🔴#Live

35 yillik shukuh: Xovosda ma’naviy-ma’rifiy tadbirlarga start berildi

Ayni damda mustaqilligimizning 35 yilligi munosabati bilan Xovos tumani hamda Yangiyer shahrida ma’naviy-ma’rifiy tadbirlar boshlandi.

Tadbirlar O'zbekiston Ekologik partiyasi tashabbusi bilan “Mustaqillikni asraymiz, tabiatni muhofaza qilamiz, kelajakni birga bunyod etamiz!” degan ezgu shior ostida tashkil etilmoqda.

✅Telegram|✅Facebook | 🌐Instagram |🌐 Web site | 📹You Tube

🔴#Live

Hamjihatlik sari 5000 qadam!

Xovos tumanida mustaqilligimizning 35 yilligi munosabati bilan “Yagona Vatan, yagona xalq” shiori ostida ommaviy yurish  — “5000 qadam” aksiyasi bo‘lib o‘tmoqda.

Unda mahalliy aholi vakillari, nuroniylar, xotin-qizlar, yoshlar, shuningdek harbiy xizmatchilar qatnashmoqda. Tadbir ishtirokchilari Al-Buxoriy ko‘chasi bo‘ylab harakatlanib, sog‘lom turmush tarzini targ‘ib qilmoqda.

Shuningdek, aksiya doirasida yosh havaskor sportchilar o‘rtasida velomarafon ham tashkil etilib, unda yoshlar o‘zlarining chaqqonligi, jismoniy tayyorgarligi va sportga bo‘lgan qiziqishlarini namoyon etmoqda.

✅Telegram|✅Facebook | 🌐Instagram |🌐 Web site | 📹You Tube

🔴#Live

Yoshlar bilan ochiq muloqot va ijodiy tadbirlar davom etmoqda

Yoshlarning bo‘sh vaqtini mazmunli tashkil etish, ularning ijodiy salohiyatini qo‘llab-quvvatlash hamda kitobxonlik va ekologik madaniyatini yuksaltirishga qaratilgan qator tadbirlar o‘tkazilmoqda.

Yoshlar bilan ochiq muloqot tashkil etilib, unda 60 nafar yosh ishtirok etmoqda. Muloqot davomida yoshlarning fikr-mulohazalari, taklif va tashabbuslari tinglanib, ularni qo‘llab-quvvatlash masalalari yuzasidan fikr almashilmoqda. Ochiq muloqotda mustaqillik, tinchlik-osoyishtalik va farovonlikning qadr-qimmati haqida atroflicha fikr yuritildi. Bugungi osuda hayot, erkin va farovon yashash imkoniyati xalqimiz uchun ulug‘ ne’mat ekani, uni qadrlash va asrab-avaylash har bir fuqaroning muqaddas burchi ekani ta’kidlandi.

Shuningdek, yoshlar Axborot-kutubxona markazida tashkil etilgan kitoblar ko‘rgazmasi bilan tanishib, turli yo‘nalishdagi adabiyotlar, ilmiy-ma’rifiy va badiiy asarlar haqida ma’lumotlarga ega bo‘lmoqda.

Tadbirlar doirasida tumandagi 1-sonli umumta’lim maktabi hududida 20 nafar yosh ishtirokida “Ko‘ngil ekologiyasi” mavzusida rasmlar tanlovi ham o‘tkazilmoqda. Tanlovda yosh ijodkorlar o‘zlarining tabiatga bo‘lgan munosabati, ekologik qarashlari va ijodiy yondashuvlarini rasmlar orqali namoyon etmoqda. Tanlovda 50 nafarga yaqin yosh tomoshabin sifatida ishtirok etmoqda.

✅Telegram|✅Facebook | 🌐Instagram |🌐 Web site | 📹You Tube

🔴#Live

“5000 qadam” aksiyasi va velomarafonda faol qatnashib, yuqori natijalarni qayd etgan ishtirokchilar faxriy yorliq, esdalik sovg‘alari va tashakkurnomalar bilan taqdirlandi.

Taqdirlash marosimi ishtirokchilarga yanada ko‘tarinki kayfiyat bag‘ishlab, yoshlarni sportga keng jalb etish, sog‘lom turmush tarzini targ‘ib qilish hamda aholi o‘rtasida birdamlik va hamjihatlikni mustahkamlashda muhim ahamiyat kasb etdi.

✅Telegram|✅Facebook | 🌐Instagram |🌐 Web site | 📹You Tube

🔴#Live

Xovosda tekstil korxonasi faoliyati bilan yaqindan tanishildi

Sirdaryo viloyati Xovos tumanida faoliyat yuritayotgan “Yustex Textile Fashion” MChJning ishlab chiqarish jarayonlari, mehnat sharoitlari va korxonaning eksport salohiyati bilan yaqindan tanishildi.

2018-yildan buyon faoliyat yuritayotgan korxonada kattalar va bolalar uchun turli xil zamonaviy kiyim-kechak mahsulotlari ishlab chiqariladi. Bugungi kunda korxonada 100 nafarga yaqin ishchi-xodim mehnat qilmoqda.

Korxonada ishlab chiqarilayotgan mahsulotlar ichki bozor bilan bir qatorda xorijiy davlatlarga ham eksport qilinmoqda. Jumladan, tayyor mahsulotlar Rossiya, Germaniya va Qozog‘iston bozorlariga yetkazib berilmoqda.

Korxonada faoliyat yuritayotgan yoshlar va xotin-qizlar bilan ochiq suhbat ham tashkil etildi. Muloqot davomida ularning mehnat faoliyati, ish sharoitlari, taklif va tashabbuslari tinglandi. Shuningdek, yoshlar va xotin-qizlar uchun yaratilgan mehnat imkoniyatlari, kasbiy rivojlanish, bandlikni ta’minlash hamda ishlab chiqarish sohasida yangi imkoniyatlardan samarali foydalanish masalalari yuzasidan fikr almashildi.

✅Telegram|✅Facebook | 🌐Instagram |🌐 Web site | 📹You Tube