“O‘zbekiston va Turkmanistonni nafaqat umumiy tarix, madaniyat va an’analar, balki bugungi kunda tobora mustahkamlanib borayotgan do‘stlik va yaxshi qo‘shnichilik munosabatlari ham birlashtirib turadi. Men, ayniqsa, bu munosabatlarning bugungi yuksak darajaga ko‘tarilishida ikki davlat yetakchilarining mustahkam siyosiy irodasi va o‘zaro ishonchga asoslangan muloqoti hal qiluvchi ahamiyat kasb etayotganini alohida ta’kidlamoqchiman.

Davlat rahbarlarining sa’y-harakatlari tufayli mamlakatlarimiz o‘rtasidagi hamkorlik yangi mazmun bilan boyib, parlamentlararo aloqalar uchun ham keng imkoniyatlar ochilmoqda. Bizning, deputatlarning vazifamiz esa ana shu siyosiy irodani amaliy ishlar bilan qo‘llab-quvvatlash, xalqlarimiz o‘rtasidagi do‘stlik va o‘zaro anglashuvni yanada mustahkamlashdan iborat.”