🔴#Live

Qayd etish lozim, ekologik ekspertiza va strategik ekologik baholash tizimi takomillashtirilishi, issiqxona gazlari chiqarilishini cheklash bo‘yicha huquqiy mexanizmlar joriy etilishi hamda mamlakatimiz tarixida ilk bor Suv kodeksining yangi tahrirda qabul qilinishi sohaning mutlaqo yangi rivojlanish bosqichiga o‘tganidan dalolat beradi.

Mazkur hujjatlar mamlakatimizda ekologik barqarorlikni ta’minlashga qaratilgan davlat siyosatining huquqiy va institutsional asoslarini yanada mustahkamlab, tabiiy resurslardan oqilona va samarali foydalanish, aholi uchun sog‘lom va qulay atrof-muhit yaratish, “yashil” iqtisodiyotga izchil o‘tish, iqlim o‘zgarishi oqibatlariga moslashish, qayta tiklanuvchi energiya manbalaridan keng foydalanish hamda biologik xilma-xillikni asrab-avaylash borasidagi islohotlarni sifat jihatidan yangi bosqichga olib chiqdi.

Konferensiya ishtirokchilari mazkur huquqiy asoslarning hayotda to‘liq va samarali ishlashini ta’minlashda parlament nazoratining o‘rniga alohida e’tibor qaratdi.

✅Telegram|✅Facebook | 🌐Instagram |🌐 Web site | 📹You Tube

🔴#Live

Tabiiy hududlarga oid qonunchilikni yanada rivojlantirish bo‘yicha takliflar berildi

Anjumanda ekologik sohada yaratilgan huquqiy va institutsional asoslarni yanada mustahkamlash, parlament nazorati samaradorligini oshirish hamda “yashil” taraqqiyot maqsadlarini izchil amalga oshirish bo‘yicha bildirilgan ilmiy xulosalar va amaliy takliflarning ahamiyati ham alohida ta’kidlandi.

Konferensiya davomida olimlar va tadqiqotchilar tomonidan ekologik qonunchilikni tizimlashtirish, atrof-muhit monitoringi, chiqindilarni boshqarish, atmosfera havosini muhofaza qilish hamda muhofaza etiladigan tabiiy hududlarga oid qonunchilikni yanada rivojlantirish yuzasidan ilmiy-amaliy takliflar bildirildi.

✅Telegram|✅Facebook | 🌐Instagram |🌐 Web site | 📹You Tube

Yagona Vatan — yagona xalq bo‘lib, yangi hayot va kelajak yaratamiz!

O‘zbekiston Ekologik partiyasi Surxondaryo viloyat partiya tashkiloti hamda “Yosh ekologlar” qanoti hamkorligida Amudaryo bolalar sog‘lomlashtirish oromgohida Mustaqilligimizning 35 yilligiga bag‘ishlangan madaniy-ma’rifiy tadbir tashkil etildi.

Tadbir “Yagona Vatan, yagona xalq bo‘lib, yangi hayot va kelajak yaratamiz!” bosh g‘oyasi asosida o‘tkazilib, unda oromgohda dam olayotgan bolalar va yoshlar faol ishtirok etdi.

Dastur davomida Vatanga muhabbat, tinchlik va mustaqillikni madh etuvchi she’rlar o‘qildi, ekologik va ma’naviy mavzularda savol-javoblar hamda qiziqarli viktorinalar tashkil etildi. Shuningdek, yoshlar o‘rtasida stol tennisi bo‘yicha sport musobaqasi o‘tkazilib, faol ishtirokchilar rag‘batlantirildi.

Mazkur tadbir yosh avlod qalbida vatanparvarlik, ekologik madaniyat va sog‘lom turmush tarzini targ‘ib etishga xizmat qildi.

✅Telegram|✅Facebook | 🌐Instagram |🌐 Web site | 📹You Tube

Bekobodda qayta tiklanuvchi energiya manbalaridan foydalanish tajribasi o‘rganildi

O‘zbekiston Ekologik partiyasi Toshkent viloyati Kengashi raisi Furqatjon Ahmedjanov hamda O‘zbekiston Ekologik harakati Toshkent viloyati bo‘linmasi rahbari Sergey Voropayev boshchiligida Bekobod tumanida tadbirkorlik subyektlari va aholi xonadonlarida qayta tiklanuvchi energiya manbalaridan foydalanish holati o‘rganildi.

Jumladan, “Istiqlol” MFY hududidagi “Street Auto” elektr transport vositalarini quvvatlash stansiyasida o‘rnatilgan 70 kVt quvvatli quyosh panellari faoliyati bilan tanishildi. Mazkur qurilmalar orqali stansiya faoliyati ta’minlanib, ularning 80–85 foiz darajasida o‘zini oqlayotgani qayd etildi.

Shuningdek, “Bo‘ston” MFYda istiqomat qiluvchi fuqaro Jahongir Akromov xonadonida o‘rnatilgan 10 kVt quvvatli quyosh panellaridan foydalanish tajribasi o‘rganildi. Ushbu tajriba energiya tejamkor texnologiyalardan samarali foydalanishning amaliy namunasi sifatida baholandi. Ma’lumotlarga ko‘ra, 2026-yil 1-avgust holatiga Bekobod tumanida qayta tiklanuvchi energiya manbalaridan foydalanish bo‘yicha jami 284 ta shartnoma tuzilgan. Shundan 160 tasi jismoniy, 124 tasi yuridik shaxslar hissasiga to‘g‘ri keladi.

O‘rganish yakunida qayta tiklanuvchi energiya manbalaridan foydalanishning ijobiy tajribalarini keng targ‘ib qilish hamda ekologik toza texnologiyalarni ommalashtirish bo‘yicha ishlarni davom ettirish belgilandi.

✅Telegram|✅Facebook | 🌐Instagram |🌐 Web site | 📹You Tube

Mehr va e’tibor — inson qadrining yuksak ifodasi

“Mahallada obodlik va mehr-saxovat oyligi” doirasida O‘zbekiston Ekologik partiyasi Surxondaryo viloyat Kengashi tomonidan hududlarda ehtiyojmand va ijtimoiy himoyaga muhtoj fuqarolar holidan xabar olish, ularning muammolarini o‘rganish va amaliy ko‘mak ko‘rsatishga qaratilgan ezgu ishlar izchil davom ettirilmoqda.

Xususan, viloyat partiya tashkiloti raisi Ibrohim Yoqubov boshchiligida partiya faollari, mahalliy deputatlar hamda mahalla yettiligi vakillari Termiz shahridagi "Turon" mahallasi, Shifokor ko‘chasida istiqomat qiluvchi, ijtimoiy reyestrga kiritilgan 68 yoshli Vera Karenskaya xonadonida bo‘lib, uning holidan xabar oldilar.

O'rganish davomida fuqaroning yashash sharoiti atroflicha o‘rganilib, xonadon hovlisi va uning atrofi obodonlashtirildi. Samimiy muloqot jarayonida Vera Ibragimovnaning murojaat va ehtiyojlari tinglanib, ayniqsa, salomatligi bilan bog‘liq masalalarga alohida e’tibor qaratildi.

Bunday ezgu tashabbuslar aholiga, ayniqsa, ehtiyojmand insonlarga mehr va e’tibor ko‘rsatish, ularni qo‘llab-quvvatlash hamda mahallalarda o‘zaro hamjihatlik va insonparvarlik muhitini yanada mustahkamlashga xizmat qiladi.

✅Telegram|✅Facebook | 🌐Instagram |🌐 Web site | 📹You Tube