hamkor tashkilotlar ishtirokida Baliqchi va Bo‘ston tumanlarini bog‘lovchi avtomobil yo‘lining markaziy hamda ichki ko‘chalari bo‘yida olib borilayotgan ariqlarni betonlashtirish ishlari yuzasidan jamoatchilik nazorati o‘tkazildi.

Nazorat tadbiri davomida Norin–Qoradaryo irrigatsiya tizimlari havza boshqarmasining 2026-yilga mo‘ljallangan amaliy tadbirlar rejasida belgilangan “Melioratsiya obyektlarini qurish va rekonstruksiya qilish ishlari hisobiga yer unumdorligini oshirish” vazifalari ijrosi o‘rganildi. Xususan, betonlashtirish ishlarining sifati, loyiha talablariga muvofiqligi hamda bajarilayotgan ishlarning borishi joyiga chiqib ko‘zdan kechirildi.

Jamoatchilik nazorati yakunida aniqlangan holatlar yuzasidan mas’ul tashkilotlar vakillari bilan fikr almashilib, amalga oshirilayotgan ishlar sifatini yanada oshirish hamda belgilangan vazifalarning o‘z vaqtida va sifatli bajarilishini ta’minlash bo‘yicha tegishli tavsiyalar berildi.

✅Telegram|✅Facebook | 🌐Instagram |🌐 Web site | 📹You Tube

🔴#Live

Mamlakatimizda ekologik barqarorlikni ta’minlashda parlamentning roli

Ayni daqiqalarda Oliy Majlis Qonunchilik palatasidagi O‘zbekiston Ekologik partiyasi fraksiyasi tomonidan Vatanimiz mustaqilligining 35 yilligiga bag‘ishlab “Mamlakatimizda ekologik barqarorlikni ta’minlashda parlamentning roli” mavzusida ilmiy-amaliy konferensiya bo‘lib o‘tmoqda.

Konferensiya doirasida mamlakatimizda ekologik sohada amalga oshirilayotgan keng ko‘lamli islohotlar, ularning samarali natijalari, shuningdek, sohani yanada rivojlantirishga qaratilgan istiqboldagi vazifalar atroflicha muhokama qilinmoqda.

✅Telegram|✅Facebook | 🌐Instagram |🌐 Web site | 📹You Tube