Bekobodda qayta tiklanuvchi energiya manbalaridan foydalanish tajribasi o‘rganildi

O‘zbekiston Ekologik partiyasi Toshkent viloyati Kengashi raisi Furqatjon Ahmedjanov hamda O‘zbekiston Ekologik harakati Toshkent viloyati bo‘linmasi rahbari Sergey Voropayev boshchiligida Bekobod tumanida tadbirkorlik subyektlari va aholi xonadonlarida qayta tiklanuvchi energiya manbalaridan foydalanish holati o‘rganildi.

Jumladan, “Istiqlol” MFY hududidagi “Street Auto” elektr transport vositalarini quvvatlash stansiyasida o‘rnatilgan 70 kVt quvvatli quyosh panellari faoliyati bilan tanishildi. Mazkur qurilmalar orqali stansiya faoliyati ta’minlanib, ularning 80–85 foiz darajasida o‘zini oqlayotgani qayd etildi.

Shuningdek, “Bo‘ston” MFYda istiqomat qiluvchi fuqaro Jahongir Akromov xonadonida o‘rnatilgan 10 kVt quvvatli quyosh panellaridan foydalanish tajribasi o‘rganildi. Ushbu tajriba energiya tejamkor texnologiyalardan samarali foydalanishning amaliy namunasi sifatida baholandi. Ma’lumotlarga ko‘ra, 2026-yil 1-avgust holatiga Bekobod tumanida qayta tiklanuvchi energiya manbalaridan foydalanish bo‘yicha jami 284 ta shartnoma tuzilgan. Shundan 160 tasi jismoniy, 124 tasi yuridik shaxslar hissasiga to‘g‘ri keladi.

O‘rganish yakunida qayta tiklanuvchi energiya manbalaridan foydalanishning ijobiy tajribalarini keng targ‘ib qilish hamda ekologik toza texnologiyalarni ommalashtirish bo‘yicha ishlarni davom ettirish belgilandi.

✅Telegram|✅Facebook | 🌐Instagram |🌐 Web site | 📹You Tube

Mehr va e’tibor — inson qadrining yuksak ifodasi

“Mahallada obodlik va mehr-saxovat oyligi” doirasida O‘zbekiston Ekologik partiyasi Surxondaryo viloyat Kengashi tomonidan hududlarda ehtiyojmand va ijtimoiy himoyaga muhtoj fuqarolar holidan xabar olish, ularning muammolarini o‘rganish va amaliy ko‘mak ko‘rsatishga qaratilgan ezgu ishlar izchil davom ettirilmoqda.

Xususan, viloyat partiya tashkiloti raisi Ibrohim Yoqubov boshchiligida partiya faollari, mahalliy deputatlar hamda mahalla yettiligi vakillari Termiz shahridagi "Turon" mahallasi, Shifokor ko‘chasida istiqomat qiluvchi, ijtimoiy reyestrga kiritilgan 68 yoshli Vera Karenskaya xonadonida bo‘lib, uning holidan xabar oldilar.

O'rganish davomida fuqaroning yashash sharoiti atroflicha o‘rganilib, xonadon hovlisi va uning atrofi obodonlashtirildi. Samimiy muloqot jarayonida Vera Ibragimovnaning murojaat va ehtiyojlari tinglanib, ayniqsa, salomatligi bilan bog‘liq masalalarga alohida e’tibor qaratildi.

Bunday ezgu tashabbuslar aholiga, ayniqsa, ehtiyojmand insonlarga mehr va e’tibor ko‘rsatish, ularni qo‘llab-quvvatlash hamda mahallalarda o‘zaro hamjihatlik va insonparvarlik muhitini yanada mustahkamlashga xizmat qiladi.

✅Telegram|✅Facebook | 🌐Instagram |🌐 Web site | 📹You Tube

MAMLAKATIMIZDA EKOLOGIK BARQARORLIKNI TA’MINLASHDA PARLAMENTNING ROLI

Oliy Majlis Qonunchilik palatasidagi O‘zbekiston Ekologik partiyasi fraksiyasi tomonidan Vatanimiz mustaqilligining 35-yilligiga bag‘ishlab “Mamlakatimizda ekologik barqarorlikni ta’minlashda parlamentning roli” mavzusida ilmiy-amaliy konferensiya o‘tkazildi.

Batafsil: 👉 https://ecouz.uz/news/905

✅Telegram|✅Facebook | 🌐Instagram |🌐 Web site | 📹You Tube

🔴#Live

35 yillik shukuh: Xovosda ma’naviy-ma’rifiy tadbirlarga start berildi

Ayni damda mustaqilligimizning 35 yilligi munosabati bilan Xovos tumani hamda Yangiyer shahrida ma’naviy-ma’rifiy tadbirlar boshlandi.

Tadbirlar O'zbekiston Ekologik partiyasi tashabbusi bilan “Mustaqillikni asraymiz, tabiatni muhofaza qilamiz, kelajakni birga bunyod etamiz!” degan ezgu shior ostida tashkil etilmoqda.

✅Telegram|✅Facebook | 🌐Instagram |🌐 Web site | 📹You Tube

🔴#Live

Hamjihatlik sari 5000 qadam!

Xovos tumanida mustaqilligimizning 35 yilligi munosabati bilan “Yagona Vatan, yagona xalq” shiori ostida ommaviy yurish  — “5000 qadam” aksiyasi bo‘lib o‘tmoqda.

Unda mahalliy aholi vakillari, nuroniylar, xotin-qizlar, yoshlar, shuningdek harbiy xizmatchilar qatnashmoqda. Tadbir ishtirokchilari Al-Buxoriy ko‘chasi bo‘ylab harakatlanib, sog‘lom turmush tarzini targ‘ib qilmoqda.

Shuningdek, aksiya doirasida yosh havaskor sportchilar o‘rtasida velomarafon ham tashkil etilib, unda yoshlar o‘zlarining chaqqonligi, jismoniy tayyorgarligi va sportga bo‘lgan qiziqishlarini namoyon etmoqda.

✅Telegram|✅Facebook | 🌐Instagram |🌐 Web site | 📹You Tube