Mehr va e’tibor — inson qadrining yuksak ifodasi

“Mahallada obodlik va mehr-saxovat oyligi” doirasida O‘zbekiston Ekologik partiyasi Surxondaryo viloyat Kengashi tomonidan hududlarda ehtiyojmand va ijtimoiy himoyaga muhtoj fuqarolar holidan xabar olish, ularning muammolarini o‘rganish va amaliy ko‘mak ko‘rsatishga qaratilgan ezgu ishlar izchil davom ettirilmoqda.

Xususan, viloyat partiya tashkiloti raisi Ibrohim Yoqubov boshchiligida partiya faollari, mahalliy deputatlar hamda mahalla yettiligi vakillari Termiz shahridagi "Turon" mahallasi, Shifokor ko‘chasida istiqomat qiluvchi, ijtimoiy reyestrga kiritilgan 68 yoshli Vera Karenskaya xonadonida bo‘lib, uning holidan xabar oldilar.

O'rganish davomida fuqaroning yashash sharoiti atroflicha o‘rganilib, xonadon hovlisi va uning atrofi obodonlashtirildi. Samimiy muloqot jarayonida Vera Ibragimovnaning murojaat va ehtiyojlari tinglanib, ayniqsa, salomatligi bilan bog‘liq masalalarga alohida e’tibor qaratildi.

Bunday ezgu tashabbuslar aholiga, ayniqsa, ehtiyojmand insonlarga mehr va e’tibor ko‘rsatish, ularni qo‘llab-quvvatlash hamda mahallalarda o‘zaro hamjihatlik va insonparvarlik muhitini yanada mustahkamlashga xizmat qiladi.

✅Telegram|✅Facebook | 🌐Instagram |🌐 Web site | 📹You Tube

MAMLAKATIMIZDA EKOLOGIK BARQARORLIKNI TA’MINLASHDA PARLAMENTNING ROLI

Oliy Majlis Qonunchilik palatasidagi O‘zbekiston Ekologik partiyasi fraksiyasi tomonidan Vatanimiz mustaqilligining 35-yilligiga bag‘ishlab “Mamlakatimizda ekologik barqarorlikni ta’minlashda parlamentning roli” mavzusida ilmiy-amaliy konferensiya o‘tkazildi.

Batafsil: 👉 https://ecouz.uz/news/905

✅Telegram|✅Facebook | 🌐Instagram |🌐 Web site | 📹You Tube

🔴#Live

35 yillik shukuh: Xovosda ma’naviy-ma’rifiy tadbirlarga start berildi

Ayni damda mustaqilligimizning 35 yilligi munosabati bilan Xovos tumani hamda Yangiyer shahrida ma’naviy-ma’rifiy tadbirlar boshlandi.

Tadbirlar O'zbekiston Ekologik partiyasi tashabbusi bilan “Mustaqillikni asraymiz, tabiatni muhofaza qilamiz, kelajakni birga bunyod etamiz!” degan ezgu shior ostida tashkil etilmoqda.

✅Telegram|✅Facebook | 🌐Instagram |🌐 Web site | 📹You Tube

🔴#Live

Hamjihatlik sari 5000 qadam!

Xovos tumanida mustaqilligimizning 35 yilligi munosabati bilan “Yagona Vatan, yagona xalq” shiori ostida ommaviy yurish  — “5000 qadam” aksiyasi bo‘lib o‘tmoqda.

Unda mahalliy aholi vakillari, nuroniylar, xotin-qizlar, yoshlar, shuningdek harbiy xizmatchilar qatnashmoqda. Tadbir ishtirokchilari Al-Buxoriy ko‘chasi bo‘ylab harakatlanib, sog‘lom turmush tarzini targ‘ib qilmoqda.

Shuningdek, aksiya doirasida yosh havaskor sportchilar o‘rtasida velomarafon ham tashkil etilib, unda yoshlar o‘zlarining chaqqonligi, jismoniy tayyorgarligi va sportga bo‘lgan qiziqishlarini namoyon etmoqda.

✅Telegram|✅Facebook | 🌐Instagram |🌐 Web site | 📹You Tube

🔴#Live

Yoshlar bilan ochiq muloqot va ijodiy tadbirlar davom etmoqda

Yoshlarning bo‘sh vaqtini mazmunli tashkil etish, ularning ijodiy salohiyatini qo‘llab-quvvatlash hamda kitobxonlik va ekologik madaniyatini yuksaltirishga qaratilgan qator tadbirlar o‘tkazilmoqda.

Yoshlar bilan ochiq muloqot tashkil etilib, unda 60 nafar yosh ishtirok etmoqda. Muloqot davomida yoshlarning fikr-mulohazalari, taklif va tashabbuslari tinglanib, ularni qo‘llab-quvvatlash masalalari yuzasidan fikr almashilmoqda. Ochiq muloqotda mustaqillik, tinchlik-osoyishtalik va farovonlikning qadr-qimmati haqida atroflicha fikr yuritildi. Bugungi osuda hayot, erkin va farovon yashash imkoniyati xalqimiz uchun ulug‘ ne’mat ekani, uni qadrlash va asrab-avaylash har bir fuqaroning muqaddas burchi ekani ta’kidlandi.

Shuningdek, yoshlar Axborot-kutubxona markazida tashkil etilgan kitoblar ko‘rgazmasi bilan tanishib, turli yo‘nalishdagi adabiyotlar, ilmiy-ma’rifiy va badiiy asarlar haqida ma’lumotlarga ega bo‘lmoqda.

Tadbirlar doirasida tumandagi 1-sonli umumta’lim maktabi hududida 20 nafar yosh ishtirokida “Ko‘ngil ekologiyasi” mavzusida rasmlar tanlovi ham o‘tkazilmoqda. Tanlovda yosh ijodkorlar o‘zlarining tabiatga bo‘lgan munosabati, ekologik qarashlari va ijodiy yondashuvlarini rasmlar orqali namoyon etmoqda. Tanlovda 50 nafarga yaqin yosh tomoshabin sifatida ishtirok etmoqda.

✅Telegram|✅Facebook | 🌐Instagram |🌐 Web site | 📹You Tube