Melioratsiya obyektlaridagi qurilish ishlari jamoatchilik nazoratida

O‘zbekiston Ekologik partiyasi Andijon viloyat Kengashi tomonidan hamkor tashkilotlar ishtirokida Baliqchi va Bo‘ston tumanlarini bog‘lovchi avtomobil yo‘lining markaziy hamda ichki ko‘chalari bo‘yida olib borilayotgan ariqlarni betonlashtirish ishlari yuzasidan jamoatchilik nazorati o‘tkazildi.

Nazorat tadbiri davomida Norin–Qoradaryo irrigatsiya tizimlari havza boshqarmasining 2026-yilga mo‘ljallangan amaliy tadbirlar rejasida belgilangan “Melioratsiya obyektlarini qurish va rekonstruksiya qilish ishlari hisobiga yer unumdorligini oshirish” vazifalari ijrosi o‘rganildi. Xususan, betonlashtirish ishlarining sifati, loyiha talablariga muvofiqligi hamda bajarilayotgan ishlarning borishi joyiga chiqib ko‘zdan kechirildi.

Jamoatchilik nazorati yakunida aniqlangan holatlar yuzasidan mas’ul tashkilotlar vakillari bilan fikr almashilib, amalga oshirilayotgan ishlar sifatini yanada oshirish hamda belgilangan vazifalarning o‘z vaqtida va sifatli bajarilishini ta’minlash bo‘yicha tegishli tavsiyalar berildi.

✅Telegram|✅Facebook | 🌐Instagram |🌐 Web site | 📹You Tube

🔴#Live

Mamlakatimizda ekologik barqarorlikni ta’minlashda parlamentning roli

Ayni daqiqalarda Oliy Majlis Qonunchilik palatasidagi O‘zbekiston Ekologik partiyasi fraksiyasi tomonidan Vatanimiz mustaqilligining 35 yilligiga bag‘ishlab “Mamlakatimizda ekologik barqarorlikni ta’minlashda parlamentning roli” mavzusida ilmiy-amaliy konferensiya bo‘lib o‘tmoqda.

Konferensiya doirasida mamlakatimizda ekologik sohada amalga oshirilayotgan keng ko‘lamli islohotlar, ularning samarali natijalari, shuningdek, sohani yanada rivojlantirishga qaratilgan istiqboldagi vazifalar atroflicha muhokama qilinmoqda.

✅Telegram|✅Facebook | 🌐Instagram |🌐 Web site | 📹You Tube

🔴#Live

Atrof-muhitni muhofaza qilish sohasida 30 dan ortiq qonunlar qabul qilindi

Anjumanda so‘zga chiqqan O‘zbekiston Ekologik partiyasi fraksiyasi rahbari Abdushukur Xamzayev so‘nggi yillarda Prezidentimiz rahbarligida mamlakatimizda atrof-muhitni muhofaza qilish, ekologik xavfsizlikni ta’minlash, tabiiy resurslardan oqilona foydalanish va “yashil” iqtisodiyotni rivojlantirish borasida keng ko‘lamli islohotlar amalga oshirilayotganligini ta’kidlab o‘tdi.
 

Xususan, yangi tahrirdagi Konstitutsiyamizda ekologik huquqlar mustahkamlanib, oxirgi o‘n yilda ekologiya va atrof-muhitni muhofaza qilish sohasida 30 dan ortiq qonunlar qabul qilindi.

 Jumladan, “Qayta tiklanuvchi energiya manbalaridan foydalanish to‘g‘risida”gi, “Ekologik audit to‘g‘risida”gi, “Gidrometeorologiya faoliyati to‘g‘risida”gi, “Organik mahsulotlar to‘g‘risida”gi, “Tuproqni muhofaza qilish va uning unumdorligini oshirish to‘g‘risida”gi, “Ichimlik suvi ta’minoti va oqova suvlarni chiqarib yuborish to‘g‘risida”gi,  qonunlar sohaning huquqiy negizini zamon talablari asosida mustahkamladi.

✅Telegram|✅Facebook | 🌐Instagram |🌐 Web site | 📹You Tube

🔴#Live

Qayd etish lozim, ekologik ekspertiza va strategik ekologik baholash tizimi takomillashtirilishi, issiqxona gazlari chiqarilishini cheklash bo‘yicha huquqiy mexanizmlar joriy etilishi hamda mamlakatimiz tarixida ilk bor Suv kodeksining yangi tahrirda qabul qilinishi sohaning mutlaqo yangi rivojlanish bosqichiga o‘tganidan dalolat beradi.

Mazkur hujjatlar mamlakatimizda ekologik barqarorlikni ta’minlashga qaratilgan davlat siyosatining huquqiy va institutsional asoslarini yanada mustahkamlab, tabiiy resurslardan oqilona va samarali foydalanish, aholi uchun sog‘lom va qulay atrof-muhit yaratish, “yashil” iqtisodiyotga izchil o‘tish, iqlim o‘zgarishi oqibatlariga moslashish, qayta tiklanuvchi energiya manbalaridan keng foydalanish hamda biologik xilma-xillikni asrab-avaylash borasidagi islohotlarni sifat jihatidan yangi bosqichga olib chiqdi.

Konferensiya ishtirokchilari mazkur huquqiy asoslarning hayotda to‘liq va samarali ishlashini ta’minlashda parlament nazoratining o‘rniga alohida e’tibor qaratdi.

✅Telegram|✅Facebook | 🌐Instagram |🌐 Web site | 📹You Tube

🔴#Live

Tabiiy hududlarga oid qonunchilikni yanada rivojlantirish bo‘yicha takliflar berildi

Anjumanda ekologik sohada yaratilgan huquqiy va institutsional asoslarni yanada mustahkamlash, parlament nazorati samaradorligini oshirish hamda “yashil” taraqqiyot maqsadlarini izchil amalga oshirish bo‘yicha bildirilgan ilmiy xulosalar va amaliy takliflarning ahamiyati ham alohida ta’kidlandi.

Konferensiya davomida olimlar va tadqiqotchilar tomonidan ekologik qonunchilikni tizimlashtirish, atrof-muhit monitoringi, chiqindilarni boshqarish, atmosfera havosini muhofaza qilish hamda muhofaza etiladigan tabiiy hududlarga oid qonunchilikni yanada rivojlantirish yuzasidan ilmiy-amaliy takliflar bildirildi.

✅Telegram|✅Facebook | 🌐Instagram |🌐 Web site | 📹You Tube